Vuê o ai stât a fâ une cjaminade sul Cuarnan par festegjâ la prime zornade di Istât.Par câs, o ai ancje cjatade buine compagnie "impegnade intune perlustrazion"... almancul cussì mi à dit intant che si cjaminave sù pal troi...
Parsore e je la gleseute dal Redentôr (te foto), di dulà che si rive a cjalâ jù pal Friûl fintremai a Lignan, se al è biel.
Par dî la veretât, vuê no ai rivât fint insom, parcè mi soi cjatât un tic ingredeât... un tic rusin... o soi rivât fint a malghe Cuarnan e cuant che li mi soi inancuart che o vevi dismenteât il tacuin e no varès podût comprâmi il frico, mi son zirât i "cjarsons" e o soi tornât indaûr! :-( Ma o torni!... sigûr che o torni!
Post
5 commenti:
se tui fasevis viodi el biliet di visite nol coventave el tacuin....
ma forsit mior cusì, se tu tacavis a mangjà cui tornavial indaur ??
maman..
Intant o volevi visa che e je stade le green-fest tai prats di "Gardo".
Ducj chei che e an gjoldut, finalmentri, dal biel timp e soreli, ti visin che son plovuts dome risultats di sport, al a soflat aiar di amicizie, t'un burlaç di gastronomie e allagat di bire.
E je lade ben ancje ae Pro Majano che e a stat ae fieste dai vins a Lignan a fa une slavinade di gjaluts.
Aromai le to fame metoreologjche e je alc plui di une illazion!
:-D
Ranieri, el biliet lu veve ancje tirat fur ma j'an dite che cjarte an vevin....
:-D
thermo, tu ses propite une besteate! pur sul Cuarnan nol a plot! =P
thermo,
mi vignarès di spedîti une tampieste di insults! :-)
pestifar che no tu sês altri! :-P
Posta un commento