16 luglio 2007

O soi publicist!

Lu comunichi cuntun tic di ritart parcè che lu ai savût dome vuê. Dai 28 di Jugn dal 2007 o soi iscrit al ordin dai gjornaliscj publiciscj regjonâl!
O soi propit content: o ringrazii dute la redazion dal setemanâl IL FRIULI e in particolâr il diretôr Giovanni Bertoli, il gno riferiment in redazion Alessandro Di Giusto curadôr de pagjine "Marilenghe" e Massimo Duca che 2 agns indaûr mi à presentât in redazion.
O dedichi cheste tape de mê vite a la mê famee e a pre Toni Beline, il gno diretôr da "La Patrie dal Friûl", vôs libare plui di me.
La sodisfazion e je inmò plui grande parcè che par deventâ publiciscj si scuen colaborâ cuntune testade gjornalistiche e scrivi un numar definît di articui che dopo a vegnin valutâts: jo o soi deventâ publicist scrivint dome par furlan e jessint paiât pal gno lavôr in marilenghe.
O pensi che cheste e sedi une buine rispueste par chei che a disin che il furlan nol covente, che nol è util o che e je dome une robe folcloristiche. Jo al è di plui di 2 agns che o ai decidût di pontâ la mê cariere professionâl su la lenghe furlane e cheste e je une altre tessarute che si zonte tal mosaic dal gno lavôr.

(cumò però o ai di lâ a paiâ la cuote anuâl di iscrizion al ordin... sigh) ;-)

9 commenti:

Scovacis ha detto...

Compliments! Pe cuote no sta a fastiliâ, va visite cualchi museu e cualchi mostre cul tesserin (a varessin di fâti entrâ gratis) e cussì tu recuperis ;-)

thermonuke ha detto...

o ai decidût di pontâ la mê cariere professionâl

e jo che mi iludevi che fos une "fede"!

Simone Bressan ha detto...

Compliments!

Io o stoi ancjimo cirint qualchidun che mi fasi colabora par ve chel benedet tessarin.

E si co scrif...Mandi mandi! :)

thermonuke ha detto...

Ma vue soi bon quindi mi congratuli cun te!

Christian Romanini ha detto...

Mandi a ducj e grazie!
Thermo, jo mi riten fortunât parcè che o rivi a fâ un mistîr che mi plâs. Su la cuestion de "fede": la mê e je sì une convinzion, ma no dome. O ai simpri argomentât lis mês convinzions cun fats.
Po si pues ancje no jessi dacuardi, ma nissun al pues dîmi che no ai furnît documents di valutâ.

thermonuke ha detto...

E cui ti al dite gobo?

Christian Romanini ha detto...

ce ti sustitu?

fotorf ha detto...

Compliments!
mandi Ranieri.

Christian Romanini ha detto...

A ducj i amîs e i letôrs che mi àn mandât lis congratulazions o achì o di persone o par mail/telefon: GRAZIE!
Cuant che si viodìn, o bevìn un flât insieme!