13 maggio 2014

ROMANINI CANDIDÂT 'SOCIAL' PAL COMUN DI CJAMPFUARMIT 2.0

Us met chi il comunicât stampe che o ai mandât ai gjornâi.
Tal test o ai metût in evidence cualchi concet che za di agns o ai metût in vore.
La politiche e à di jessi servizi al citadin e propit par chest i social network a son un dai principâi imprescj tes mans dai eletôr che a puedin dialogâ in maniere direte cui propris rapresentants se chescj no àn pôre dal confront. Jo in chescj agns o ai dimostrât di no tirâmi indaûr, anzit par me al è stât une vore util par rispuindi aes necessitâts dai citadins.
O ai screade una pagjine Facebook (fanpage "Christian Romanini in comun a Cjampfuarmit") e doprant ancje un profîl Twitter (@romanini77).
O ponti cun grande convinzion su lis gnovis tecnologjiis a servizi de popolazion par un "OpenMunicipi Cjampfuarmit 2.0".
O ai acetade la candidature pe Lega Nord parcè che tal prin puest dal nestri program eletorâl pal Candidât Sindic Andrea Bacchetti e je la centralitât de persone: coinvolziment, partecipazion, confront e duncje il dialic cul citadin no son dome un slogan. Cun Facebook e Twitter, ven a stâi cuntun sempliç click, o dialogarai in maniere costante cui citadins, come che o ai fat fin cumò.
Lant sui miei canâi web o cjatarês i ponts principâi de mê campagne eletorâl, in particolâr il dialic cu la citadinance, la sigurece des fameis, la cuistion "viabilitât" (lis cussì clamadis "bretelle"), la culture e la identitât furlanis.

VE CHI LA VERSION PAR TALIAN
ROMANINI CANDIDATO 'SOCIAL' PER IL COMUNE DI CAMPOFORMIDO 2.0

02 maggio 2014

Novitât e esperience par Cjampfuarmit

Chest mês a son lis elezions pal Comun di Cjampfuarmit e o ai acetât la candidature te liste de #LegaNord par #BacchettiSindic I letôrs di chest blog za mi cognossin, ma par cui che al rive chi pe prime volte al è just presentâmi. O ai 37 agns e o soi nassût a Dielsdorf in Svuizare. O soi dipendent public e gjornalist publicist. O ai za vude esperience come aministradôr public dal 2000 al 2012 (assessôr e conseîr comunâl, component Anci Zovins, Arlef). O colabori cun diviers gjornâi e associazions culturâls a pro dal Friûl. O soi vignût a stâ a #Cjampfuarmit tal 2011 e mi plasarês di podê meti a disposizion lis mês competencis pe aministrazion di chest Comun parcè che o pensi che partecipâ ae vite dal paîs al sedi un dirit, ma ancje un dovê di ogni citadin par dâ in prime persone il propri contribût par cirî di miorâ la cualitât de vite de comunitât.
Par me TRASPARENCE e PARTECIPAZION no son dome un slogan.
CIRIMI ancje su:
TWITTER: @romanini77
FACEBOOK: fanpage Christian Romanini in Comun a Cjampfuarmit.