O ai ricevût cun tant tant plasê chest invît pe ricorence dai 3 di Avrîl.Ta chescj ultins agns cheste date e ven valorizade e ricuardade di tantis aministrazions, ents e associazions, ma viodi che l'aniversari de nassite dal Stât Patriarcjâl di Aquilee che al nassè tal 1077 al sedi celebrât te comunitât furlane di Colonia Caroya in Argjentine a 13.000 km dal Friûl... beh... a mi mi fâs un grant biel efiet!
Compliments ai amîs di Colonia Caroya.
Fracait su la foto par lei miôr.
Post
2 commenti:
Difat, al puès fâ efiet a plui di un.Jó no sai se si à da dî puar biâts a chei furlans di aventi là che a crodin ancjemó che chest al sedi impuartant o ai furlans di achi, che chestis rôbis nancje no lis cognossin. Dutcâs, a nus mostrin le situazion.Di sigûr che un grum di furlans dal forest, cuant che a tornin in patrie a si cjatin forèscj plui che no se a vessin di lâ a Caroya tal font de Argjentine.Votu viodi che achi di cent agns, i unics furlans a cjacarâ immó le lenghe a saran là vie a Caroya?
Mandi Jaio
grazie pe riflession che tu fasis: secont me ca di 100 agns al è probabil che il furlan si lu feveli ancjemò a Colonia Caroya, ma sul fat che chi in Friûl al vedi di sparî, al è agns che lu sint a dî e lu disevin ancje une vore di timp indaûr... e invezit o sin inmò chi.
Jo o pensi che Felix Marchi al veve tante reson cuant che al diseve tal 1983:
"O vin viodût che la lum no si è mai distudade. Daûr di nô i sês vualtris e daûr di vualtris a 'nd sarà altris, parcè che la libertât e fâs part de vite e fin che a 'nd sarà vite, a 'nd sarà simpri cualchidun che si bat pe libertât dal Friûl".
E il fat che passant doman a Colonia Caroya si celebre la fieste dal Friûl, mi convinç simpri di plui che lis peraulis di Felix Marchi a son veris.
Cui varessial mai inmagjinât 30 agns indaûr che al sarès sucedût chest, o che usgnot o fossin chi intune place virtuâl come un blog su Internet a fevelâ di chestis robis?
Posta un commento