03 marzo 2011

Tiere Furlane, biele serade a Sant Denêl

Usgnot o vin presentât Tiere Furlane n.7 a Sant Denêl, grazie a la colaborazion e a la ospitalitât dal Consorzi dal Persut che nus à dât pardabon un bon acet e che o ringrazii.
E je vignude tante int e o ai vude ancje cualchi sorprese. Mi à fat plasê di cognossi Sandro di Bassan e o ai savût che al jere in sale ancje Giustino, ma no lu savevi.
Tornant a la presentazion, o vin jemplât la sale dal cine e la serade mi à propit sodisfat.
Mert dai relatôrs come Francesco Ciani di Ineq e Domenico Pecile dal Messaggero, che o ringrazii ducj pe analisi e pes riflessions che a àn regalât al public. La serade si jere vierte cun Dino Persello, che al à ricuardât un divertent scrit dal mitic Riedo Pup.
Un grazie particolâr ancje par Enos Costantini, par dute la redazion, pal grant lavoron tal meti adun la riviste e al ass. Claudio Violino pe fiducie.
Al somearà retoric, ma no si à di vê pôre di dî grazie e chest ultin ringraziament al è pe tante int che ogni volte e ven a scoltânus e che simpri di plui e domande di ricevi la riviste.
Al fâs plasê viodi che ce che si fâs al plâs e al à riscuintri: fin dal prin numar, ogni presentazion e je stade un event culturâl preseât. Un entusiasim che al dure inmò a distance di mês.
E duncje se cualchidun altri al volès ricevi Tiere Furlane al pues clamâ il numar vert 800-149605 (se o cjatais ocupât, us domandi scuse, ma al è dome pal fat che tante int e clame).
Par savê alc di plui su cemût che e je lade la serade, fracait achì.
Us spieti a la prossime!

2 commenti:

Giustino ha detto...

Bella serata a San Daniele, tanta gente e questo mi riempie il cuore di gioia e mi fa sperare che per le tradizioni ci sia ancora spazio per i friulani, ma a fine serata mi sarei aspettato che al pubblico fosse data la possibilità di parlare, sarei intervenuto volentieri.
Quella di ieri sera è stata, tra l’altro, l’illustrazione di un epitaffio ai nostri scomparsi: il maiale nero e il tocai.
Bisugnares pai nestris doi desapareçidos "contale curte", ma ançie, contale juste! Soi fat cusì, mi plâs la veretât.
O sintin spes di dai nestris politics che bisugne tignì cont dai nestris prodoz, chi vin di valorizau, ma si continiuin di chest pas o stin frescs! Sperin che la storie di chei doi chi nus insegni che certis robis, une volte piardudis, a son piardudis par simpri!
A tâl propôsit, ti ai scrit une letare viarte su la pueste elettroniche, dai un cuc e se tu vûs si sintin.
Mi a displasût no incontrà Sandro ma o soi rivât a presentazion començade! E sarà pe prosime!

Mandi

Giustino ha detto...

Mandi Christian, ho ricevuto via email la tua risposta, leggiti però l'allegato della mia e fammi sapere.
A prest