15 dicembre 2006

Aniversari de 482/99

Vuê e finìs 7 agns la leç 482/99.
Vuê matine cjalant i gjornâi o ai cjatât un biel articul di William Cisilino. Lui cjatais come prin coment.

1 commento:

Christian Romanini ha detto...

Ve chi l'articul sul Gazzettino di vuê
ai 15 di DIcembar dal 2006

Propit siet agns indar, ai 15 di Dicembar dal 1999, il President de Republiche Ciampi al promulgave la leç 482 /99, su la tutele des minorancis lenghistichis storichis. Finalmentri il furlan, daspò agns e agns di bataiis, al riceveve il plui alt ricognossiment juridic pussibil e il Parlament al podeve dî di vê mett in vore - biade l'ore! - l'art. 6 de Costituzion dal 1948 ("La Republiche e tutele cun normis di pueste lis minorancis lenghistichis").
Cincuant'agns di ritart no son pôcs. Plui di cualchidun, ae notizie de aprovazion, al comentà che la leç e rivave cuant che "il purcit al jere aromai scjampât dal cjôt". Cualchi ex parlamentâr, adiriture, al disè che nol varès mai pensât "di vivi cussì tant di viodile aprovade". E cemt dâi tuart? Lis primis propuestis di leç su lis minorancis lenghistichis "no ricognossudis", di fat, a tacarin a jessi presentadis, di diviersis fuarcis politichis, a la fin dai agns Setante.
Al va dit, par altri, che la leç su lis minorancis lenghistichis no si cjatà mai a cjase sô tai palaçs romans. E ancje la fortune no sameave zuiâ a pro.
Plui voltis lis elezions anticipadis a impedirin la conclusion dai lavôrs instradâts e cuant che, tal 1991 (X Legjislature), la Cjamare dai Deputâts e rivà a fâ bon un test unificât, la leç si blocà al Senât par vie de contrarietât dal so president, Spadolini.
Vie pe XI e XII Legjislature il test al fo discutt tes Comissions de Cjamare cence mai rivâ in Aule. Nol fo, dut câs, un lavôr inutil: partint dal provediment mett dongje te XII Legjislature, la Cjamare e aprovà, ai 17 di Jugn dal 1998, lis "Normis di tutele des minorancis lenghistichis storichis".
La bale, duncje, e passave ancjemò une volte al Senât dulà che, come che al jere sucedt tai agns prin, il disen di leç al veve di traviersâ un cjamp minât une vore grivi. Il probleme no jerin dome i parlamentârs contraris ae leç, ma ancje ducj chei altris, che a consideravin la cuistion di pôc cont. Si à di dî che in chel moment la fuarte azion de comunitât furlane e fo pardabon decisive par sblocâ lis robis. Une delegazion cun rapresentants de Universitât, de Glesie, de Regjon e dai Ents Locâi e fo ricevude dal President dal Senât Mancino e des fuarcis di maiorance (centriçampe) e oposizion (centridrete).
Mancino si compuartà di galantomp: al prometè di stâi dar ae cuistion e cussì al fo. Intun ciert moment de discussion in aule lis robis a jerin dar a metisi mâl e lui al volè puartâ insomp personalmentri la sintade. Ancje il relatôr di maiorance, il senatôr Besostri, al fasè la sô part. Vie pe discussion finâl, par rispuindi a cualchi parlamentâr che al criticave l'inseriment dal furlan te leç, al tirà fr la Bibie par furlan e le poià sul so bancut, come a esempli de dignitât che a vevin la marilenghe e ancje dutis chês altris lenghis minoritariis d'Italie. Si dîs che ancje lis fuarcis di oposizion, in bande dal incuintri cu la delegazion furlane, a prometerin di no fâ ostruzionisim. E di fat cetancj emendaments a forin ritirâts.
A siet agns di distance al sarès just domandâsi se la leç 482/99 e à dât i risultâts che si sperave. Di chest pont di viste la cronache di chescj dîs e rapresente za une rispueste, ancje masse clare: inaplicazion gjeneralizade de leç te scuele; tais di plui dal 50% dai fonts cu la finanziarie; eliminazion di cualsisei riferiment ae leç tal gnf contrat di servizi cu la Rai. L'impression e je che sul teme des minorancis si sedi fat un pas indevant e doi indar.

William Cisilino