Il nestri Thermonuke al stice une discussion su la torbere di Cjasesole. Stant che al è stât svelt a induvinâ la rubriche dal cjanton, lu contenti, ma prime o fâs une piçule introduzion, capî di ce che si fevele. La torbere, o come che le cjame cualchidun, il palût di Cjasesole al è un Sic: sît di interès comunitari, vâl a dî une zone protete par vie de particolaritât naturalistiche che e je achì.La idee al sarès di rindi visitabil cheste aree cu la creazion di un biel percors che al jentri te torbere, cence ruvinâ l'ambient naturâl. Jo o pensavi a un percors su passarele in len tratât in autoclâf che e fasi dut il zîr de torbere e meti jù cualchi tabele informâtive (cualchidune e je za) e cualchi gabiot pe osservazion dai masurins, airons e ducj chei uciei di palût che a son alì. Ma al è un problemut: la regjon che e varès di fâ lis oparis alì no pues fâju fin che i terens a son privât e duncje e varès di comprâju. Ma se no mi visi mâl a son plui di 100 proprietaris e duncje no à inmò rivât a meti dacuardi ducj pe compravendite. Cumò cualchidun al disarà "Ma ce covential butâ i bêçs tal palût?"...
Post
9 commenti:
Jo o ai stat di recent a viodi l'oasi des cicognes a feagne.
El percors al e sule tiere e sule jerbe.
Biel ma poc valorizat el paesagjo ale fin si viot ben dome la scjaipie dai uciei.
O ai ancje vidut lis passerelis sospindudis in len, lis pliui spetacolars, in t'un ambient certamentri difarent tai laguts di Plitvice in Croasie.
Bielis ma certamentri un lavoron, tal umit praticamentri e son di continuo a gambia pai, paremàns e pasarelis. E ten cont che li e son un milion di visitators ad an che pain 10 euros di biliet.
Bisugne ancje tigni cont che no simpri si puedin cjata lis risorsis par tigni cont el imprest e se tu trascuris un an che dopo al coste plui dal dopli.
Mi interessave savè ce progjes che jerin parsore se tu sas alc.
Ce e se intint intervigni la regjon, la provincie o ce saio le CEE posto che no cròt che i comuns (majan e buje) a vedin altres prioritàs che cjatà i bez pai tèrens e par puarta indenant un progjet.
E dopo tant par ridi ancje un tic i din le pusibilitàt ae cjampe di save in timp se qualchidun al intind fa une passerele asfaltade cui plintos in ciment armat di 2 metros cussi e po cjata alc di di prin che jentrin les betonieres no?
Erata scorregge:
Ce e se intint intervigni la regjon, la provincie o ce saio le CEE posto che O (no) cròt che i comuns (majan e buje) a vedin altres prioritàs che cjatà i bez pai tèrens e par puarta indenant IL (un) progjet.
Christian, tu aas di puartami a vjiodi cheste torbiere....io in cambio ti meni a Cludini (Cludinico, fraz. di Ovaro) a vjodi une vecje miniere.
A proposiit, di qualchi band i iai lèt une oservazion secont la quaal mi vergognares cuasi di iessi furlan! no è cusi! Ovviamenti..... e si jai daat chest impresion i fasari in muut di smentile. Ma i croot che in ogni gno at public e privaat i veti simpri dimostraat di crodi ta mee int e ta me tiere!!!
Mandi Renzo
lu ai let ancje jo tal to blog. Lasse pierdi e no stâ a dâi tant pês parcè che mi semee plui mote di voie di polemiche che di voie di discori. Continue a fâ rispuindi i fats invezit che lis peraulis: e je la maniere plui fuarte par fâ tasê lis polemichis.
Mandi
Jeur
a) il cuel dal fum al è stât fer pe feriis de imprese, cumò a veressin di tornâ a tacâ e lâ fin insom
b) l'anas nus à dât une idee progjetuâl e la zonte le à aprovade, di plui no sai
c) tal cipaf i sin dentri, ma o vin di fâ cualchi at di nature urbanistiche-aministrative: prin di dut formalizâ lis areis di dâ al cipaf
Disi al onorevul che no soi jo "mandi"!
Cioè no voress c'al ves scrit achi parcechè al dubite che jo cun altri pseudonimo....
O gjuri no.
Su certis robis magari no soi tant d'acordo, ma no aj elemens par gjudica le so "furlanitat".
L'uniche robe c'o sai al e' che dal referendum pe provincje de cjargnie e chest al testimonie a so favor.
Pe grafie...el mestri tu ses tu.
ja l'ai scrit li de fieste ladine
trancuil no stâ preocupâti. no sai cui che tu sês ma no pensi che al vedi fat la associazion thermonuke/mandi. Pero' mi domande cui isal thermonuke...
O laraj a cjatalu in mascare ma prin ti sbusi le moto che se no tu mi rivis daur brut spion.
Posta un commento