I diaris di Luca e Carlo

Luca nus vise che a son on-line ducj i documentaris di Farcadice: Colonia Caroya, Charleroi, Umkomaas e Toronto.
Grazie a Luca e a Carlo (te foto) pal lavoron che a àn fat.

Jo o resti de mê

E je vere che no si à di creâ alarmisim, ma dute chel fevelâ di nucleâr che si à vût tai ultins dîs, al à trascurât un fat. E la notizie dal incident te centrâl nucleâr in Slovenie nus à tornât a fâ spiçâ lis orelis.
E je ancje vere che o vin un probleme di energjie, ma secont me prime di vierzi rubinets gnûfs par fâ jentrâ aghe, al sarès il câs di stropâ cualchi buse che e je te podine... e je une metafore, ma o pensi che e rindi...
E po, se ta chescj vincj agns che o sin restâts fers, no je stade tirade fûr une soluzion al probleme energjie, a voaltris no us pucial di stiç?

Letare di Remo

Sul Messaggero di îr e jere une letare al diretôr scrite di Remo Brunetti di Cjavaç. Al ricuarde une biele iniziative li che o jerin intervignûts l'on. Mauro Pili, l'atuâl President de nestre Regjon, Carli Pup e jo. O ringrazii Remo Brunetti ancje pe segnalazion dal biel sît de Provincie di Trent su lis minornancis. Lait a viodilu.

A proposit des vacancis dai plui piçui

O ringrazii sedi thermonuke, sedi M.F. (che mi à scrit une mail) che mi àn segnalât la evoluzion di chê riunion fate a proposit des ativitâts estivis pai fruts. Se intun prin moment al someave che la rispueste de Aministrazion comunâl e fos "Par resons logjistichis, rangjaitsi", cumò al ven fûr che e sarès une pussibilitât...
Ve chi la letare dal Sindic che al spieghe cemût fâ: LAIT A LEI.

Sirenut furlan

Mi vevin contât di un siorut che al jere rivât a cjaminâ su la aghe e alore, profitant di cualchi zornade di polse al mâr, o ai volût provâ ancje jo...
Come che si viôt, te zone basse de schene, il risultât de fricodipendence...