Vuê joibe ai 30 di Novembar aes 6 sot sere li de sale consiliâr a Felet il comun di Tavagnà, adun cu la associazion LinguESTpress, al presente il concors "ESTROVERSO", Premi internazionâl di traduzion di leterature pe infanzie des lenghis dal est Europe al talian e al furlan.
Ancje se o vin za fevelât, cheste e val la pene di tornâ a ricuardâle: Dog of Tires si è confermade come une grande manifestazion sportive. Par savê come che e je lade, lait a lei achì.
La setemane passade non vin rivât a discuti dut l'ordin dal dì e duncje martars ai 28 di Novembar aes 6 e mieze sot sere al è inmò Consei comunâl.
Tal consei comunâl de setemane passade o ai rivât a fâ aprovâ cheste delibare che o mandarìn al Parlament a Rome. O soi propit content parcè che al sarès pardabon un at impuartant rivâ a ratificâ la Cjarte europeane pes lenghis regjonâls (1992).
Vuê e je la notizie des dimissions di Claudio Marcuzzi de incjarie di conseîr comunâl. Un mandi a un aversari leâl.
L'assessorât aes ativitâts produtivis al à inmaneât une cunvigne:
Sabide e domenie che a vegnin a Cjasesole (tes Tires, in grafie uficiâl si varès di scrivi Tiris, ma al cole il zûc di peraulis...) e sarà la tierce edizion de corse cui cjans inmaneade di Dario dai Ols (Modesti) e dai siei colaboradôrs de Pro Loco di Cjasesole.
Come che us ai anticipât, ve chi la gnove copertine de Patrie dal Friûl, mês di Novembar. Si fevele dal gnûf Friûl, di migrazion e tantis altris robis, se o vês voie di abonâsi, ve chi il cont corint intestât a:
O aprofiti par fâ un pocje di publicitât al gjornâl La Patrie dal Friûl che al jes une volte al mês (chi in bande il numar di Otubar).
La associazion "Nostro Domani Pontello Valentino" e inaugure sabide la sede di Pêrs.
Il president de Colinâr al ven in consei, nus conte tantis "bielis" robis su lis scovacis, ma tal doman sul gjornâl al ven fûr che cumò lis puartin a Ferrara e dopo a Davian: no podevial dînusal za in Consei cence che o vedin di leilui dal gjornâl? Intant ancje Thermonuke nus segnale une letare publicade sul Messaggero.
Sabide ai 4 di Novembar, aes 20.30 li dal centri parochiâl di Susans si presente il libri di Angelo Dreosti "La grande guerra in Carnia: nei diari parrocchiali e nei processi del tribunale militare".
Post
Tutti i commenti
