23 luglio 2006

Tal 2007 o disarìn "E jere une volte il Tocai"


Duncje, cence fâle tant lungje: in Europe a son doi vins che a àn il non scuasit compagn (juste dome il non, parcè che pal gust mi pâr che ducj a disin che al è plui bon il nestri), ven a stâi il "Tocai" nestri e il "Tokaj" de Ongjarie. Cualchi an indaûr e je nassude cheste barufe par vê la esclusive dal non e induvinait cui che le à cjapade tal ...? Juste: propit noaltris, che cul 2007 o varìn di usâsi a doprâ il non "Friulano". A mi mi pâr une broade gambiâi non e o varès pluitost doprât un non furlan, ma mi rint ancje cont che daûr a son studis di marcjât e considerazion che e à fat ancje la Federdoc, la associazion dai produtôrs DOC, che tra l'altri president al è Stefano Trinco di Maian. O speri che almancul pe promozion dal prodot, i produtôrs e la Regjon a vedin la creance di pontâ su la valorizazion dal prodot doprant ancje il Furlan: a Mortean a àn vude la inteligjence di regjistrâ "La blave di Mortean". Par savê alc di plui, lait a lei achì...

19 commenti:

Christian Romanini ha detto...

Va ben che di vin al è miôr bevilu che fevelâ, ma nissun aial une opinion in mert?

thermonuke ha detto...

O vevi gust che qualchidun al des un pare prin di scrivi jo, a part che vue no ai vut timp, prin, e podopo o eri imberdeat te ret che no mi dave le conesiòn.
E visto che par qualchidun achi duc i zovins a son alcolizas o pensavi di cjata un pare diafernt.

Comunque alc o sai ancje jo, plui par sintut di che par congossince direte ma o vevi un par di perplessitas che o esprim di seguit, magari se qualchidun al clairs.

O torni a di che doman o mangj di stes ma cussi tant par tabaja di alc altri cussi e vedin se si rive a sta fur des polemichis par un poc.

1) Parce ur vino lassat ai ongjares el non conche documents storics e documenti el us da non tocai (e no tokaij) di prin di lor.

2) Ao sintut ben? mi par che par tramite de comunitat europee il ministeri des politiches agricules al a stanziat 4 milion di euros plui 1 le regjon pe promozion da gnuf vin denominat friulano?
e an veve di sei ancje tancj par altris tre agns ma al par che no sedin fonz quindi sol?! 5 milions!
5 milions di euros e son cirche el stipendi di 140 persones par un contribus feries tredicesime e buineuscide comprendudes. Jo no aj le misure dal fenomeno ni de produzion ni des aziendes coinvoltes ma viodude bessole le cifre mi somee veramentri une enormitat considerat el timp che e an i produtors par fa cognossi el gnuf prodòt. Però e va rapuartade a altris numars che no cognòs. Forsite pero chi e je le rispueste ale prime domande.


2) El vin come altris prodos spes si identifiche cun t'un teritori di produzion, al esist divers graz IGT - IGP, el DOC DOP e el DOCG
Parce e no sin stas bions di cjatai di mior che el non di FRIULANO? jo o pensi che in cheste sielte si sedi volut identifica un vitigno particolar che al e' profondamentri leat al nestri teritori, lu fasin quasi dut in Friul! Si ma quasi!! e quindi e vin vude un tic di miopie furlanits-cjampanilistiche.
Infàt, ma scontradimi se no je vere anche un produtor sloven o venet doman al podara clama el so vin "friulano" parce fat cun ue di tocaj. O torni di che il vin si identifiche cul teritori atraveiers i istitus di tutele IGT -IGP-DOC-DOp-DOCG.
Jo no ai nuje cui venets o cui slovens ma nissun doman al podara impedi a un produtor cence masse scrupui di vendi come friulano un vin cualsiasi che tal non (e in ce che spindaran par pormovilu) al puarte dute la fame e la nomee di aziendis e vinificators che e an ragjunt, specie cui blancs une nomee internazional. E cussi qualchi grant produtor al lara a vendi in Americhe el friulano fat a Trapani magari.
Al e' ce che al sta gia sucedint cul Grana e el Parmigjan (baste no clamalu padano o reggiano e lu fasin ancje in olande, domande ai amis di traversetul se no tu cordis), nome i DOP-DOC menzionas tri salvin le muse (no simpri el marcjat)
Jo o crot che un pecjat di campanilismo al costarà cjar in termins di imagjne e di ritorno economic ai vinificators furlas.

Isal migo el zampin dai furlaniscj (un tic integralisç)?


Scontradimi e daimi une reson par pensa il contrari.

Christian Romanini ha detto...

Thermo, tu mi deludis un tic: parcè disistu "miopie furlaniste"? Furlaniste dal sigûr no, parcè se no altri o varès conseât un non "par furlan" e no "Friulano" par talian: al è come provâ a promovi disint: cjale ce biele e ce ben che e va la Ferrari, ma jo o ziri cul Mercedes... Se tu sês coerent tu dopris il furlan fin insom e no dome come etichete. E po no sarès miopie: a Mortean a àn la "Blave di Mortean" come non regjistrât e ducj a san li che al è Mortean e che li si fâs la blave, ancje chei che a fevelin dome di "granoturco e mais". Promovi i prodots tipics cu la lenghe de int al è un element di distinzion e tu che tu sâs di marketing tu mi insegnis che par vendi, si à di disferenceâsi e rindi particolâr il prodot. Su lis cuestions plui complicadis al sarès util che al intervignìs cualchi espert...

thermonuke ha detto...

Bon al di la de provocazion al ere n discors tecnic. El paragon cul grana e il parmigjan al ere just pero.
Vino friulano al po sedi ancje l'aset che fasi te braide daur di me.
O pos sedi stat un tic provocator ma capissitu in friul e vin dome un altri vin (o crot) che al al el non dal pais Ramandolo ma o tu ses tal DOCG o tu lu clamis verduzzo capit?
Al dil la de lenghe che ven doprade jo o crot sbagliat el riferiment.

In font "friulano DOC" tu ses ancje tu ma dopo veti passat tal turcli no sai s'al e bon ce c'al ven fur!

thermonuke ha detto...

Sojo simpatic?

Christian Romanini ha detto...

Un pipin!

thermonuke ha detto...

Nissun rispuint?
Duò astemis!

MASANC ha detto...

Par me, el problema dal nom dal Tocai al è stât sotovalutât di ducj a comencià dai produtors furlans e dai politics furlans.
Ducj e pensavin che l'Ungjarie e vares pierdût cheste cause.
Nisu al ha pensât che invesit e ierin (o e son incjemò) interes Europeos par podè produsi o commercialisà prodos che vedin noms simi ai prodos di qualitât talians ma che de qualitât taliane no vedi nie a ce fa (viot Grana, Parmigjan ect).
Le scielte dal nom a iè fie dal pressapochismo e de premure.
El nom nol è dal dut sbagliât ma visto che lu produsin ancje tal Venit non vares di sei stât geograficamentri cusì precis.
Ma come al solit les robes fates in premure no dan mai risultâs boins

Christian Romanini ha detto...

O soi dacuradi cun masanc: e je stade gjestide mâl fin dal principi. Za il fat che si feveli dome cumò che si sin cjatâts freâts, al indiche che no si è fat masse ben ce che si podeve fâ prin.

thermonuke ha detto...

Pies di cusi e podevin dome clamalu "bottiglia".

thermonuke ha detto...

ma dai 5 milions di euros?

MASANC ha detto...

Al inisi an di ere 13 Milios di Euros, ma dopo e son calas a 5.
Automaticamentri e iè calade ancje l'attension al problema (nisun al tabae pui dal nom gjùf dal Tocai)
Mi par di ve simpri pui reson su ce che ai dit.

thermonuke ha detto...

e ti semeino pos?

MASANC ha detto...

Purtrop no son pôs e cuisà cemùt che vignaran strasâs.
Se si 13 a 5 nisun si è lamentât forsit e son mase ancje 5.
"Alla faccia" dal spreco dai bês publics

thermonuke ha detto...

Cirche 150 personis a 1300 euro al mes par un an, tasis contribuz e tredicesimis comprendudis.
Minchje!

MASANC ha detto...

Li de Snaidero e son operaios che cjapin 900 Euros al mês con 300 Euros di afit e no podin nancje bevi durant el lavôr !!!

thermonuke ha detto...

al ere un valor medi cjapat dal 24ore.

alore disin quasit 250 stipendios di 900 euros al mes.

O un condominio di 25 apartaments.

O 400 gnoves Punto

O el redit anuo di 5000 abitanz dal burkina faso!!!!!!

MASANC ha detto...

Al è miôr fermale cui cons e bevi un tai di Toca... ops di Friulano.
Ma quanche e larin tal'ostarie ce domandarino : un balnc o un furlan ?
E se invesit dal tai si presente un furlan con dôs gjambes cu la voe di doprà le tiercè ?

thermonuke ha detto...

Beh sal e parchel ancje al di di vue domanda un neri....