Chest al è l'articul di vuê sul Gazzettino.
Pe precision us met in sintesi ancje il confront tra la mozion di CENSURE che e veve presentât la sinistre e invezit la MOZION che o vin fat par evitâ che il Sindic al cjapàs une legnade di chês fuartis.
Come che o disevi, Intesa per Majano, incavolâts come une ruie (ma cuntun tic di reson), e veve proponût une prime version che e proviodeve la CENSURA al Sindic: une posizion pardabon critiche e che ancje secont me e jere masse.
Alore par cirî di no fâ deventâ un câs di stât chest episodi, jo o ai proponût che chel test al fos ritirât e che il dut si trasformàs intun "INVITO AL SINDACO E ALLA GIUNTA A CONTATTARE LA CONFERENZA DEI CAPIGRUPPO PER DECIDERE DI INIZIATIVE POLITICHE". (il test complet al è public e si pues domandâ il verbâl in municipi se no mi crodês)
E mi pâr che a sedi une biele diference tra une "censure" e "un invît a visâ la conference", o no?
Ciert, la sinistre e disarà che il sindic al è stât lassât bessôl, ma no stin a dismenteâsi che invezit e je la sinistre che e à ritirât il test e e à votât la version che ur vin proponût noaltris. Se o vessin volût abandonâ il Sindic, no lu varessìn difindût. (e cheste precisazion e je fate in particolâr par chei che a van a meti ator - a Udin - versions falsis disint che il sotscrit al è trist e le à cul sindic!)
Post
5 commenti:
di fat propit parcè che o sai ce che al vûl di censure, come che e jere intidude in consei, o ai cirût di fâ ritirâ la mozion de minorance. e o soi rivât a fâle ritirâ sparagnant no dome al sindic ma a dut il consei un biele legnade. po sul gjornâl al pues vignî fûr ce che si à voie, ma tal verbâl e je la uniche e vere version.
pal episodi che tu tiris fûr tu, o podìn stâ a contâle tant che o vin voie, ma par me l'episodi al è sierât: jo o soi trancuil che come diretor responsabil di un gjornâl istituzionâl, chest nol podeve jessi doprât in maniere faziose e al coventâve evitâ ciertis declarazions (che o ai domandât al sindic di gjavâ). la int e veve la ocasion di dimostrâmi ce che e pensave e lu à fat tornant a metimi in consei cuntun risultât che al dâ la misure di cemût che mi soi compurtât. jo o colabori di timp cun redazions gjornalistichis e o ai viodût plui di cualchi volte intervignî il responsabil de pagjine suntun articul di un o di chel altri. ma chel che al à fat l'articul al acete simpri la supervision dal responsabil, ancje se adiriture al ven metût un titul che nol sodisfe il redator: e nol menace disint "tu fai così perchè lo dico io". duncje cun chest no tornarai plui su la cuestion ancje parcè che mi pâr che l'unic che al à paiât par vê fat il gno dovê al è chel che al scrîf. o speri di jessi stât avonde clâr. e se no soi stât clâr o domandi scuse (ancje a la siore Mariute)
Dopo ce che al è sucedût lunis, jo no mi platarès daûr la figure di "costituzionalisti": fevelìn clâr e disìn che cheste votazion e à un caratar une vore politic, cussì politic che la sinistre e va cuintri ce che la stesse comission D'Alema e veve proponût tal 1998 (va a viodi il pont n.2 chi parsore). Chest dome parcè che la sinistre no je rivade a fâ la riforme, Berlusconi invezit sì. SI VOTE Sì
e jo o rinovi lis scusis se o soi stât passe iruent.
dut al è nassût di un frantindiment: spes al capite che cualchidun al alimente la confusion e al semeave chest câs: il fat che ancje altris prime di me a vessin fatis ciertis considerazions al vûl dî che il dubi al podeve nassi. Jo no ai mai crodût che ti fossis Mariella, e lu ai simpri dite fin di subit. par dî la veretât o soi content che si sin scjaldâts, cussì almancul o vin sclarît.
O resti dal gno parê però sui rapuarts cu la oposizion: no pensi che o sedin stât masse bogns. O pensi che jo e stefano o vin cirût la soluzion de condivision. o vin il vantaç dai numars e o podaressin ancje freâsi, ma chest a cui zovial? al intristìs il clime e vonde: çampe o drete, o pensi che l'interès al sedi il ben dal paîs e se i problemis si rive a frontâju cun serenitât dialogant cu la minorance (ognidun tal rispet des rispetivis posizions) al sedi miôr par ducj, o no? Chest nol vûl dî abdicâ al nestri rûl di maiorance e socombi
Mariute e a carenses di democrasie
a mi cheste Mariute a mi sta propite sulis balis!!!
Ma la Unfer a no va tant lontan!
Posta un commento