Yokai e creature fantastiche - domenica 25 ottobre dalle 15.00 – PIANO TERRA, AREA VIOLA (Libreria Mabook Store)
Talk gratuito con i relatori: Hotaka Gotoh e Christian Romanini
Il Friûl e la prefeture gjaponese di Iwate sono pardabon
cussì lontans?
Domenie ai 25 di Otubar, aes 15, cun Hotaka Gotoh o provarìn
a rispuindi a cheste domande al Family Comic Convenzion, inte librarie de Citât
Braurose, a Torean di Martignà.
L'an passât o jeri chi par presentâ Stagjons, haiku al pâr
furlan. Propit dilunc di une des presentazions dal libri o ai cognossût Hotaka,
origjinarie di Iwate e docent al Centri di Lenghe Gjaponese WA di Udin. Di chel
incuintri e je nassude une biele amicizie e une sintonie culturâl che nus à
puartât a cirî altris leams tra lis nestris tieris.
Cheste volte o fasarìn un salt inte mitologjie, fasint
dialogâ i yōkai gjaponês e lis creaturis de tradizion furlane. O cirarìn someancis
intes contis e intal mût che i nestris antenâts a osservavin la nature e a
provavin a sclarîsi ce che ju cenglave.
Un grazie ae librarie Mondadori Store e al Città Fiera Family Comic Convention
par vênus invidâts ancje chest an. E a Hotaka, pe sensibilitât che e dimostre
par fâ incuintrâ la sô tiere di origjin e il Friûl.
Us spietìn par chest viaç tra Gjapon e Friûl. Mandi!
Post
Nessun commento:
Posta un commento