Come za anticipât:Te zornade che e ricuarde lis vitimis de tragjedie te mine di Marcinelle, (ai 8 di Avost dal 1956) dopli apontament cul cine documentaristic dedicât ae emigrazion furlane.
Miercus ai 8 di Avost dal 2007 aes 21.00 li dal Parc di Vile dai Tinins (o in auditorium, se al plûf) a saran proietâts 2 documentaris su la emigrazion furlane realizâts di Carlo Della Vedova e Luca Peresson (te foto), vincidôrs dal premi Appi 2006:
Farcadice: Diari di viaç – Charleroi (Belgjiche) e Umkomaas (Sudafriche)
Charleroi e je une citadine belgjiche, Umkomaas e je une citadine sudafricane: tant lontanis tra di lôr ma che dutis dôs a forin mete di une vore di furlans, costrets a emigrâ par cjatâ lavôr. E tancj emigrants a son restâts là vie creantsi une lôr vite lontan dal Friûl, ma mantignint un leam cu la tiere dai paris.
A saran presints i regjiscj par comentâ i documentaris insiemit al public.
Post
3 commenti:
biele e interessante le serade di ir sere dedicade ae emigrazion furlane, in particolar cun lis storis documentadis di Charleroi e Umkomaas,dos realtats une vore diferentis ma cun tun font comun:le emigrazion par necessitat, par le scugne di sorevivi ae vuere e ae miserie.Ma ce che lè vignut fur plui di dut e che mi a colpit al è stat viodi che che jo o clami le VERE FURLANITAT. Sinti fevela le marilenghe di int che je vie di 50 agns lontan de Patrie e fas un efiet une vore strani. In paiis cussì lontans, cun ator realtats cussì diferentis e a distance di tancj agns le furlanitat ator pal mont e je ancjemò fuarte, no vul rindisi a le distance.Ven a stai che no cence chiste furlanitat ce saresino? Un popul cence ladriis e cence identitat, cence tradizions ni usancjs. Le me misare opinion e je che le furlanitat tal mont e sedi cussì vive parcè une robe dome cuant che no tu le as plui tu ti rindis cont di trop che je impuartante.
Mandi Ninine
la tô no je une opinion misare: o pensi che tu vedis reson.
Dome cuant che ti mancje une robe, tu ti rindis cont di trop che e vâl cuant che no tu puedis vêle plui. Pluitost, misars e puars a son chei che a continuin a dineâ che il furlan al è un popul che nol covente a nuie: no lu disin in maniere direte, al baste che a atachin la nestre marilenghe par fâmi capî che a son cuintrifurlans. Int cussì e mertarès che a provàs dome un decim di ce che i furlans a àn patît ator pal mont, par rindisi cont che noaltris o sin int speciâl, cuntune dignitât che o vin di jessi braurôs.
e al è propite ce che mi sint jo: braurose di sedi furlane! =)
Posta un commento