20 febbraio 2008

Grazie

Come che e je abitudin, cuant che si passe il scjalin dai 10.000 o soi usât a ringraziâ i letôrs. E vuê o vin taiât il travuart dai 78.000 contats: grazie!!!
No je une cuestion banâl par jemplâ il post de zornade, ma o soi convint che mantignî il dialic al sedi fondamentâl: e je la fuarce di chest blog, ma in sostance di dutis lis relazions umanis. Parcè che al è dibant dome "vê la puarte vierte e scoltâ ducj", se dopo cui che al da conseis, critichis o osservazions a ven definît "rompibalis" cuant che al è fûr dal coro. Al covente felevâ cu la int e no fevelâ a la int, ancje cuant che no ti da simpri reson.

15 commenti:

thermonuke ha detto...

Difat 78000 al e un multiplo di 10000! Pote!

ILfurlanist ha detto...

Auguris in stîl Thermo...

thermonuke ha detto...

:-) ce fatu pai 80000?

ahahaha

fotorf ha detto...

Cuisà a ce che al pensave quant che al a scrit chest post.... :-)
Auguris !!

Christian Romanini ha detto...

ustie, ti sêstu visât... ahahaha
o vevi cheste robe che mi balinave sul stomi... e mi à scjampât un zero... ahahahahahah thermo tu âs reson: o soi propit un pote! ahahahahah
però la sostance dal discors no gambie.
di fat o lassi l'erôr invezit di inventâmi une scuse ahahahahahahah

thermonuke ha detto...

O tu lu as fat apueste o tu sos masse impegnat tal dialic...

ma scuse a part chist bolg, a majan ce dialic tentu?

in consej tu sos une volte si une no, miege volte si, miege no, in tal trop tu as molat le carghe, cui toi no tu tabas plui di tant a par un o doi, in tes comisions tu as molat les presidences, vuti di che tu in gambio sos ator pal pais in itinere a scolta le int?

visimi che o cjapi un apuntament.....

Christian Romanini ha detto...

thermo, su la prime domande decît tu... ;-)

su la seconde o pues dome dîti che denant dal confront no mi soi mai tirât indaûr: dispès invezit a mês propuestis, no ai vût riscuintri... pe serie: ducj a fevelin cun ducj, dome a mi no mi cag.. nissun! ahah

E cu la int, o pensi di no jessimi compuartât mâl. Par un apontament? cuant che tu vuelis ;-)

thermonuke ha detto...

Puar picinin, cussi bon e dolç.

Ma dimi, a proposit di numars e dialic, cemut ise lade le serade di Fuarce Italie Feagne erie int? Di Majan?

ninine ha detto...

e ma Thermo ce curios!! =)

thermonuke ha detto...

Eh si, o jeri cuiros di save cui che al podeve JESS...i...

Christian Romanini ha detto...

La serade no je lade mâl. Magari cussì no ma Renzo al veve stât mâl vie pe gnot e chê sere al è stât tal jet. I lavôrs a son stâts coordenâts di Adriano Piuzzi che al veve organizade la serade, cuntun intervent di Mario Virgili e un di Isidoro Gottardo.
Dut câs la serade e je lade ben in particolâr pe partecipazion: sale plene e int di Maian, Buie, Feagne (no tancj) Flaiban, Osôf, Murùs, Pagnà, Ruvigne, Forgjarie, Sant Denêl...
A proposit di Sant Denêl, a un ciert pont si è jevât sù Paolo De Cleva e la sô siore che si clame Battellino (la sûr di chê che e je in Regjon: 2 sûrs une cuintri di chê altre a nivel politic) che a àn rugnât parcè che tal lôr comun a àn problemis te sezion di Fi e a àn protestât cun Gottardo.
A chel pont si è jevade une siore che e à ribatût che jê e un altri grup di personis a àn cjapadis sù tantis iscrizions a Fi e che a son daûr a meti in pîts un biel lavôr pal partît... cui jerie la siore? Giovanna Jesse.

Christian Romanini ha detto...

Finide la riunion, o ai passât 2 oris a fevelâ cun Isidoro Gottardo a proposit di leç di tutele de lenghe furlane.
Mi jeri permetût di contestâ une sô afermazion in mert al insegnament dal furlan a scuele.
O sin su posizions tant lontanis, ma no ai vût nissune pôre di dîsi che ancje se o vevi plasê di fevelâ cun lui di chestis robis ta chê sere di Feagne, intant de discussion in consei regjonâl "o ai cjatât un mûr di gome tal grup consiliâr, cu la ecezion di Massimo Blasoni che o vin fat cualchi incuintri operatîf insiemit".

thermonuke ha detto...

Ah, mi vevin contat ben alore!

Cumo a majan oltre a ve le cdl spacade in pro, cuintri, ex, neo ex, ex-ex, e vin ancje une newforzitaliste al oposizion.

E mico une cualuncue:
"une siore che e à ribatût che jê e un altri grup di personis a àn cjapadis sù tantis iscrizions a Fi e che a son daûr a meti in pîts un biel lavôr pal partît... le stesse che aes provincial e coreve cuintri FI.

Incredibil!

Altri che Salvatores, chi tocje clama stanley kubrick.

Christian Romanini ha detto...

Mandi thermo,
ti disarai che ancje jo mi soi fat cualchi domande ta chê sere...
Di chei che a son in consei o jerin, jo, casciano e la giovanna jesse.
de zonte nissun. boh... no sai ce dî: o ai un moment di confusion.

thermonuke ha detto...

di FI ma al oposizion... e ce voto ae dat al belanc?

A chest pont e scate le thermodediche