24 luglio 2006

Ce sorte di sglavin!

Mi displâs par chei che a vevin programât di passâ la serade a Mulin Gnûf pe serade dedicade al cine di Massimo Garlatti Costa, ma cun dute chê ploie che e je vignude jù o vin scugnût rinviâ lis proiezions.
In program a jerin il documentari storic "Friûl viaç te storie" realizât pe Provincie di Udin tal 2004, il documentari sui 25 agns di Radio Onde Furlane "La Radio libare dai Furlans Libars" dal 2005 e par sierâ in glorie il documentari sul mont dal porno par furlan "Buris, libars di scugnî vignî". Altris informazions su www.buris.it o tal sît dal Comun di Tavagnà.
A pene che a sarà decidude une altre date si fasarà di gnûf la informazion e la publicitât che a coventin.
Intant jo e Massimo o vin decidût di metisi in societât par risolvi i problemis di sut ator pal mont: no pluvial plui? isal masse sec? Nissun probleme: jo e lui o decidìn di fâ une rassegne di cine par furlan tai vuestris cjamps e o podês stâ sigûrs che chê sere al sglavine! La Coldiretti nus à za proponût un contrat... Ce âstu di fâ? Tocje sdramatizâ un tic...
Ten di voli i inzornaments su www.comune.tavagnacco.ud.it

5 commenti:

thermonuke ha detto...

se si meteis d'acordo ancje cun Renzo e rivin a fa la a scia sul cuel dal fum a feragosto!

thermonuke ha detto...

Che di Buris o scuen viodile mi and dite c'al e di pissasi intor dal ridi!
Ise sule ret?

Christian Romanini ha detto...

no je in rêt

Christian Romanini ha detto...

la diference cun star trek e il rest des robis di zuppotto production e je tal fat che i films di massimo garlatti costa a son comics e origjinâi. chê altre produzion che tu cjatis ancje su internet (al è ancje starsky e hutch) a son parodie di altris films e a zuin su fat de parodie furlans vs triestins. alc a fasin ancje ridi, ma a mi dopo un tic mi stufe.
Buris al fâs pardabon ridi: parcè no sêstu vignût a viodilu a Maian l'an passât cuant che o ai inmaneât lis seradis di cine? al jere la fin di jugn e mi visi che dopo o sin vignûts a bevi alc ae fieste di borc de glesie

thermonuke ha detto...

parceche no lu savevi. Cumo visimi conche al e' a tavagna!