Achì o ai voie di complimentâmi cun Angelo Dreosti di Susans, che al à publicât un libri cu la Gaspari Editore di Udin (la buteghe e je in Via Vittorio Veneto, di front de pueste centrâl: librarie Einaudi). Di ce che mi risulte, e je une ricercje che al à fat tai archivis parochiâi su la Prime Vuere Mondiâl. Cumò o ai di leilu, ma se cualchidun al sa za alc al podarès fâ un tic di recension achì. Une volte Agnul al è passât par ca e mi fasarès plasê un so intervent par anticipânus alc dal test...ps: o domandi scuse a Agnul se no ai dit nancje il titul, ma lu ai viodût di scjampon e ancje par chest o speri che cualchidun al partecipi dant cualchi informazion util.
Post
4 commenti:
Il titul dal libri al è
La grande guerra in Carnia : nei diari parrocchiali e nei processi del tribunale militare
Mandi Agnul
grazie a ti pal intervent.
vuê o ai viodût il test in biblioteche e ti ringrazii (stant che prin di dut mi riten un utent dal servizi) par vê regalât il to libri ae nestre comunitât.
metimi in bande une copie, che o ai voie di comprâlu ma dome se tu mi fasis la dediche! ;-)
Complimens Angelo ancje de bande me! Già quanche 'e erin insieme aes elementars tu eris un grum braf... 'e sarà contente ancje le nestre maestre :o) Purtrop ultimamentri no ai tant timp, ma se mi capite di viodilu in biblioteche lu cjol sigur par leilu, posto che ancje a mì mi e simpri plasude le storie.
Christian, o speri che tu metaras sul blog, quanche al sarà el moment, ancje el libri che don Remigjo al è daur a finì su le storie di Farle (al mancje nome qualchi ritocjut final). Al è un grum interesant (e picant!!!) e o speri proprite che al rivi a cjatà qualchi sponsor par stampalu... Al sarès un pecjat che dopo che lui al à lavorat doi ains par scrivilu (e jo di ca di un an che lu bat, lu ribat, i met a puest i documens e les fotos...) al les dut a patatrac... Se vès di là ben ti fasarai savè pui indenant.
Mandi Donatella,
o spieti novitâts sul libri di don Remigjo: fâmi savê alc.
Posta un commento