Thermonuke si domande e al domande di cjapâ sù la sfide tecnologjiche par un disvilup e une incressite de inovazion. No le metarès in cuintriposizion cu la tradizion se no si cor il risi di fâ la figurate di cualchi inomenât comic gjenovês.
Partant jessi leâts al disvilup tecnologjic nol significhe dismentâ lis nestris lidrîs come che jessi leâts aes nestris lidrîs nol significhe restâ indaûr. La sfide e sta tal cjatâ il just ecuilibri. E dopo cheste filipiche, us segnali il prin coment li che o ai fat un piçul struc de esperience che o ai fat a InnovAction 2007, un articul che al è jessût sul Gazzettino di chest vinars e us consei di comprâ il Friuli di chest vinars li che o ai scrit propit di chest argoment.
Post
Dicembar 2024
-
Dicembar 2024 |||| L’EDITORIÂL. I furlans a son come la nêf / L(INT)
AUTONOMISTE. Furlans alternatîfs al mûr de indiference e de rassegnazion /
PAGJINE 2 –...
1 settimana fa
9 commenti:
DAL FURLANIST
Duncje, o cirarai di fâ une introduzion ancje se par fevelâ in maniere plui precise de inovazion fate dal comun al coventarès il gno coleghe informatic. Sperìn di no dî masse monadis... Dut câs, al è di dî che la int e jentre soredut par viodi il stand li che o presentìn ducj i aspiets che a rivuardin la inovazion aplicade ae publiche aministrazion. Al semee un slogan, mi rint cont e par chest o cîr di jessi plui concret. Il stand dal comun di Tavagnà, come che o podês lei te pagjine linkade tal post, al presente diviers servizis di gjestion de bancje di dâts teritoriâi. Par esempli e je stade fate la mapature dal servizi di forniture dal gas, de aghe, de cuvierture wifi, di dute la segnaletiche presinte sul teritori: dut chest al è metût suntune ortofoto, ven a dî une foto fate di un avion che al à fotografât a alte definizion dut il teritori comunâl. A ce coventino chescj dâts? La vere sfide e je tal meti in relazion dute cheste informazion che ti permet di vê sot voli ducj i servizi che tu dâs ai citadins e di jessi simpri al massim de eficenze sul teritori. Cun di plui midiant dal sisteme informatîf comunâl dutis lis bancjis di dâts dai singui uficis a son metudis in relazion par vê un pont de situazion inzornât e duncje meti in vore chel che si clame "control di gjestion" dal ent, un sisteme organizatîf che al permet di controlâ sistematichementri la eficace e la eficence dai servizis dal comun. Cun di plui ta cheste otiche, midiant dal portâl comunâl e je la pussibilitât pal citadin di dialogâ cul ent e ricevi une schirie di informazions diretementri a cjase: par esempli il plan regolatôr. E duncje la utence che e ven li di noaltris e cîr un ciert gjenar di informazions. Cuant che e jentre e e viôt che tal stand a son dôs lenghis, che il sît al è in dôs lenghis, che noaltris o fevelìn dôs lenghis, che a son progjets di disvilup di software open source par furlan, che sul bancut al è materiâl sedi par talian sedi par furlan... si incusiosìs e presee. Tancj a domandin in maniere plui aprofondide e il materiâl mi semee che al ledi vie avonde ben.
Chest par dî che il stand nol è il stand di presentazion dal sportel linguistic, ma il fat stes di presentâ al public il servizi e l'ent intune suaze di chest nivel, intun contest di promozion de inovazion e visâsi di fâlu par furlan nus è semeade une buine maniere par fâ une operazion di promozion linguistiche par fâ viodi che lenghe locâl e gnovis tecnologjiis a puedin convivi. E di chest o sin contents e o sperìn che chestis azions a vedin conseguencis positivis no dome sul comun, ma ancje sul status de lenghe a nivel gjenerâl. Dopo il belanç e à di fâlu la int e par chest us invidi di gnûf a dâ un cuc parcè che la mostre e je une vore biele e a coventaressin 3 dîs par viodile dute.
Segnalât di Thermonuke
Sul Gazetin dal 08.03 al jere chest articul su Pordenon
PORDENONE Internet gratis ai residenti e alle imprese del capoluogo: un progetto che sarà realizzato in un anno e mezzo
Tutti in Rete, paga il Comune
Saranno piazzate piccole antenne sui lampioni della città per "connettere" il territorio
Pordenone, la città interattiva del futuro è già alle porte e il sindaco Sergio Bolzonello ha posto l'obiettivo di rendere operativo il progetto in diciotto mesi. Lo scopo è prestigioso: internet gratis in tutta la città. Basta, dunque, con gestori, canoni da pagare e bollette che a volte impazziscono: si potranno utilizzare tutti gli strumenti che il web mette a disposizione in maniera completamente gratuita. Ad accedervi privati cittadini, giovani (soprattutto), imprese e professionisti. Il progetto lo sta portando avanti il Comune di Pordenone, nello specifico un gruppo di lavoro coordinato dall'assessore alle Politiche sociali Gianni Zanolin in stretta collaborazione con la Regione che si è detta disponibile a finanziare una parte dei costi. La tecnologia che sarà utilizzata per mettere in rete l'intera città è quella WiFi (Wireless Fidelity): infrastrutture relativamente economiche e di veloce attivazione che permettono di realizzare sistemi flessibili per la trasmissione di dati usando frequenze radio a banda larga ed estendendo o collegando reti esistenti. Complessivamente strutturare la città con questo sistema costerà intorno ai 700 mila euro, una cifra modesta se si pensa alla possibilità di consentire a tutti senza esclusioni sociali e territoriali l'accesso alle tecnologie, ai vantaggi sul fronte della velocità per la trasmissione dei dati e soprattutto al risparmio economico per i residenti e ospiti. «I primi che potranno senza dubbio beneficiare più di altri di questa innovazione saranno i giovani che oramai usano il computer e tutte le tecnologie del web senza problemi. Sono però sicuro che nel giro di poco tempo la possibilità di accedere gratuitamente a internet sarà una opportunità per tutti, anche per gli anziani
Grassie, in plui o ai zontat
considerat che mieç friul al a puntualizat a Grillo che cun informazions superficiai e considerazions un clamoroses si rive a di cagadis come che semeares le presunte impussibil convivence tra Innovazion e Tradizion.
Che il cumun di Tavagna e il sportel pe lenghe furlane al jere presint a innovaction (chi parsore mi e sclarit a ce pro).
Che di un poc si insist su chest sit cun tradizion culture e identitat.
Dut chest premetut e je ore di verifica anche le propension ae "Inovazion".
Si domande partatn al paron dal blog di estindi ancje eventalmentri ai soi colegas di partit, grup, majorance, zonte e consei le pussibilitat di cjapa su une sfide similmentri tecnologjche tal nestri pais.
Concludint cule domande provocatorie mior le piataforme tecnologjche o il pèdrat de cliniche dai cavalirs di Malte?
mandi thermo
come che tu disis tu, la domande e je provocatorie e cussì no mi semee la maniere miôr. dut câs, jo o soi convint che no si vedi di frontâ i argoments in cuintriposizion e si puedi sedi cirî di sburtâ la inovazion (cuntune plateforme tecnologjiche) sedi pontâ al recupar dal patrimoni storic. Parcè varessistu di fâ dome une o dome chê altre?
dome parceche probablimentri.. lis risorsis par dutis dos lis robis al e dificil cjatalis ma oviamentri e reste une provocazion.
Chel al sedi dificil cjatâ lis risorsis e je une veretât, ma e je ancje vere che propit parcè che lis 2 cuestions a son dal dut diviersis, ancje i canâi di finanziaments a son diviers. O cîr di jessi plui clâr: i fonts pal finanziament di restaurs e rucupar di imobii storics a son finanziâts cun fonts ben diferents di chei che a promovin il disvilup tecnoligjic. Simpri bêçs publics a son, ma se ti ven finanziât un dai 2 progjet, no son sants che ti permetin di doprâ il contribût par realizâ chel altri, ancje se si ves voie. Par chest motîf o volevi fâti capî che la cuestion e je presentade mâl e come che tu disis tu e je une provocazion (strumentâl, o zonti jo). Scuse se ti rimbechi cussì, ma masse voltis si zuie su cheste cuestion che e stice la polemiche, ma no zove ae discussion in maniere costrutive.
Su IL FRIULI di vinars ai 9 di Març
Gnovis tecnologjiis
A Beppe Grillo marilenghe e modernitât i semearessin lontanis e invezit
LA INOVAZION E FEVELE FURLAN
Christian Romanini
Te flabe di Collodi, il gri che al fevele al veve il compit di tignî su la buine strade il pipin di len e par fâ chest i deve conseis e sugjeriments, deventant par antonomasie la “vôs de cussience”.
I câs de vite a crein ancje stranis omonimiis e cussì al pues capitâ che un comic di Gjenue, in esili fuarçât de television par vê simpri fevelât cence cjadenis, al cjapi sù e si buti te grande rêt predicjant e puartant indevant lis sôs bataiis cuntri il mâl costum de politiche, a pro de ecologjie, cuintri il nucleâr, a pro des fonts alternativis di energjie, cuintri i brusadôrs di scovacis (che, come che al dîs lui “dome in Italie si clamin termovalorizadôrs”), a pro di internet e des gnovis tecnologjiis...
In sumis une sorte di gnûf gri che al fevele par dismovi lis cussiencis un tic distudadis di une informazion omologade che ti fâs savê dome ce che e vûl jê, cuntune critiche che in linie di massime si sintìn di condividi. E lu fâs simpri cuntune fuarce che impie il public e che e fâs partî grancj batimans, intant che la int e rît e si spere che si domandi sot sot “Ma se e je cussì, ce isal tant di ridi”? Però cheste veemence tal elocui propit su la inovazion lu à fat sbrissâ su la plui tipiche “scusse di banane” vie pe tape furlane dal so ultin spetacul “Reset”.
Beppe Grillo al è rivât a Udin juste a pene finide la seconde edizion di “InnovAction”, la fiere de inovazion che e à vût un grant sucès di public e di int. Cheste manifestazion che e presentave lis gnovis tecnologjiis, si viôt che no i à parût tant in sintonie, anzit, scuasit in contradizion cu la marilenghe che, par furtune almancul chê, le à viodude e sintude zirant pai paîs. “Marilenghe o inovazion? Decideitsi!” al veve dit “O jentrìn in Europe e voaltris o restais tacâts aes tradizions”.
Forsit cualchi dubi lu veve fat vignî, soredut parcè che soflât di cierte informazion che no spiete altri che vê un rimpin par trai cuintri in maniere dal dut gratuide a dut ce che al rivuarde lis politichis linguistichis di une regjon che propit tal so patrimoni linguistic e cjate chê specialitât che le caraterize e le puarte a jessi finalmentri di gnûf cûr de Europe e no plui vuardian sul confin di soreli jevât. Ma ducj i dubis si sfantin se dome si à un moment di pazience par vierzi la grande rêt e butâ il voli sul ferment che al è in internet, imprest cussì cjâr a Beppe Grillo e ancje a noaltris. Se tai prins agns l'inglês al jere la lenghe parone dai cybernavigadôr, tai ultins timps chest primât al è mancul fuart par mert des lenghis mancul pandudis. Dal sigûr e restarà inmò a dilunc la lenghe francje che ti permet di comunicâ cul mont de rêt, ma la presince des lenghis locâls e je daûr a cressi e ancje pal furlan si pues viodi une ativitât di dut rispiet.
Come che al à dit Franc Fari, neurolic di fame internazionâl, preside de facoltât di siencis de formazion e component de Societât sientifiche e tecnologjiche furlane (www.siencis-par-furlan.net), “la cognossince si fonde su doi moments: un creatîf e un comunicatîf. Al è clâr che par pandi lis informazions a un numar grant di utents o varai di doprâ un mieç che mi permeti di rivâ a plui personis pussibilis e duncje o varai di tignî cont ancje di savê une lenghe francje. Ma l'argoment de cognossince, e duncje de informazion, prin di dut o ai di vêlu, di scuvierzilu e par fâ chest o ai di doprâ la creativitât, la intuizion: cuâl mieç puedial fâmi concuistâ chest risultât, se no la lenghe mari, che si à imparât par prime e che ti dâ la sigurece di lassâti lâ a astrazions e rielaborazions?”. Tornant te indagjin plui concrete no dome si cjate un “Gjornâl furlan des siencis” li che professôrs e ricercjadôrs de Universitât dal Friûl e oms di sience a presentin i risultâts des lôr indagjins e a discorin des lôr teoriis sedi par furlan sedi par inglês.
Ma se si volès continuâ nol bastarès dome un moment: simpri plui utents a consultin la enciclopedie libare di internet e lu fasin par furlan doprant Vichipedie (http://fur.wikipedia.org); la informazion e cor in marilenghe sedi in forme scrite come su www.lenghe.net o ben in forme orâl sui sîts internet di Radio Onde Furlane (www.friul.it) o Radio Spazio 103 (www.radiospazio103.it), che a mandin lis lôr trasmission no dome sui megahertz pai furlans di chenti, ma midiant dal streaming ancje a dut chel altri Friûl sparniçât ator pal mont e che cussì si sint mancul distant dal Friûl. Il stes discors si pues fâlu ancje pai documentaris realizâts ancje cul jutori de Regjon Frûl – Vignesie Julie e i filmâts che si cjatin su FriûlTV, une television libare che e je nassude di pôc e che si pues viodi simpri in internet midiant dai portâi www.youtube.com o www.dailymotion.com.
E no mancjin nancje imprescj informatics come i dizionaris e il coretôr ortografic (pai sistemis operatîfs sedi windows sedi mac sedi linux) che si puedin discjamâ in maniere dal dut libare dal sît dal Consorzi Friûl Lenghe 2000 (www.cfl2000.net); o inmò Plone, l'editôr open source par costruî pagjinis web dutis in marilenghe (http://ploneparfurlan.tecnoteca.com/) realizât cul intervent dal Comun di Tavagnà. Cence contâ ducj i sîts internet istituzionâi di ents publics e privâts che simpri plui si presentin ancje par furlan.
Ma tancj altris a podaressin jessi i esemplis che a dimostrin la superficialitât di ciertis declarazions e la malefede di cualchidunaltri che al à soflât par sot: mancul formâi, ma di grant sucès di utents a son i diviers blogs in marilenghe, li che su ducj o vin “ILfurlanist”, il prin blog fûr par fûr par furlan (http://ilfurlanist.splinder.com) che nus fâs discuvierzi une lenghe furlane zovine e frescje che si dopre par fevelâ in plene libertât di diviers argoments e di diviersis bandis dal mont.
E intant che o sin in spiete che la Provincie di Udin a puarti insom il progjet di realizâ la version furlane dal T9, il sisteme par scrivi sms cui telefonuts, o rivìn ae semplice conclusion che prin di denunciâ contradizions che no son, al sarès bastât piâ un laptop e navigâ (magari doprant un browser come “Firefox par furlan”) par viodi che lis gnovis tecnologjiis e il furlan a van a bracet. Simpri plui.
Magari si po fa dutis dos lis stradis, ma par che die inovazion mi somee incjemo che no si sepi nancje la che comence, ni mi par di viodi cheste grande propension viers le plataforme tecnolgjche, ni dut chest entusiasmo come pal pedrat...
O varai gùst di fa amende conche o capirai el valor dal pèdrat, pal moment le me provocazion e reste.
Ancje se no ti plas!
Bon thermo, tu âs la tô convinzion legjitime. Ancje se mi semee di no jessi frêt su la cuestion des gnovis tecnologjiis. Dut câs, o resti convint che si puedi fevelâ sedi di une sedi di chê altre, cence jessi contraditoris.
Posta un commento