10 febbraio 2008

Ricuardant i muarts

Chestis a son zornadis che o vin fevelât tant di chest argoment, ma vuê no ai voie di fevelâ di ce che al è stât dit.
O torni a meti achì il post che o vevi fat l'an passât, stant che o pensi di jessi stât tra i prins dal consei comunâl a vê frontâ in maniere publiche, ancje se dome su chest blog, l'argoment dal ricuart dai muarts tes foibis.

ai 10 di Fevrâr dal 2007, o vevi scrit:
Ta cheste zornade si ricuardin i muarts tes foibis.
Jo no cognòs tant ben chê storie e mi limiti a ricuardâ inmò une volte i muarts.
Foibis, gulags, cjamps di concentrament, docis-gas, fors crematoris... indipendetementri dal colôr politic che al à fat nassi chescj orôrs dal secul curt, i politics di vuê, sedi di drete sedi di çampe, a àn il dovê morâl e la onestât inteletuâl di fâ dut il pussibil par informâ i citadins de assurditât di chês azion. Par no dismenteâ e par no ripeti. Ma o cjapi at che masse voltis, no si ricuardin i muarts, ma si à voie dome di dâsi la colpe l'un cul altri su cui che al à fat cheste o chê altre porcarie.
I muarts a mertin rispiet.

5 commenti:

fotorf ha detto...

No tu podevis scrivi mior di cusì !
ricuardin dome i muarts che an paiat cule lor vite erors di une o di che atre bande, sia in cheste ocasion che in che precedent.
E son les sornades dal ricuard no ches par tacasi, un tic di rispiet par chei che an pierdut le vite !

Christian Romanini ha detto...

grazie ranieri

Jaio ha detto...

Po ben, sa tu âs voe di gambiâ di stîl cun le gnove setemane, a tu varès di cjatâ un âltri videoclip sù youtube. Prove viôt s'al é zà disponibil digitant furlanadis.
Mandi

Renzo Tondo ha detto...

Braaf Christian.......... fat ben a ricuarda las foibes...... e magari ancje l'esodo! Io i ai vuut muut di là a cjata i profugos a Buenos Aires, a Montevideo e a Toronto..... a si sintin abandonaaz!

Christian Romanini ha detto...

Mandi Renzo
o torni a dî che pai muarts e lis vitimis si à di vê rispiet.
Ma o cjapi at che masse voltis, no si ricuardin i muarts, ma si à voie dome di dâsi la colpe l'un cul altri.
E la strumentalizazion e je facile di cjatâ ator.
Cualchi zornade indaûr al è sucedût alc che no mi à plasût ancje a Maian: frache chi.