18 agosto 2006

Thermorubriche mensîl di Avost:
centris sociâi sì, centris sociâi no…

Il nestri Thermonuke al stice une discussion sui centris sociâi. Prin di dut al è ben sclarî che no si fevele di Leoncavallo o robis cussì, ma di chês struturis che a son plui o mancul in dutis lis frazions e che pal plui a son afidadis ai comitâts di frazion par doprâju.
Cualchidun (come cuso) fevelant ancje dai comitâts di frazion al à za dit che a son robe che no covente o un sisteme par riciclâ i trombâts de politiche. Secont me ancje cuso di cjan un part di veretât le à: o vin vût plui di cualchi esempli... Ma a part chest, al è di dî che tai comitâts e je ancje tante int che si impegne cence domandâ nuie e lu fâs parcè che i ten ae frazion e aes problematichis dal paîs.
Un grant difiet de politiche di vuê al è chel di jessi masse voltis lontane de int. Parcè disio chest? Dome par dî che ducj i imprescj par cirî un confront cu la int a van ben e duncje in linie di principi jo o pensi che i comitâts a puedin jessi utii, ma si à di stâ atents a no clamâju dome cuant che al covente alc. Nol è nuie di piês che iludi la int disint che tu i tegnis a ce che a disin e dopo deludile. Par tant a van ben i comitâts se si ju ten in considerazion, no dome cuant che a àn di puartâ ator avîs o calendaris. Parcè che cuant che si tire masse la cuarde, si le romp e dopo no si à di lamentâsi se la int a bruntule.
Par tornâ sui centris sociâi, forsit al volarès viodût di fâju costâ il mancul pussibil, stant che une struture e à coscj fis e si à di cirî almancul di fâle lavorâ par no vê di paiâ spesis di bant. Dut câs a son forsit inmò un puest che al covente e tignî dongje la comunitât, a fâ comunitât e par chest o soi convint che e sedi stade une sielte juste fâju un par frazion, li che se no i unics puescj che la int e à par cjatâsi a son dome la glesie o lis ostariis, stant che ancje lis butegutis a son dutis sieradis. Par Maian al è un tic diviers rispiet aes frazion.

10 commenti:

thermonuke ha detto...

Grasie,

Vidin se si rive a impia une discussion civil.

Cemut si fasial a cognossi i comitaz di frazion che ju gjestissin?

Christian Romanini ha detto...

Mandi Anna,
chest al è il probleme: domandâ il parê dopo che a son za fatis lis robis, mi pâr no dome inutil, ma ancje une cjapade pal ...
Se un strument di partecipazion al à di jessi, chest nol covente su la cjarte, ma si à di interpelâlu prime e decidi di conseguence.
O imagjini che jessi clamâts a cjapâ at nol à di jessi tant gratificant, e o feveli ancje par esperience personâl...

Christian Romanini ha detto...

Pe cronache: chês fotos no lis ai fatis jo, come che no ai fatis chês declarazions. Tal articul nol comparìs nissun non: chel che al fevele cul virgoletât nol risulte e a mi chest no mi va ben!

thermonuke ha detto...

Mi interessave save crop che son sfrutas chiscj centros, a cui che compet le gjestion "logjstiche", plui che i coscj de struture parchece, cul ecezion di un par che ju viod daspes vierts mo pe sagre mo par une fiestute mo par un ritrovo, mo par un torneo (es cjasesole) cjei altris mi semei spes tristementri sieras par 355 dis ad an.

(e je nome une me impresion ma scontradimi par plase se mi sbagli sence polemiche)

E se jo o voles paresempli domanda un centro ad imprest podio ce sao, par fa une fieste me o organiza un torneo di briscule e tresièt?

E podopo, domande plui polemiche, el centro di cumierc isal incjemo dispensari farmaceutic o lassino picjat el cartel tant par contenta chei che crodin incjemo che chel li al sedi el "surogat" o l "anticipo" de seconde farmacie?

thermonuke ha detto...

Posto che el discors al a girata ancje sui comitaz, o ai vidut el avis di nomine dal comitat di Majano Est, si sal alc di chej altris?

thermonuke ha detto...

Par viot di viodi o crot che le inagjibilitat "eletoral" no sedi une cjatade come che qualchi sinistros al vedi volut fa crodi tre mes fa. El probleme al e logjistic, pes elezions tu as di ve:
el segjo, le stanze par dos vuardies, el ceso, une stanze di dormitori, el pues par scjama le sclope no duò e son atrezàs par chest, forsite si podeve pensa conche son stas fas ma o crot che centralizza ei segjos, al di la di prestasi a qualchi polemiche fin a se stesse nol vedi influit nacje di un voto ni di ca ni di là e vedin cui c'al dis el contrari!

Christian Romanini ha detto...

Par doprâ i centris al è un regolament comunâl e al baste telefonâ in segreterie che ti spieghin dut.
O larai a domandâ la liste dai comitâts e po le met achì.

Christian Romanini ha detto...

Farle
DANILO FURLAN (pres), SANDRA STEFANUTTI (vice), DANIELE MARCHETTI, ALESSANDRO BERTINO, IVANO MARCHETTI, ANGELO CAMPANER, ANDREA GABRIELE BERTINO

San Salvadôr
CLAUDIO CARGNELUTTI (pres), VALDI MINISINI (vice), DENIS MINISINI (segretari), AUGUSTO MINISINI, ARMIDA BURELLO

Maian Ovest
GIAN PIERO ANGELO DE MEZZO (pres), GIOVANNI BATTISTA DAFFARA (vice), CARLA NOTARFRANCESCO (segretarie), FRANCO PICILLI, ANNA SCRUZZI, ANNA MARIA CATANIA, MAURO COLETTI

Susans
VECELLIO PLOS (pres), GABRIELLA PITTINO (vice), ALESSANDRO ITALO VENUTI (segretari), GIOVANNI CARLO RADICI, BARBARA GIACOMUZZI, GIUSEPPE BELLO, FLAVIO PLOS

Sant Tomâs
BARBARA MONGARLI (pres), NINO CANDUSSO (vice), LILIANA BEL (segretari), MAURO TABOGA, ANGELA CASASOLA

Pêrs-Sant Liseu
STEFANO BANDERA (pres), SANDRO MICHELINI (vice), ANGELO NICOLA CHIAVOTTI (segretari), MARCO PERSELLO, ANDREA MINISINI, GIANNI VIDONI, ALDO FABRO

Maian Est
MICHELE QUAI (pres), DONATELLA CAPOSASSI (vice), FABIO RIVA (segretari), ITALICO RIVA, ETTORE CIVIDINO, CESARE MODESTO

Cumierç-Trivià
MARGHERITA PLOS (pres), ITALO PIO ROIA (vice), MARTINA PERESANO (segretarie), DANIELE PAOLINI, GIOVANNI PAOLINI, ALBERTO NADALIN, ONORINA COLLINI

Cjasesole
DARIO MODESTI (pres), MAURO BORTOLOTTI (vice), CINZIA MODESTI (segretarie), ALCEO SANDRI, VALENTINO TROMBETTA, PAOLO SCRUZZI, MAURA LIZZI

Christian Romanini ha detto...

o speri di no vê dismenteât nissun e o domandi scuse se no ai rivât a meti i dâts statistics de afluence. chei no ju ai inmò cjatâts. se cualchidun al à voie di lâ in comun, al pues domandâ al Ufici eletorâl: la dot.e Paola Molinaro (0432/948455) us podarà judâ.

thermonuke ha detto...

Ae fin di centris si è tabajàt ben pòc.

Forsite savint ce c'al stave par nassi in tema di rotonde tu as ritignut plui consono "sburta" el discors viers i comitaz.

O ripet une domande che no a vut comenz:
el centro di cumierc isal incjemo dispensari farmaceutic o isal dome el cartel par crodi che chel li al sedi el "surogat" o l "anticipo" de seconde farmacie?
I farmacos cumo si cjolin ale COOP!