Mangjâ e murî

Torzeonant su internet o vevi un tic di debulece e mi soi fermât in chest sît achì, che al insegne a fâ di mangjâ…

Patui e i Tupamaros

Chest al è l’ultin libri di Paolo Patui, che al è di Sant Denêl. Lu àn recensît ancje Repubblica e La Gazzetta dello Sport. Chest invezit al è il sît di Paolo Patui e une interviste che i ai fat timp indaûr lei achì...

Cognossisi par cognossi

Ma par cognossi ce che al è ator pe Europe, al è util cognossi prime ce che al è ator ator di noaltris... ve chi une altre biele pagjine: di viodi

MIDAS: Lenghis minoritariis e stampe

Cognossi il furlan nol vûl dî cognossi dome la storie e la culture de tô tiere. Torzeonant su internet, grazie ae segnalazion di Donato, o ai cjatât il sît de associazion che e met adun ducj i gjornâi che in Europe a doprin la lenghe minoritarie: MIDAS. Chest al dimostre, une volte di plui, che si pues doprâ cence pôre la marilenghe, sedi furlan, ladin, ocitan e vie indevant. Ma si à di jessi convints, nô prin di ducj…

3 di Avrîl: Fasìn Fieste!

Come che o vin dite cualchi zornade indaûr, ai 3 di Avrîl a saran 929 agns de Patrie dal Friûl.
Tal sît de Provincie di Udin si pues discjamâ il pdf dal librut, fat pe ocasion e mandât pes scuelis. E je une biele iniziative pai fruts, ma ancje cualchi grandut al pues cognossi robis che salacor nol saveve: lei achì.
Te publicazion, ma ancje ta chest sît (lenghe.net ), si cjate dut il program de manifestazion che varà la cerimonie plui impuartante a Cormons.

Un puest pai zovins a Maian

Cheste e je la pagjine di presentazion dal "Informagiovani" di Maian (par furlan si pues dî Informezovins): Informajano-Informezovins di Maian.
Al è un servizi che al permet, soredut ai plui zovins (ma no dome) di vê un pont dulà cjatâ informazions su la formazion, turisim, servizis dal comun, doprâ i PC, torzeonâ su internet e vie indevant...
Il prossim apontament al è par miercus ai 5 di Avrîl aes 18.00 cuant che e sarà fate la premiazion pal concors di creazion de steme dal “Informajano”. La pueste eletroniche e je informajano@gmail.com.
Il servizi al è li dal Municipi, tal plan sot dal Spazi di Art “Ciro di Pers” e si jentre pal curtîl daûr dal palaç municipâl.

Furlan e economie

Inte foto doi esemplis di cemût fâ economie cul furlan (in particolâr, produzion tessile): disêt se no son bielis chestis maiutis... Po dopo une riflession ancje su la produzion enogastronomiche furlane: Ce isal miôr dal Frico? Nuie, anzit forsit alc: il frico cu la "E".

Grazie a maxpola par vê documentade la trasfierte di Barcelone... chei sì che a jerin timps biei... il rest de gjite al è achì: compliments, di viodi!

A proposit di emigrazion e parincj tal forest

Chest al è un biel sît metût in vore de Regjon. Se la vuestre famee e à parintât tal forest, salacor chi si à cûr di cjatâ alc di interessant: Archivi Ammer

Par fevelâ ancje di altri alc: Balon

L'Udin nus dâ pocjis sodisfazions, il Maian invezit al à vinçût ancje a Ruvigne, ve ca la ultime domenie:

2e Categorie - Giron B
I RISULTÂTS
Arteniese-Caporiacco 1-1
Aurora Buonacq.-Treppo Gr.3-1
Azzurra Pr.-Moruzzo 2-0
Colloredo di MA-Tavagnacco0-3
Fulgor-Torreanese 1-2
Majanese-Ragogna 1-0
Osoppo-Gaglianese 0-1
Stella Azz.-Nimis 3-3

LA CLASSIFICHE

Aurora B. 61
Torreanese 53
Caporiacco 47
Gaglianese 45
Majanese 45
Arteniese 43
Azzurra Pr. 33
Colloredo di MA 32
Treppo Gr. 31
Nimis 28
Stella Azz. 28
Tavagnacco 27
Fulgor 26
Osoppo 22
Moruzzo 20
Ragogna 18

Biel lant cul Benandant

Il Circul Culturâl “Il Vieri rôl” al à a pene publicât il tierç volum dai fumuts che a contin lis aventuris dal Benandant ator pai paîs de nestre regjon. A Pêrs, o vin tornât a fevelâ cun Paolo Paron, president dal circul e che za cualchi mês indaûr nus veve ospitât te sede de associazion par presentânus la figure di chescj personaçs misteriôs che te Ete di Mieç a cjaminavin vie pes stradis dal Friûl jenfri fede e superstizion. Paolo Paron nus à duncje spiegât in maniere plui precise il progjet editoriâl che al conte aromai trê episodi intune golaine di ancjetancj libris. Ancje cheste storie e je scrite propit di lui e i disens a son di Francesco Bisaro, un sodalizi che al continue bielzà dal prin volum... continue a lei l'articul

Cors di Furlan

Chei che a àn voie di imparâ alc di plui di furlan e de nestre culture, a puedin lâ a dâ un cuc a chescj doi avîs:
CIRF ( Centri Interdipartimentâl di Ricercje su la culture e la lenghe dal Friûl-Universitât di Udin);
o
Comun di Premariâs

Il furlan ancje al ONU

Ben po! Cheste no me spietavi nancje jo... torzeonant su internet o soi rivât intun altri blog furlan: il furlanist e ce ti cjatio?
Il link dal sît dal ONU e dentri la declarazion dai dirits dal om ancje par furlan.

Salacor no covente nancje cheste, ma a mi mi à fat plasê...

Creativitât e solidarietât tal Cjistiel di Susans

E je rivade cheste segnalazion: vinars ai 31 di Març aes 19.00 si scree une mostre di art a Susans. Il ricavât de mostre al larà par judâ la Associazion Nostro Domani, che e fâs assistence aes fameis dai disabii e che di pôc e à viert une struture a Pers.
Par savê alc di plui su la mostre, lait a viodi achì:
Touring Club Italiano
Arte Gorizia
Teknemedia arte contemporanea

Grazie a Alessandro pe segnalazion

3 di Avrîl 1077 - 3 di Avrîl 2006: 929 agns de Patrie dal Friûl

Un pocje di storie su Indrì IV e il Patriarcje Siart: lei achì .

(inte foto la cuviertine di une publicazion mandade pes scuelis e bibliotechis di bande de Provincie di Udin-Ufici pe Lenghe Furlane, disen di Alessandro D'Osualdo)

Ce raze di trute!

Vuê e jere ancje la prime zornade che si podeve tornâ a pes: cheste trute le àn cjapade a Farle tal dopomisdì. E pese Kg 3.600 e rots… Compliments a chel che le à cjapade e a Ilvo e Maurizio che lu àn judât a tirâle fûr! Bulos!

Mandi Glemone: Mai daûr!

Vuê su la mont di Muris si à ricuardât il Galilea. E je stade ancje la ocasion par saludâ par simpri il Bataion Glemone, sierât in date 14 di Otubar dal 2005. La biele cerimonie si è sierade cul sproc dal Bataion: Mai daûr!
Mandi Glemone!

Vêso puartât indenant l’orloi?

Usgnot e je jentrade la ore legâl. Chest sît nus dîs alc di plui di cheste robe: fracait chi...

Afds sezion di Maian: assemblee anuâl

Vuê e je la zornade de donazion coletive di sanc, inmaneade de sezion Afds di Maian. Doman (domenie ai 26 di Març aes 10.00) si davuelzerâ la assembree anuâl de sezion maianese li dal Palaç des Associazions in vie Zorutti.
Ps: in comun di Maian o vin 2 sezions Afds: chê di Maian (apont) e chê di Susans.

La mostre di piture dai arlêfs di Monica Zumino

Monica Zumino, artiste di Maian, no dome e piture par so cont, ma e ten ancje cors publics. Un dai ultins al è stât fat a Cjasesole e i lavôrs dai arlêfs a son in mostre a Maian, li de sale “Ciro di Pers”. Si pues visitâ sabide ai 25 (orari: 15.00-19.30) e domenie ai 26 (orari: 10.00-12.00 e 15.00-19.30).

Denuncie dai redits e 5 par mil

O sin dongje dai tiermis par presentâ la denuncie dai redits. Se cualchidun no lu sa, e je la pussibilitât di regalâ il 5 par mil a sogjets e organizazions no profit e di solidarietât. Chest sît al sclarìs cemût fâ: fracait chi.
Cheste invezit e je la liste dai sogjets che us disevi chi parsore: 5 par mil.
Fevelait cul vuestri comercialist.

La cerimonie pal Galilea

Domenie ai 26 di Març su la mont di Muris si ricuardaran i muarts dal Piroscaf Galilea, silurât ai 28 di Març dal 1942. Parsore a jerin i Alpins dal Glemone (la plui part) e soldâts di altris cuarps militârs: indi jerin 1.275, ma si salvarin dome 284. Ancje su internet si ricuarde cheste disgracie e us segnali chest par lei alc di plui sul bataion Glemone e dal silurament dal Galilea

Cine a Rivis e su la rêt

Us presenti cheste iniziative che si davuelç a Rivis Darcjan: se us plâs il cine, ve chi ancje la pagjine web di visitâ: lait a viodi achì

Istruzions pe elezion dal Consei Comunâl di Maian

Ancje pes elezions comunâls la Regjon e à mandât pes cjasis une biele robe: al è un volantin che al clarìs cemût che si vote (o ai dite “cemût” e no “cui votâ”…). Chi in bande o ai taiât fûr la part relative ae elezion dal Consei Comunâl di Maian.
Invezit pes elezions politichis (Cjamare e Senât) al baste segnâ dome la liste e nol covente scrivi nissun non.

Istruzions pes elezions de Provincie

Îr la Regjon e à mandât pes cjasis une biele robe: al è un volantin une vore util che al clarìs cemût che si vote (o ai dite “cemût” e no “cui votâ”…). Chi in bande o ai taiât fûr la part relative ae elezion dal Consei Provinciâl.
Invezit pes elezions politichis al baste segnâ dome la liste e nol covente scrivi nissun non.

Elezions provinciâls: un episodi simpatic!

Îr o ai vût mût di fevelâ cul candidât dal centriçampe pe presidence de Provincie,“I dîs daurman la sante veretât: no votarai par lui, ma I fâs distès i auguris”: o vin fate une ridade insieme.
Percè che si pues jessi aversaris, ma mai nemîs!!!
(chi in bande l’articul dal Gazzettino di vuê che al à documentât il simpatic episodi.)

Pro Majano: Daniele Stefanutti confermât President

La "Pro Majano" e à tornât a confermâ il President che di 6 agns a vuide la associazion: Daniele Stefanutti, che duncje al tache il so cuart mandât.
Bon Lavôr!

Chest al è il link par viodi ce che e à fat, ce che e fâs e ce che e fasarà la Pro Majano

(inte foto, Festival 2005: Stefano Andreutti, percussionist dai Zuf de Žur te sô esibizion in ocasion de scree des sculturis di Alfredo Pecile, Pablo Garelli e Alessandro Canu )

Mi à scrit Berlusconi!!!

Vuê o soi tornât di vore e o ai cjatât une sorprese rivade par pueste: il President Berlusconi mi à scrit.
Timp indaûr i vevi mandade une mail par informâlu che ancje intun comun dal Friûl a son lis elezions. E ce isal sucedût: ve chi la foto cui siei auguris!
Grazie President!

Primevere, vierte, spring, Feder, vir, printemps, primavera...

Ce biel: vuê e tache la Primevere! Se us capite di passâ par Cjasesole, us consei di fermâsi un moment li de Torbiere: i prâts a son dute une rose… e scusait se te foto no son margaritis, ma o preferìs i cisignocs…

PPP

Si pues ancje pensâle in maniere difarente, ma denant de gjenialitât no si pues sierâ i voi: ve ca un biel sît di viodi, lei, sintî, scoltâ e pensâi parsore… frache chi!

Atenzion: pericul!

Achì no us consei di lâ: o podaressis cjatâ un troll, o un so cusin sbilf cjargnel e che salacor us fevele par furlan! Duncje, ocjo: zone pericolose!

A Sant Denêl nol è dome pressut...

Stant che plui di cualchidun mi à za mandât ta chel paîs, come che si dîs, o ai tacât a cjalâmi un ticut ator e alore mi soi fermât a mangjâ une bocjade a Sant Denêl li di Angelico… a di chei che crodin che a Sant Denêl al sedi dome il pressut o consei di lâ a mangjâ i spaghets cu la trute! Ve chi!

Berlusconi nol mole mai!

Chest il coment di Renzo Tondo, il dì dopo dal intervent di Silvio Berlusconi, ospit di Confindustria. “Al à dimostrât di jessi un lotadôr: ancje cuntun probleme di salût che no lu fâs cjaminâ inmò ben, si è alçât e cun grinte al à fat il so intervent. Al è il vêr leader e la base di Confidustria, il mont dai imprenditôrs, e je cun lui e cul guvier! Al baste sintî che cuant che al è jessût, dute la platee in coro e vosave “SILVIO-SILVIO!!!”.

Chi si pues lei alc di plui e ancje viodi un tocut di filmât.

Lassant un tic in bande la politiche, vuê al è Sant Josef: auguris a ducj i paris!

La musiche dai Arbe Garbe

Usgnot o ai stât a viodi a Rivis Darcjan la serade cun Max Mauro e la musiche dai Arbe Garbe (chi in bande la cuviertine dal lôr disc “Iubilaem”). Pardabon biele: compliments al Comun e ai protagoniscj dal incuintri!
Di Max Mauro o vin za dite alc e invezit par chei che no cognossin i Arbe Garbe, si pues lâ a viodi (e sintî) alc achì...

Lis vuestris propuestis pal Cuel dal Fum

Se cualchidun al è passât par Maian, al à viodût che a son tacâts i Lavôrs sul Cuel dal Fum (chi in bande e je la tabele che e mostre cemût che al vignarà il colegament di bas fintremai parsore). Il prossim intervent al varès di proviodi la sistemazion dai prâts sul Cuel, in maniere di vê une aree verde fruibile pe citadinance. Achì si puedin fâ propuestis su cemût che si varès voie di vê chest Parc Urban.

Rassegne stampe

Stant che mi pâr che la rassegne stampe e sedi une robe gradide, ve ca une interviste jessude sul Gazzettino di vuê.

Elezions a Maian: presentazion publiche dai candidâts dal centridrete

Domenie ai 19 di Març tal cjistiel di Susans (Maian) aes 10.45 si presentin il candidât sindic pal centridrete Claudio Zonta e lis listis che lu poin. Cun di plui e je proviodude ancje la presince di:

• Renzo Tondo, candidât di FI pe Cjamare dai Deputâts;
• Roberto Asquini, candidât di FI pal Senât;
• Marzio Strassoldo, candidât dal centridrete ae Presidence de Provincie di Udin;
• Adriano Piuzzi, candidât di FI pal Consei de Provincie di Udin.

Ae fin ancje un bon tai, che al zove simpri!

Svolant parsore Maian e no dome...

Lu saveviso che cun internet si pues svolâ ancje cence vê lis alis? Ve ca Maian viodût dal alt (place in bas a man çampe e cjamp di balon a man drete, par condicio ancje tes indicazions gjografichis...), midiant di un programut che si cjate su Google Earth . Al baste discjamâlu e dopo tignîsi dûrs!
Di provâ!

Il bilinguisim al va indevant no dome a Maian, no dome par furlan

"Gurizan: in curt segnaletiche stradâl bilengâl" Tai prossims mês, intal Gurizan (te foto il cjistiel di Gurize), la segnaletiche stradâl di competence provinciâl e mudarà di plante fûr. Cun di fat, in graciis dai fonts de leç 482, si previôt di meti jù un miâr di cartei stradâi bilengâi par talian e furlan o par talian e sloven. La segnaletiche gnove e sarà metude ta chês zonis là che si fevele par furlane e par sloven, l’unic probleme al diven di chês zonis là che a son feveladis dutis e dôs lis lenghis, dal moment che no si pues doprâ cartei…gnove gjavade dal sît di Radio Onde Furlane

Lis vicendis dal confin orientâl, un cjapitul de nestre storie

Vinars ai 17 di Març a Tavagnà li dal centri civic aes 20.45 e je programade une serade par fevelâ di un argoment di no dismenteâ:
"La tragedia delle Foibe e dell'Esodo fanno parte della memoria di tutti gli Italiani. La Repubblica consapevole dei valori universali di libertà e democrazia, ricorda questi eventi con dolore e rispetto".
Carlo Azeglio Ciampi President de Republiche.

I relatôrs a saran Fulvio Salimbeni, docent di storie contemporanie de Universitât di Udin, e Silvio Cattalini, vicepresident de “Associazione Nazionale Venezia Giulia e Dalmazia”.

Al jere une volte il Troll...

Torzeonant par internet o ai cjatât une biele robute di lei... provait a viodi achì ...

Chest al è il simbul de nestre liste

E chescj i 16 candidâts che a corin: Forza Italia "Cozzi, Casciano, Celotti, Floreani, Minisini, Riva, Romanini, Zucchiatti; AN "Pesenato, Di Giusto, Gaggiano, Lizzi, Rigoni; UDC "Ciani, Calligaro, Scruzzi".
Cun di plui pal centridrete e il candidât Sindic Zonta a corin ancje Lega Nord e Majano al Centro.

Par chei che a àn timp

Si sa che informâsi al coste (in timp e fadie) plui che no bruntulâ. Duncje par chei che a àn timp e vioe di imparâ lis regulis fondamentâls de grafie uficiâl de lenghe furlane, che no je chê de Filologjiche, ma chê fate buine cu la leç regjonâl 15/96. Chi in bande e je la home page dal Centri Friûl Lenghe 2000 e chest invezit al è il link ae sezion didatiche: imparìn il furlan

La lenghe no je dome culture

Par cualchidun la zornade dai 27 di Fevrâr e sarà passade come ogni altre date vie pal lunari, ma pal popul furlan cheste e je leade a di un inovâl une vore impuartant: la Joibe Grasse dal 1511, cuant che in Friûl si impià il riviel plui grant de nestre storie. In chê zornade i contadins furlans a fiscarin i cjistiei e i palaçs de nobiltât, e a coparin un pôcs di sorestants. Un episodi storic che al dimostre cemût che la crodince di cualchidun che i Furlans a sedin un popul di sotans no à fondis saldis. Propit par chest motîf di cualchi an incà si à volût ricuardâ chest aveniment, fissant ta cheste date la Zornade Furlane dai Dirits. Le vin comentade cul Carli Pup, puartevôs dal Comitât 482 e redatôr di Radio Onde Furlane che e à dedicât a di cheste celebrazion dute la programazion di lunis ai 27 di Fevrâr... continue a lei achì

Pedalant in Patagonie cun Max Mauro

Cun plasê o fasìn ancje cheste segnalazion: forsit o vês sintût che Max Mauro, gjornalist curiôs e ciclist aventurîr, al à di pôc publicât “Patagonia controvento - Viaggio a pedali lungo il Camino Austral e la Terra del Fuoco”: un viaç inte Americhe Latine cuntun mieç lent e indipendent: la biciclete! Une pedalade dilunc un continent par cognossi no dome un puest che al sa inmò di aventure, ma soredut oms e memoriis dal passât. 1800 km ae discuvierte di int, ma ancje di se stes. Di lei!
(edicicloeditore 2006, chi in bande la cuviertine).

Max Mauro e Arbe Garbe a Rivis Darcjan

Dal Comun di Rivis Darcjan-Assessorât ae culture nus rive cheste segnalazion: sabide ai 18 di Març aes 21.00 li dal Centri Civic in place a Rivis, Max Mauro al presente il so libri “La mia casa è dove sono felice” (ed. Kappa Vu 2005, chi in bande la cuviertine). Cun lui a saran i Arbe Garbe, che in formazion acustiche a compagnaran cun musichis a teme cheste biele serade di leterature e riflession su la migrazion. Un apontament di no pierdi!

Il Tiliment al passe ancje par Bruxelles

Fevelìn in tic di Ambient: lunis passât i Sindics di Ruvigne, Pinçan, Spilimberc, Sant Denêl e Dignan a son stâts a Bruxelles par fevelâ dal Tiliment e par manifestâ la lôr (ma che e je ancje la mê) contrarietât ae realizazion des cassis di espansion tal Tiliment. Chi in bande e je la simulazion de prime casse (indi àn di fant 3). Grazie ae associazion Assieme per il Tagliamento, par vêmi prestade la foto. Lait a viodi il lôr sît intenet www.assiemeperiltagliamento.org.
Salvìn il Tiliment! Tiliment libar!
NO CASSIS DI ESPANSION TAL TILIMENT!

Temperadure in aument ancje in place a Maian / 3

Finalmentri e je domenie: la prime di chest blog. E cul aiaron e je rivade ancje la uficializazion des candidaturis.
A Maian a saran in 4 a cori par deventâ Sindic.

Chi sot i nons dai candidâts pe incarghe di Prin Citadin di Maian e lis listis di riferiment:

1. Claudio Zonta: poiât di FI-AN-UDC, Majano al Centro, Lega Nord;
2. Patrick Bortolotti: poiât di Patrick per Majano;
3. Margherita Plos: poiade di Alternativa Sociale;
4. Lieto Molinaro: poiât di Unione per Majano, la Nuova Majano, Vivere Majano.

Buine corse a ducj!

Temperadure in aument ancje in place a Maian / 2

Come che o disevi chê altre dì, no dome Zonta e Molinaro si contindaran la poltrone di Sindic di Maian: ancje Margherita Plos si è candidade pe corse al puest di Prin Citadin.
Ma sino sigûrs che nol sedi inmò cualchidun?...

O soi tornât in piste!

Mandi a ducj,
doman sabide ai 11 di Març a scjadin i tiermins pe presentazion des listis dai candidâts pe elezions comunâls dai 9 e 10 di Avrîl dal 2006: al è ancje il gno non.
Parcè che o ai inmò alc di dî e soredut voie di fâ par Maian e pe int dal gno paîs!
Forsit e je la decision plui dificile... Ma mi plasin lis sfidis, soredut chês cun me stes!