28 marzo 2008

Un figure di riferiment

Juste îr Forestpark mi à fat une biele domande: cui sintetizial la furlanetât? Jo o ai cjatât un riferiment in pre Antoni Beline e Glesie furlane. Par chest us consei, par cognossi miôr chest om pardabon fûr de norme par inteligjence, preparazion, dignitât e bontât, di lâ a viodi cheste serade a Cjamin dal Tiliment (chi in bande l'invît) joibe ai 3 di Avrîl a lis 21.00 in auditorium-biblioteche, place San Valentino 12 (cjalait chi la mape).
Forest, se no tu sês in Friûl e no tu puedis jessi presint a la conference, cuant che tu tornis a cjase fâs un salt in biblioteche e domande cualchi libri di pre Antoni, tu viodarâs che cualchi rispueste tu le cjatis.

9 commenti:

forestpark ha detto...

Christian,

grassie pal post che i condivit tes sol linees. Al e' el spirit dai furlans, e insieme a chel di atre int, cal a fat i alpins, e no viceversa. Cjatanmi al estero, in tai stas uniis, i demarchi simpri le me apartinince ad un microcosmo di italie. No son tanc i puesc li che tu podis cjata' mar e montagnes in cirche 100km, dopo dut...; e a voltes mi mancje el friul, ma e ai pore a riclama' te memori un friul nostalgic dai mei vecjois. Mi sint che ai bisugne di une identitat furlane che e cjale cun fuarce indevant, cun gnove fuarce a les sfides globai. E mi domandi se i nestris gjovins e le nestre classe politiche e an i miecs par chest salt di qualitat....

Christian Romanini ha detto...

Mandi forest, figuriti.
Ce che tu tu ciris, un friûl no vecjo o nastalgjic, jo lu ai cjatât propit tes ideis dal grup di Glesie Furlane, secont me il moviment culturâl plui fin dentri dal panorame dal furlanisim. O scuen ameti che al inizi o vevi cualchi remore dade de mê ignorance: sâstu come che e je... no jeri tant usât a frecuentâ tancj predis e mi someave alc di strani. Invezit o ai cognossût int che e cjale pardabon lontan parcè che e cognòs a fonts lis nestris lidrîs.

thermonuke ha detto...

Mah,
o sarai prevignut,
no cognossarai ben,
ma che le me furlanetat e sedi rapresentade de Glesie fracjamentri e, personalmentri o ai cualchi perplesitat.

Ancje parceche, le storie di glesie furlane no le cognos ben, ma o cognos vonde che de Glesie Romane, soredut viers lis cultureres "minoritaries".

Des crociades ae evangjelizazion dal sud americhe fin al batisim di Magdiallam in mondovision.

Altri che tramai dal stat talian....!!!

Forsit in Friul e je une cubie che fas ecezion ma o ai pore che sedi dome une cubie e dome une ecezion. E cuindi francjamentri mi interesse poc!

Christian Romanini ha detto...

Mandi thermo.
Su lis cuistions di fede, o un al crôt o nol crôt. Ma l'argoment al è un altri e no ai voie di fevelâ chi di teologjie parcè che no soi a la altece.
Propit parcè che tu cognossis la Glesie romane, cognossint Glesie furlane tu ti rindaressis cont de frescjece dal lôr pinsîr e de lôr diference.
La lôr azion no je dome confessionâl par puartâ une Glesie plui incjarnade e dongje de int, ma ancje di cussientizazion dal popul par fâi cognossi la sô identitât, cence ricori a une imposizion di modei esternis, ma valorizant e fasintnus scuvierzi lis nestris lidrîs. Dome se si ha une profonde cussience di se, no si à pôre di frontâ il diviers: su chest principi e va indevant la azion di Glesie furlane par un Friûl no sierât, ma viert che al cjale indevant.

Christian Romanini ha detto...

Po dopo, par fevelâ di altri, us met achì une biele riflession che al fâs il Crot a proposit di storie, o miôr, di storiis... fracait chi.

thermonuke ha detto...

O pensi di no ve fevelat nancje un second di fede o di teologje.

Le cuistion e je un altre ma posto che tu vuelis sposta il probleme metinle cussi:
te profesion di fede major che tu fasis a messe, el CREDO al riepiloghe in sequence les fondes de fede cristiane, in plui al a une diclarazion credo la chiesa: una, santa cattolica e apostolica dal rest no si tabae.

E durant le binidizion dal pan mi par che si disi ricordati Padre della tua Chiesa diffusa su tutta la terra, rendila perfetta.... in unione con il nostro Papa, il ns. Vescovo e gli apostoli e tutti

Mai sintuti tabaja di minorancis o di cubies "esternes", si rispuint al capo fin chhe si sta sot il capo.

Un poc come in fuarce Italie-AN che no si po tabaja di furlan... atu presint?

Christian Romanini ha detto...

Mandi Thermo
di fat nancje jo o vuei fevelâ di teologjie ni o ai dit che tu tu âs fat tu.
Dut câs, propit parcè che la Glesie Romane e à dineât e ancje cumò e je frede cul dirit di difindi la lenghe furlane, ve chi che e jentre la iniziative di pre Checo, pre Toni e Glesie furlane di puartâ dentri de Glesie no dome la lenghe, ma la dignitât pai furlans.
E lu àn fat e lu fasin cuntune preparazion e cu lis intuzions che mi àn plasût e mi plasin pardabon.

thermonuke ha detto...

Al me coment nr. 3 tu rispuindis:
Mandi thermo.
Su lis cuistions di fede, o un al crôt o nol crôt. Ma l'argoment al è un altri e no ai voie di fevelâ chi di teologjie parcè che no soi a la altece.


jo o replchi:
O pensi di no ve fevelat nancje un second di fede o di teologje.

e tu:
Mandi Thermo
di fat nancje jo o vuei fevelâ di teologjie ni o ai dit che tu lu âs fat tu.



i cas e son doi, o no tu mi as rispuinduti o un di no doi al e convint che chel altri al sedi stupit :-(

Christian Romanini ha detto...

Thermo,
mi displâs che tu vedis pensât che ti trati di stupit. no volevi e ti domandi scuse. :-(