Prime ti ignorin, dopo ti ridin, dopo ti combatin. Dopo tu tu vincis! (Gandhi)
07 marzo 2010
Elio a la Bit
Vuê o ai tornât a viodi Elio, un coleghe de Filologjiche che mi à dit di vê stât a la Bit. Mi à proponût di contâ chi ce che al veve viodût a Milan e vulintîr us propon ce che mi à mandât: lait a viodi tai coments...
Zornadis flapis ae Borse Internazionâl dal Turisim di Milan
FRIÛL, DUT PLEN A LA BIT
Cu la pôre de crisi economiche al è daûr a tornâ il turisim religjôs di Elio Varutti
Il marcjât turistic al è flap. Si è podût tastâ cheste tindince ae Borse Internazionâl dal Turisim (Bit) di Milan, che si je davuelzude dal 18 al 21 di Fevrâr passât. Bit par inglês si dîs: “International Turism Exchange”. Par fortune che il repart dal Friûl Vignesie Julie al jere simpri plen di visitadôrs. Par vie dai stuzighets cul persut di San Denêl, o par vie des Frecis Tricolôrs, presints tal paveon cuntun avion. No dismentein che si pues ofrî mâr, come Lignan, Grau e Sistiane, monts par lâ a skiâ e a fâ cjaminadis e agriturisim a manete. La delusion di cualchi visitadôr pe Bit e je nassude pal fat che ni Londre, ni New York, ni altris biei pusescj dal mont a erin rapresentâts. Ce apontament internazionâl isal cence la Inghiltere o cence lis citâts americanis? Il biel al è che chest an al jere parfin lu inovâl de Bit, stant che e jere stade screade tal 1981. Cheste Borse e je daûr a lâ, duncje, pai trente agns. Lu an passât i visitadôrs a erin 150 mil (a erin 36 mil tal 1981). Lis nazions presentis a erin 130 e cinc mil lis realtâts gjeografichis vie pai paveons. Chest an a erin trê mil, plui o mancul. Cu la crisi economiche cussì dongje, la Bit e à scugnût smicjâ dut sui laboratoris (“workshop” par inglês). A erin cuatri chei inmaneâts par cheste anade. Il prin al jere su lis tecnologjiis pal turisim. Un altri sul svagâsi tal aiar viert (“open air”) e lâ ator cuntune camionete pes vacancis. Il tierç al jere su la enogastronomie e il cuart e ultin su lis formis di turisim spirituâl e motivazionâl. Propri il Friûl al è metût ben par chei che a àn voie di torzeonâ a pîts pes malghis e caseris, lant a viodi vacjis, cjavris, pioris o i animâi dal bosc. Dopo i turiscj che a àn il plasè di gustâ e bevi une buine tace, culì a si cjatin une vore ben. Ducj i furlans – par ultin – a son braurôs dai santuaris che a son ator pe nestre tiere. Ce che al vel clamât turisim religjôs. Pensin ae Madone dal Lussari, ae Isule di Barbane e ae badie di Siest, dongje di San Vît dal Tiliment. Chescj lûcs a son la ponte di diamant dal turisim religjôs di chenti. Chest contribût al è stât prontât dopo che lu autôr al à fevelât cui students dai cors di Tecnics dai Servizis Turistics, dut un cui professôrs di Economie e tecniche de aziende turistiche dal Istitût Statâl pe Istruzion Superiôr “Bonaldo Stringher” di Udin, stant che si jere in visite di istruzion ae Bit.
«O sin furlans di lenghe furlane, che a son convints di fâ part de nazion furlane. Che al è come dî che o sin un popul, une etnie, une nazion, che dopo tancj parons, che a àn balinât di chestis bandis dilunc i secui, cumò di cent agns indaûr o sin cjapâts dentri tal tramai dal Stât talian».
Pre Toni Beline, sul so prin editoriâl de "Patrie dal Friûl", Dicembar 1978.
blogromanini[at]gmail[dot]com
se mi mandais une mail su chest blog, o doi par scontât che o pues ancje publicâle.
se no vês voie che le publichi, par plasê specificait tal test de email "Christian, cheste mail e je riservade: par plasê no stâ a publicâle".
mandi, grazie e scusait, ma mi àn tacât a scrivi ancje i avocats!
ps: la corispondence che invezit mi rive su la mê mail parsonâl e je par fuarce riservade e nol covente scrivi nuie di specific e e reste privade
Sù, fâsti dongje, int di Sant Ermacure,
al to pastor e a Fortunât rivolziti,
ai testemonis, che tu sâs in glorie,
parcè che pe lôr fede a àn dât la vite.
Achì passarin, come vint in furie,
popui ruviei di brame e di tristerie,
ma tu âs viodût te dì de gran miserie,
il segno che il Signôr no ti bandone.
Gjolt, Aquilee, Diu ti da la glorie,
che, fruçonâts i mûrs de tô supierbie,
cence des armis cjantistu vitorie
pai tiei nemîs clamâts a jessi fradis!
Chi l'om furlan e chel da la Slovenie
e il todesc a cirin amicizie
e, tant diviers, a cjatin une patrie,
che e à tai martars dute la sô fuarce.
Chi la semence de Furlane Glesie,
di Redenzion e puartave lis primiziis
e tal martiri si viestì di glorie,
sfidant a muart la prepotence umane.
Laudât Idiu, Trinitât santissime,
Pari, cul Fi, a pâr cul unic Spiritu,
che al sielç i debui, cun dissen di gracie,
par palesâ tal mont la sô potence. Amen.
Pal Pat pe Autonomie, par Moretuzzo president
-
Cinc agns indaûr il Pat pe Autonomie al rivave a fâ une imprese no di pôc:
cjapâ sù lis firmis e cori tes elezions regjonâls.
Al rivave a fâ ancje un...
AC DC a Udin
-
Juste chê altre dì ju scoltavi par radio e îr o vin savût che al è mancjât
Malcom Young, fradi di Angus e fondadôr dai ACDC. Ogni volte che ju sint,
la mem...
Starting a Business, What My Bird Feeder Taught Me
-
Yes you can sell lots of money, but have the attention Regulation to
business a is if look market is no good.Do you resent people who seem to
attract mo...
Página de Facebook ALEF Rosario
-
Si querés enterarte de las últimas actividades de nuestro Círculo, dale "Me
gusta" a nuestra página de Facebook!!!!
http://www.facebook.com/circuloalefrosar...
Concurso Fotográfico "Personajes de la Colonia"
-
REGLAMENTO:
TITULO: “PERSONAJES DE LA COLONIA”
FUNDAMENTO: En el marco del 135º Aniversario de la llegada de los primeros
colonos a las tierras de Caroy...
La Colonie
-
Une riflession precise e interessante.
La colonie (part 1)
La colonie (part 2)
La colonie (part 3)
La colonie (part 4)
La colonie (part 5)
La colonie (part ...
La Famee Furlane festeggia 80 anni di storia
-
(Articolo di Mattia Bello comparso sul Corriere Canadese del 29 maggio
2012):
WOODBRIDGE - La Famee Furlane ha celebrato una data storica, l’80º
annivers...
Ultime lezion a Rives Darcjan
-
Vuê o vin vude la ultime lezion pal laboratori di archeologjie te scuelute
materne di Rives e o vin creât i vâs come l'om primitîf! Cu la paste Das
colôr a...
Centri “Lidrîs Furlanis”
-
...
Us informin che a partî dal dì di vuê cheste pagjine e vignarà publicade in:
www.centroraicesfriulanas.blogspot.com
Le cjatarês te Etichete: "Storiu...
San Simon cence pucis
-
Stemane passade al è stât assegnât al avocat udinês *Adriano Nascimbeni* il
premi San Simon 2010 pal so romanç *"Jo e Luzie un delit di paîs"*. La
zurie e ...
in Slesie / v Šleziji
-
Cieszyn
La segnalazion bilenghâl a Český Těšín / dvojezični napis v Češkem Tešinu
Turist Iván a Cieszyn/ Turist Iván v Tešinu
La place principâl di Ci...
LA STRUTURE ISTITUZIONÂL DAL PATRIARCJÂT
-
La figure principâl dal stât e je chê dal patriarcje, vescul e cont, che
pal solit al ven di une famee nobile dal mont todesc, judât a tignî il podê
di div...
Mandi...
-
O ai tacât chest blog za fa doi agns par contâ un pôc des Gjermaniis e de
mê esperience, di furlan migrant, di viodi il mont e il Friûl di cheste
prospieti...
IN RICORDO DI MARINO PLAZZOTTA
-
RICORDANDO MARINO PLAZZOTTA E LE SUE DOMANDE
- 29 agosto '09, ore 20.30 presso la fattoria sociale Bosco di Museis,
Cercivento (UD).
Attraverso la testimo...
-
Dut chel che si scrîf par furlan te rêt (o scuasit),simpri inzornât, dal
plui "fresc" injù.Par cure di ILfurlanistPar iscrivisi o segnalâ un blog:
ilfurlan...
1 commento:
Zornadis flapis ae Borse Internazionâl dal Turisim di Milan
FRIÛL, DUT PLEN A LA BIT
Cu la pôre de crisi economiche al è daûr a tornâ il turisim religjôs
di Elio Varutti
Il marcjât turistic al è flap. Si è podût tastâ cheste tindince ae Borse Internazionâl dal Turisim (Bit) di Milan, che si je davuelzude dal 18 al 21 di Fevrâr passât. Bit par inglês si dîs: “International Turism Exchange”.
Par fortune che il repart dal Friûl Vignesie Julie al jere simpri plen di visitadôrs. Par vie dai stuzighets cul persut di San Denêl, o par vie des Frecis Tricolôrs, presints tal paveon cuntun avion. No dismentein che si pues ofrî mâr, come Lignan, Grau e Sistiane, monts par lâ a skiâ e a fâ cjaminadis e agriturisim a manete.
La delusion di cualchi visitadôr pe Bit e je nassude pal fat che ni Londre, ni New York, ni altris biei pusescj dal mont a erin rapresentâts. Ce apontament internazionâl isal cence la Inghiltere o cence lis citâts americanis? Il biel al è che chest an al jere parfin lu inovâl de Bit, stant che e jere stade screade tal 1981. Cheste Borse e je daûr a lâ, duncje, pai trente agns. Lu an passât i visitadôrs a erin 150 mil (a erin 36 mil tal 1981). Lis nazions presentis a erin 130 e cinc mil lis realtâts gjeografichis vie pai paveons. Chest an a erin trê mil, plui o mancul.
Cu la crisi economiche cussì dongje, la Bit e à scugnût smicjâ dut sui laboratoris (“workshop” par inglês). A erin cuatri chei inmaneâts par cheste anade. Il prin al jere su lis tecnologjiis pal turisim. Un altri sul svagâsi tal aiar viert (“open air”) e lâ ator cuntune camionete pes vacancis. Il tierç al jere su la enogastronomie e il cuart e ultin su lis formis di turisim spirituâl e motivazionâl. Propri il Friûl al è metût ben par chei che a àn voie di torzeonâ a pîts pes malghis e caseris, lant a viodi vacjis, cjavris, pioris o i animâi dal bosc. Dopo i turiscj che a àn il plasè di gustâ e bevi une buine tace, culì a si cjatin une vore ben. Ducj i furlans – par ultin – a son braurôs dai santuaris che a son ator pe nestre tiere. Ce che al vel clamât turisim religjôs. Pensin ae Madone dal Lussari, ae Isule di Barbane e ae badie di Siest, dongje di San Vît dal Tiliment. Chescj lûcs a son la ponte di diamant dal turisim religjôs di chenti.
Chest contribût al è stât prontât dopo che lu autôr al à fevelât cui students dai cors di Tecnics dai Servizis Turistics, dut un cui professôrs di Economie e tecniche de aziende turistiche dal Istitût Statâl pe Istruzion Superiôr “Bonaldo Stringher” di Udin, stant che si jere in visite di istruzion ae Bit.
Posta un commento