Chest mês a son lis elezions pal Comun di Cjampfuarmit e o ai acetât la candidature te liste de #LegaNord par #BacchettiSindic
I letôrs di chest blog za mi cognossin, ma par cui che al rive chi pe prime volte al è just presentâmi.
O ai 37 agns e o soi nassût a Dielsdorf in Svuizare.
O soi dipendent public e gjornalist publicist.
O ai za vude esperience come aministradôr public dal 2000 al 2012 (assessôr e conseîr comunâl, component Anci Zovins, Arlef).
O colabori cun diviers gjornâi e associazions culturâls a pro dal Friûl.
O soi vignût a stâ a #Cjampfuarmit tal 2011 e mi plasarês di podê meti a disposizion lis mês competencis pe aministrazion di chest Comun parcè che o pensi che partecipâ ae vite dal paîs al sedi un dirit, ma ancje un dovê di ogni citadin par dâ in prime persone il propri contribût par cirî di miorâ la cualitât de vite de comunitât..JPG)
.JPG)
O ringrazii di cûr ducj chei che in cheste aventure eletorâl mi son stâts dongje, mi àn sopuartât e supuartât, chei che mi àn judât, chei che a àn lavorât cence comparî e "last, but not least" chei che mi àn votât e fat votâ.
La nestre zone e je siore di testemoneancis storichis che a confermin la impuartance dai nestris paîs. Us segnali par chest l'event che si tignarà sabide ai 20 di Avrîl aes 5 dopomisdì tal Hospitale di S. Zuan a S. Tomâs, une struture storiche di nivel internazionâl che e je testemoneade za intun document dal 1199. Par cui che nol cognossès la funzion dal Hospitale e jere une struture gjestide di un ordin religjôs che te Ete di Mieç e deve bon acet ai viandants che a percorevin la Vie dal Tiliment in direzion Gjermaniis - Rome - Jerusalem. Za di cualchi an la struture e je interessade di une azion di recupar e valorizazion. In particolâr, la gjestion des iniziativis e je de Associazion Amici dell'Hospitale che mi disevin che ta chescj mês a son rivâts a viodi chest sît passe 1000 personis, ancje dal forest, tra turiscj, oms des istituzions e rapresentants religjôs ancje de Austrie. Par plui informazions us consei di lâ a lei il lôr blog e se o vês ocasion lait a viodi chest puest, cjamât di storie e inserît intun contest ambientâl invidiabil come lis culinis che a fasin di corone a la zone.
Ce che te sanitât si faseve te zone di riferiment dal Ospedâl di S.Denêl za 20 agns indaûr, vuê come vuê in altris bandis de Regjon e dal rest di Italie inmò sal insumiin. Nol è un slogan, ma la veretât, risultât no dome di un sisteme istituzionâl virtuôs, ma ancje di 
Une des miôr manieris di cognossi lis robis al è chel di vivilis in prime persone. Cussì di cuant che o ai tornât a doprâ la coriere par lâ a vore, mi soi inmò plui convint che il traspuart locâl al merte di jessi tignût di voli e favorît. La Provincie e à une funzion di control sul servizi furnît dal gjestôr privât ancje se la azion e je une vore condizionade dal finanziament che al rive de Regjon: i km di corsis programadis par cuvierzi il teritori a dipendin di tropis risorsis che a rivin di Triest. Ma pal utent dal servizi al è indispensabil vê un contat plui dongje cu lis istituzions: si imagjinaiso di scugnî rapuartâsi cun Triest par une segnalazion o par un sugjeriment suntun linie di autobus Maian-Udin?
Ve ca la novitât di chescj dîs. Sui tabelons eletorâi a son rivâts ancje i nestris manifescj e, permetêtmi di dîlu, a son i plui biei di ducj. Ma la vere novitât des elezions provinciâls al è propit il Moviment Autonomist Furlan, une gnove fuarce politiche in difese dal Friûl e de Provincie di Udin parcè che no podìn lassâ i nestris comuns bessôi cuintri dal centralisim di Triest.
Spes si sint a fevelâ che i zovins no àn interès, che a son ognidun par lôr cont. Cheste e je une vision sbaliade che forsit e covente plui a platâ lis mancjancis di cui che le dîs che no invezit a cjatâ soluzions. La Provincie di Udin, midiant dal Assessorât a lis politichis sociâls, e sosten i progjets des "borsis di lavôr pai zovins", esperiencis di lavôr che pal solit a vegnin fatis vie pal Istât. A son progjets che o ai vût maniere di cognossi ben ancje a Maian, dulà che o soi stât assessôr pes politichis pai zovins. Progjets che a coventin no dome come esperience lavorative, ma soredut come moment di agregazion e cressite. E vuê Maian al à ancje un Informezovins, un pont informatîf ancje chest dentri di un coordenament provinciâl.
Se o sarai elet in Consei provinciâl o puartarai la mê esperience direte ta chest setôr par svicinâ inmò di plui i zovins a la vite dal paîs, ma inmò di plui par ufrî a lôr ocasions par rindisi protagoniscj dal lôr paîs.
Post
Tutti i commenti
