27 novembre 2008

Grignei di scuele

De mestre Lorele la Morete us ai za fevelât.
Ma stant che secont me la scuele e je un argoment fondamentâl par lavorâ in teme di tutele de lenghe furlane, mi plâs presenta ancje a voaltris chest biel progjet de scuele di Codroip.
Grignei di scuele che e dopre un blog come imprest didatic ancje par furlan: compliments a la mestre Lorele e bulos ducj chei fruts che si son butâts te Rêt.

E se us interesse di lei cualchi biele considerazion su la scuele, scrite di pre Antoni Beline, us torni a visâ di dismenteâsi di "Une scuele pai furlans" o il speciâl de Patrie di Otubar 2007 dedicât propit a chest argoment (te foto la cuviertine).

7 commenti:

Christian Romanini ha detto...

Par furtune de scuele furlane e par furtune di chei fruts, a son diviersis lis mestris che come la Lorele e lavorin cun serietât ancje tal cjamp de tutele de lenghe furlane. Come che si dîs, cheste dal blog e je une "buine pratiche" che cence tancj coscj e pues secont me jessi espuartade in tantis scuelis.

la giova ha detto...

Chris sei bono

Christian Romanini ha detto...

Jo? Bono?
No no: Bono al è il cjantant dai U2 e jo o soi stonadissim!

Venusia ha detto...

Ustie, tachistu a vê ancje lis fans! =)

thermonuke ha detto...

No je propite fan, e je ingordigje ;-D

surisin Toni ha detto...

Inn efiets il blog al è un bon sisteme par fâ scrivi i fruts. I fruts di Codroip il furlan nancje no lu cjacarin, e alore la scriture e divente une robe complicade. Ma cussì cence pretindi coretece ortografiche a scrivin. Si capìs ce che a vuelis disi e pal moment chest al baste. Se no àn pôre dal furlan, lu doprin. Par sielte personâl.
Sì o soi contente dal risultât. Ti tormentarai ancje te... sta atent!

Christian Romanini ha detto...

Mandi Lorele
cuant che tu vuelis, o soi a disposizion ancje se cumò come cumò no sai in ce maniere che o podarès jessiti util =) dut câs o soi curiôs e o resti in spiete!
salude i tiei fruts!