Cinc, cuatri, trê, doi, un... Zero

Renato Live "Cercami"

Il gnûf sît de Patrie dal Friûl

Aromai nol è plui un segret: come che al à svelât il Dreetôr, achì us presenti il gnûf sît de Patrie dal Friûl: www.lapatriedalfriul.org
E je ancje la pussibilitât di discjamâ il pdf dal gjornâl, ma par chei che a àn voie di vê la copie di cjarte, e je la pussibilitât di fâ l'abonament.
Abonament par un an: 25,00 euros (pal forest 30,00 euros) sul cont corint postâl n.12052338 intestât a "LA PATRIE DAL FRIUL" Glemone

Tal mês di Otubar o fevelìn di scuele e achì us met la frase di pre Toni che o vin metût in cuviertine:

"Si che duncje, si vierzin lis scuelis.
Coragjo, biâts gjenitôrs che o tradîs la vuestre canaie, biâts mestris che le ruvinais, e soredut biâts fruts che o jentrais contents e cence nissun scrupul là che us coparan!
Tant che un agnel in becjarie".
(Antoni Beline)

Len Tosolini

Vuê o aprofiti par saludâ Len Tosolini di Melbourne (Australie) che achì al è cun me e la copie de Patrie di Avost, dedicade ae emigrazion furlane.
In Setembar Len al è vignût in Friûl in vacance e si sin cjatâts a Udin.
O vin fat cuatri cjacaris e lu ai ancje menât a fâ une visite a Radio Onde Furlane: o ringrazii la redazion (in particolâr Pauli e Mauro) che nus àn ospitâts.
Un mandi a Len e ae sô siore, che mi à permetût di esercitâmi ancje un tic cul inglês!

Il mercjadant di pieris

Us met a chì l'invît che Stefano Tuti al à fat a dut il Consei Comunâl pe proiezion dal cine "Il mercante di pietre", inmaneât dal grup consiliâr de Lega Nord, che si fasarà vinars ai 19 di Otubar aes 20.15 li dal cine Visionario di Udin. Po dopo al sarà ancje un dibatiment cu la presince di diviers conseîrs regjonâi di maiorance e minorance.

Vajont 9/10/1963 - 9/10/2007

Un moment par ricuardâ lis vitimis di chê tragjedie: il Vajont

Musiche in gjostre

Us met achì un simpatic video di un grup che si clame "Buteghis viertis" che o vevin cognossût fûr de Gilardi e che îr o ai viodût a Flaiban a la fieste "Un biel vivi". Achì il grup al è in gjostre!