Martars Prin di Lui a 8 e mieze di sere al sarà Consei comunâl, parcè che la setemane passade no vin rivât a sierâ i lavôr dentri di mieze gnot.
Usgnot o soi stât a Sant Denêl. Ce isal di miôr di une buine fete di pressut intune cjalde serade di Istât? Dome une buine fete di pressut intune serade di Istât, mangjade in compagnie: ve ca la Ninine che causalmentri o ai cjatât a cene a Sant Denêl...
Cristina Chiabotto (te foto piçule, cul Gnut) mi sa che si cjate ben chi di nô. Dopo Friuli Doc, e je tornade in Patrie par screâ "Aria di Festa" (te foto grande cuntun biel plat di pressut... un grazie a Ranieri pe foto). E po, ancje par gambiâ sogjet: dopo dal uciel de aghe al è just cognossi ancje il purcit di culine...
Renzo Tondo, President de Regjon (te foto) al à incuintrât il Comitât pe Autonomie e pal Rilanç dal Friûl. E mi à splaçât! Eh sì, parcè che se pal passât jo e lui o vin vût ce discuti in mert a la cuistion de tutele de leç sul furlan, cheste volte o dîs che o soi content di ce che o ai sintût. Ancje se al è stât sclet: "su cierts aspiets o resti critic" il President al à cjapât biei impegns "O siguri che o tutelarìn la leç sul furlan denant de Cort costituzionâl e sul furlan in Rai mi met a disposizion par une presince plui fuarte" al à dit.
Torzeonant su Internet o ai cjatât un articul dal Piccolo che al fevele de categorie che o fâs part ancje jo: i impleâts di segretarie.
Il dree al varès di jessi content: di cuant che al à sierât il blog a son nassûts altris par furlan. L'ultin al è chel di Miguel che al scree il blog dal Guardianut.
Mi è rivade vôs che usgnot e sarès stade convocade une assemblee par domandâ a la comunitât ce che e pense dal gnûf tor. Intun prin moment ancje al comission teritori ambient dal Comun e veve decidût cussì, ma dopo la robe si è fermade.
Vuê o ai stât a fâ une cjaminade sul Cuarnan par festegjâ la prime zornade di Istât.
Vuê o soi un tic emozionât: mi àn consegnât i biliets di visite (cjalait chi in bande).
Us segnali un biel libri di lei e che al sarà presentât vuê a Udin a 6 di sere in Sale Ajace. L'autôr al è Marco Stolfo e chi in bande e je la cuviertine di "Lingue minoritarie e unità europea". Martars ai 24 di Jugn a 6 e mieze di sere al sarà Consei comunâl.
La Patrie dal Friûl e je rivade. Tal numar di Jugn o vin fat un speciâl "Ce che o volìn". Di chest numar o podês ancje lei i articui on line.
O scuen ametilu: a mi cjalâ lis partidis par television, mi fâs une sium che no us dîs... ancje îr o ai cirût di viodi la Cechie, ma mi soi fat une ronfade di lusso.
Stant che ducj us fevelin di Euro2008, jo invezit us feveli di un altri torneu di balon li che al à vinçût il Sudtirôl: ve ca il sît di Europeada2008, il campionât di Europe di Balon des minorancis linguistichis.
Vuê la stampe e à dât tant spazi al nestri comun. Dopo dal articul su la proteste pe rotatorie scrit sul Messaggero, ve chi il Gazzettino che al fevele dal Ospedâl di Sant Zuan a Sant Tomâs (te foto, la gleseute che e sta devant)
Vuê sul gjornâl Margherita Plos di Triviâ e interven cuintri de rotatorie che e varès di jessi fate su la SS463 a Trivià, li dai Campos. E fâs un atac une vore fuart cuintri de Aministrazion, in particolâr cuintri dal ex assessôr ai LLPP Aldo Zucchiatti e cuintri dal Sindic.
Vuê us mostri il gno gnûf ufici. Al è passât cualchi dì, ma dome cumò le met on-line... se no cualchidun al tache a pensâ che o vedi contât une bufule... :-)
Ve chi, in regâl cu la Vite Catoliche, il gnûf numar di Alc&cè, il gjornalut par fruts dut in marilenghe curât de brave Erika Adami, realizât cul contribût de Direzion centrâl Istruzion, culture, sport e pâs de Regjon Friûl-Vignesie Julie.
Vuê al fâs i agns gno pari Gian Carlo, che però ducj a cognossin come il "John", che, te foto, al sarès sedi chel daûr sedi chel parsore de torte! =)
Vuê matine o ai stât a la Bikerfest a Osôf. E jere la prime volte che o jentravi come "Motâr". Ve chi che o soi cul gno amì Moreno, l'organizadôr dal event. O ai stât a sintî une conference su la sigurece stradâl e i problemis che i motociscj a cjatin ator pes stradis e che a rapresentin un pericul pe nestre incolumitât.
Disìn che i efiets di une cierte sieradure ben plancut a rivin... no sai se e je semplice coincidence o cause efetive, dopo che il Dree al à sierât o vin plui di cualchi novitât. Di fat, dopo dal blog di storie furlane, ve che i Sporteliscj a tornin a cjapâ in man il lôr (ma jo o preferìs dî: il nestri) blog: Il Sportel. Di fat ancje se formalmentri no soi plui de categorie, mi sint simpri part de famee. Bon lavôr!
Come che o savìn il Dree si è cjapât un tic di polse, ma a son passâts dome pôcs dîs che la blogosfere furlane e salude cun gjonde une biele novitât: come che nus visin ancje la Ninine e Norman, ve chi un biel blog di storie furlane, screât dal nestri Sandri.
Luca nus vise che a son on-line ducj i documentaris di Farcadice: Colonia Caroya, Charleroi, Umkomaas e Toronto.
E je vere che no si à di creâ alarmisim, ma dute chel fevelâ di nucleâr che si à vût tai ultins dîs, al à trascurât un fat. E la notizie dal incident te centrâl nucleâr in Slovenie nus à tornât a fâ spiçâ lis orelis.
Sul Messaggero di îr e jere une letare al diretôr scrite di Remo Brunetti di Cjavaç. Al ricuarde une biele iniziative li che o jerin intervignûts l'on. Mauro Pili, l'atuâl President de nestre Regjon, Carli Pup e jo. O ringrazii Remo Brunetti ancje pe segnalazion dal biel sît de Provincie di Trent su lis minornancis. Lait a viodilu.
O ringrazii sedi thermonuke, sedi M.F. (che mi à scrit une mail) che mi àn segnalât la evoluzion di chê riunion fate a proposit des ativitâts estivis pai fruts. Se intun prin moment al someave che la rispueste de Aministrazion comunâl e fos "Par resons logjistichis, rangjaitsi", cumò al ven fûr che e sarès une pussibilitât...
Mi vevin contât di un siorut che al jere rivât a cjaminâ su la aghe e alore, profitant di cualchi zornade di polse al mâr, o ai volût provâ ancje jo...
Post
Tutti i commenti
