Vuê matine ducj i conseîrs di maiorance in provincie a Udin (a esclusion de Grillo) a àn firmât la mozion di sfiducie al president Strassoldo.Al rive cussì ancje il segnâl formâl di bande de Cdl che dopo 6 agns e mieç e met la paraule "Fin" ae aministrazion Strassoldo.
Cumò si va in consei provinciâl pe discussion gjenerâl su la situazion politiche (le veve domandade la minorance). E po, a tacâ di vuê a son dai 10 ai 30 dîs par convocâ il consei provinciâl pe votazion de mozion.
Mi displâs par Adriano, che al veve fat fint cumò un bon lavôr come assessôr aes politichis sociâls e si viôt costret a sierâ dome dopo un an e mieç la esperience in zonte provinciâl. Di fat, cumò al è avonde prevedibil che il president Strassoldo al revochi i assessôrs che a àn sotscrit la mozion di sfiducie, ven a dî ducj. Al sarès l'enesim erôr di une vicende mâl gjestide e che e je deventade irecuperabil. Par colpe di tancj: di Strassoldo, ma no dome.
Post
7 commenti:
Strassoldo: se lu sfiducin o se si dimet al torne a cjase.
Adriano(Pius): Se lu revoche daurman o se al rive il comisari al torne a cjase.
Tondo: se al cole el guviar e Napolitano al disfe el parlament al torne a cjase.
Cjaf trop in comun no tu ses plui e nol e dit che durin cinc agns.
Mi par che tu ses a curt di ombrenis, propite cumo che al tache a slavigna.
Però ti reste incjemo une oportunitàt: fracche achi :-D
Se o ves fat politiche parcè che mi ves interessave la ombrene (o la poltrone), no varès fat ce che o ai fat.
Ma no ti sêstu stufât di sintîtal a dî? ;-)
Daipodaipo, vutu capilu o no che mi divertiss? (tant):-D
E comunque:
pan e ombrene e stan ben dut l'an
e a chei de ombrene nissun je pète
puare valerie! e cumò ce fasie? ce mut puedaraie mai esprimi le so pasion politiche cumò che marzio al cole? ce mut podareno no, furlans,fa di mancul di une delegade a le culture cusè brave e preparade e cusè pure e limpide tal so lavor? oh signor benedet ce timps che vegnin! diu nus vuardi! (e nus libari)
o.t. i accents non son te tastiere. il furlan al è chel co cjacari a cjase che "lo standard" no mi plas.
mandi!
Mandi raskolnikoff78
benvignût.
tacant te fin dal to coment:
ancje jo o feveli un furlan che nol è chel standard, ma come che tu viodis, o dopri il furlan scrit che dut câs nol à copât nissun, ancje se cualchidun al pense che al sedi la peste.
I acents a son te tasiere, baste cirîju ben e tu viodarâs che a vegnin fûr... ma se no tu rivis, frache achì.
Su la cuestion de Grillo, la tô no mi semee une voie di consolâle, ma di menade di rost e duncje no pensi che o vedi di rispuindi.
A prest.
maladete le me ignorance! ce vuelial de "menade di rost"? tipo "prendere per il culo"?
par talian co soi di primure:
certo che la prendo in giro! ci mancherebbe! è il minimo che si può fare... e sai benissimo anche tu perchè come minimo bisogna prenderla in giro.
sul friulano: troppo lungo il discorso per un commento. dico solo che mi piacciono le diverse parlate. sulla scrittura sono incerto.
complimenti per le visite.
mandi
raskoll
Su la Grillo no mi va di comentâ, la cuestion e je avonde brute.
Sul furlan: ancje a mi mi plasin lis feveladis locâls e sperìn che si mantegnin simpri a lunc.
su la scriture, fasìn un pat: partìn dal fat che nissune lenghe e nas come lenghe scrite. dutis lis lenghis a nassin come lenghis orâls. Dopo, a di un ciert pont, e ven la necessitât di scrivilis. E la scriture e je une robe artificiâl che e scontentarà simpri ducj. Ma e je la uniche maniere par dâ un minim di sigurece ancje a dutis lis feveladis locâls. E chest al sucêt pal furlan, pal talian, pal todesc, pal inglês... dome che se pal talian o sin usâts fint di piçui a scrivilu, il furlan scrit nus semee une robe strane. Prove a viodile in cheste otiche e forsit la lenghe scrite ti semearà mancul lontane. Cul principi di fonde che se ducj o vin di scrivi daûr di une regole fissade, ognidun al à di continuâ a fevelâ te sô varietât, parcè che al è just difindi lis diviersis feveladis dal furlan.
Posta un commento