Domenie di Assembleis

Zornade di adunancis: jo o larai ae assemblee anuâl de Societât Filologjiche Furlane che e tache a 9.30, ma ancje ator pal nestri comun a son previodûts doi incuintris publics.
Aes 10.15, chei di Intesa per Majano a fasin une assemblee a Maian e aes 11.30 il comitât di frazion di Farla al fâs une assemblee par fevelâ di antenis de telefonie.

Ma nissun vuelial zontâ cualchi consei?

Come che us ai za dit, a son tacadis lis presentazions dal belanç ator pes frazions.
Mi semee che un pâr di argoments a son avonde sintûts de int e mi riferìs in particolâr a lis scovacis e a lis antenis. Cualchi consei ancje achì? Magari fasint un struc di ce che a àn dit ator pes frazions...

Il plan dai implants telefonics

Come che al à za anticipât cualchidun, e zire une letare di IntesaperMajano che e convoche i comitâts di frazion par martars ai 30 di Zenâr aes 18.30 in Municipi par fevelâ dal plan de telefonie.
Come comission Teritori e Ambient o vevin dât des indicazions pe stesure dal plan e ancje in Consei o vevin fat une delibare une vore restritive, par evitâ che lis antenis a fossin proviodudis sedi tal centri dai paîs e lontan di areis sensibilis (areis par fruts, anzians...).