01 giugno 2006

Luca Peresson di Farle a Stocolme!

Illy al dîs che i furlaniscj a son “politicants da strapazzo”; in Europe invezit nus cirin par espuartâ il lavôr dai furlaniscj, come il gno amì Luca Peresson di Farle (te foto il prin tacant di drete) e Adrian Cescje di Nimis (dongje Luca).
Compliments al Centri Friûl Lenghe 2000 (Luca al è il President) e che Illy al continui a dî dutis lis monadis che i passin pal cjâf!
Par savê alc di plui, frache achì...

6 commenti:

riccardo cuor di caffè ha detto...

Complimenti a Luca Peresson e a tutte le persone che collaborano al progetto.
... " Tigni al Friûl" nol ul di meti cartei bilenghe par dut il Friul come cal fas il to ami president de province...
mancul cartei e plui sovvenzionamens pes attivitas di valorisasion de lenghe...
comunque "politicanti da strapazzo" and'esistin , eccome!!!

Christian Romanini ha detto...

mandi Riccardo, benvignût.
la critiche ai cartei bilengâi mi pâr strumentâl, par vie che al è dome un dai progjets che e à fat la Aministrazion Provinciâl: contribûts a Associazions, publicazions, convenzions cun Universitât e altris istituzions e vie indevant mi pâr che a sedin une realtât. Ma se si vûl viodi in maniere limitate un argoment...
Par la cuestion dai "Politicanti da strapazzo": e je une definizion che un President di une Regjon nol pues permetisi. Che dopo cierts oms de politiche no sedin a la altece dai incarics che a àn o pues ancje sedi dispost a fevelâ. Ma une frase cussì arogante riferide al comitât D'Aronco, Baracetti e compagnie mi semee un insult e no pues condividile: mi displâs ma Illy al à fate une falope e al fasarès biele figure a domandâ scuse.

riccardo cuor di caffè ha detto...

Io o pensi che la valorisasion de lenghe, de culture, des tradisions, insome des richeces de nestre tiere a sedi une robe importantissime, come par no furlans e compagn in atres tieres. e par chest o doi merit ancie al to lavor. di che atre bande o pensi che a livel plui alt al sedi diventat di mode, une vore "convenient" politicamenti come visibilitat e "riscontro di gradimento" innalcia cheste bandiere. siguramenti and' è int che puarte indenant cun pasion e convinsion chests valors ma and'è int che fasint leve su chei valors a chi e a voe nome di crea un "collante" par coalisions e conveniences politiches. a ti semearà un discors un poc da "qualunquista", ma e ie une me sensasion co ai voe di verifica cui movimens che vignaran e che si percepisin di ce che si lei tai giornai.
mandi

Anonimo ha detto...

Graciis a Christian par vê dade visibilitât ae notizie.
La esperience di Stocolme a è stade pardabon uniche. O speri che la pussibilitât di vierzi une colaborazion continuative a deventi une realtât.
Dut câs, al è simpri un risultât positîf par ducj chei che an colaborât al progjet viodisi ricognossi - in Svezie - la cualitât dal lavôr fat.
Sabide 3 di jugn aes 9:30 o soi stât invidât a Onde Furlane par un aprofondiment.
Par chei che no puedin scoltâ vie "etere" la radio o consei il "streaming" su http://farcadice.no-ip.org:8080/listen.pls
Mandi

L.P.

Christian Romanini ha detto...

Riccardo:
il to discors nol è par nuie "qualunquista".
o soi dacuardi cun te su dut il to ultin coment.
però o ai ancje une convinzion: chei che si declari cumò dongje dal friûl e lu fasin par convenience tu ju bechis subit.
par fevelâ de marilenghe, des tradizions de valorizazion e de difese di un patrimoni culturâl e vie indevant tu âs di vê une sintiment vêr che no tu puedis imitât: se un nol è onest nol rive a platâsi e prime o dopo la mascare e cole. baste vê un tic di pazience.
grazie pal to contribût.

Christian Romanini ha detto...

par luca:
intant inmò compliments! e po grazie a ti par vê volût partecipâ al blog. al jere un tic di che ti spietâvi e o soi content che tu âs screât cun cheste biele notizie.
grazie e si viodìn in curt.

E JOIBE 8 DUCJ A TARCINT A VIODI IL VIDEODOCUMENTARI FARCADICE!
AUDITORIUM SCUELIS ELEMENTÂRS AES 20.30