Ogni tant al sucêt alc ancje di chestis bandis... come che o vevi anunciât cualchi setemane indaûr, Gabriele Salvatores al à di zirâ un cine tal gno comun e propit vuê a son tacadis lis ripresis ancje a Farle."E jere ore di viodi un tic di moviment in paîs" al à dit cualchidun e di fat al à reson: place de glesie sierade, machinis pardut e tante int.
Magari cussì no, ma me no mi àn clamât... e us disarai che o soi ancje restât malut parcè che no mi àn dit nancje nuie... mi soi rindût cont cuant che o ai viodût lis transenis e la int a rivâ, ma jo no vevi savût nuie...
Po dopo, cjalant cheste foto o ai capît il parcè: Salvatores, che nol è un colòs, al mostre a lis sôs assistentis alc cu la man e ur dîs "I atôrs e lis comparsin no àn di jessi plui alts di cussì!".
E cussì o podês dome imagjinâ ce muse che a àn fat cuant che a àn let la mê schede: altece 192 cm!
Bon, dai... e sarà par une altre volte... magari un doman a ziraran un cine sui watussi, ma mi sa che ancje in chê volte mi scartin... ;-)
Un grazie a Ranieri pe foto!
Post
8 commenti:
no no.... viot che o eri presint e Salvatores in chel moment li al disevè......
"vie par la al e a sta chel che no vin cjapat, cuisà ce che al scrivarà di no sul so Blog ?"
Doman se lu viot i dis di Vergognasi ! cemut al fat a smenteasi di Romanin !!!
Cjalant ce che al sucedeve ator e les muses des comparses, mi sa che no tu ti ses pierdut nuie !
Coragjo ti cjolaran pal prosim cine di fantapolitiche che al fasara kubrik....
ma se fasin el cine sui watussi alt tu ses, neri, o vares gust di fati jo (e no dome...)!
pero cjalant le foto, par me, al sta disint ai colaborators:
"cirimi chel furlanist aleat cun chei che saludin cussi..."
No ste aviliti, nancje me no mi an clamade =(
opur al sta disint:
"ce fin al fat chel tipo alt cusì che al jere simpri ator cun romanin e il lof trist?"
mandi ranieri, no pensi che al disès cussì... dopo dut o ai scrit di cine, migo di consei comunâl...
dut câs, ce mi contistu... no mertavial?
thermo, e cui saressial chel che tu disis tu?
Non state mica parlando di Jefferson ? Un soprannome appropriato.
Posta un commento