20 gennaio 2008

Une fevelade cun Marco De Agostini

Vuê o ai stât a Grau. No soi un che al frecuente chel paîs: o soi om di tiere (miôr se cuntun tic di culine) e no di mâr.
Ma cheste volte mi soi mot parcè che mi à cirût Marco De Agostini, (te foto cul so cjan, intant che al ten di voli Triest vie mâr) segretari politic dal Moviment Friûl.
Mi à fat plasê.
Mi à fat plasê parcè che nol capite ogni dì che un segretari politic ti ciri parcè che al à voie di fevelâti e di cognossiti.
Mi à fat plasê parcè che al jere un pôc di timp che o vevi cheste curiositât di cognossi il Moviment Friûl, che fint cumò o vevi let dome sui gjornâi o sintût di tiercis personis.
O vin fat une lungje fevelade di politiche, dal Moviment Friûl, de storie di chest partît, di cemût che al è vuê il Friûl... e vie indevant.
Plui che altri jo o ai scoltât, stant che Marco De Agostini a 'nd à viodudis tantis e la peraule no i mancje: dal sigûr un bon oratôr che al à ce dî.
Mi à ancje segnalât il sît dal Moviment Friûl cul stampon di document programatic pal 2008.
Fevelant, il discors al è lât su cemût che i zovins a viodin il Moviment Friûl. Jo mi riten zovin, ma no pues fevelâ a non di ducj i zovins: i ai dome dit che personalmentri e coventarès plui informazion adiriture su la storie dal Moviment Friûl e su la ativitât stesse dal partît. E par comunicâ al covente doprâ i imprescj di vuê. Al à preseade cheste critiche, almancul mi semee.
Mi sa che a saran inmò moments di incuintri...

16 commenti:

thermonuke ha detto...

Atu che di gambia cjaval?

Christian Romanini ha detto...

No, pal moment no i ai pensât.
E Marco De Agostini al è stât propit coret: no mi à domandât disponibilitâts e no mi à fat invît a passâ cul Moviment Friûl.
E je stade une lungje fevelade di politiche che mi à fat cognossi une part di storie dal Friûl che no cognossevi.

thermonuke ha detto...

Ma cjale...gjavat el simbul dal post e mitude le foto di un cul cjan....

ti al telefonat el zio?

Christian Romanini ha detto...

Eh thermo thermo, va ben che il Giulio Andreotti al disece che a pensâ mâl si fâs pecjât si fâs pecjât, ma cualchi volte si induvine... però o scuen ancje dîti che cheste volte tu âs pescjade une buiace...
se tu mi cognossis ben (come che tu disis), tu varessis di savê che a mi no mi telefonin i barbis par controlâmi il blog: i miei barbis (come che tu ju clamis) a son masse inteligjents par compuartâsi cussì cun me. A son altris che si sustin parcè che ogni tant no condividin ce che o scrîf.
O scuen però ancje ringraziâti parcè che tu mi dâs la ocasion di sclarî e fâ viodi trop coret che al è stât Marco De Agostini: a pene fat il post i vevi scrit par domandâi se al jere cualchi probleme par vê doprât il simbul dal partît stant che no vevi sôs fotos. Lui mi à rispuindût a colp e mi à dit che al jere miôr che o metès la sô foto (che mi à mandât lui) parcè che se no cualchidun al podeve fâ cualchi ilazion e scrivimi che mi veve clamât par aruolâmi tal Mf: come che tu viodis, thermo, tu sês colât te nasse e se tu le sâs lungje tu, al è cualchidun altri che al cjale plui lontan di te.

thermonuke ha detto...

Magari pal moment no tu j'as pensat e no tal an domandat ma segont me tu ti cjatis denant di un moment di sielte o di crisi identitarie.



Al e un poc che ti disevi se tu ti sintivis prn cjaf trop e dopo di FI.



In somp, o doi at che ce che tu fasis nol sedi nome un "puest di vore" ma alc par cui tu ses convint e magari ancje ti plas, ergo che tu vuelis puarta indenant al dila di un sportel.

(Che jo no lu condividi "quasi" in nuje, poc al conte sul resonament).



Tal stes jenfri, el partit par el qual tu as le tessare al a convinzions che van avonde lontan des tos: si tu mi disaras che Blasoni ti a scoltat, che Tondo al sta tacant a scoltati che Piuz di da le poie e vie indenant ma, le veretat tu le sas ben! al e il partit di Camber che al impugne le leç dal Furlan ae cort costituzional, al e il partit che al sta cun Menia che al a za ben sclarit ce che al intint par autonomism, al e il partit che al sta cun Ciani che al scrif sul mesagjero "noi amiamo" il friuli, al e il partit di Antonione che al vai parceche par sbalio al fas passa le leç de "class action", el partit de province di Udin e vie indenant.



Insome i concets dal "tramai dal stat talian" le "autodeterminazion dai popui" les rivendicazions etniches tu puedis ben metites vie cun chescj, e ben dibant che tu disis che tu stas lavorant di dentri par gambia, le linie e je propit un altre. Al contrari MF al e l'inizi e forsite le prime piere di dut chest, forsite vue al e plui tacat a un passat che a un presint color di rose però si identifiche magari cun cualchi distinguo in dut chest.....



El probleme al e che tu ses stat batiat politicamentri cul tricolor di fuarce Italie: ti visitu di conche tu fasevis les mozions pal IV di Novembar e tu relazionavis pes Frecis tricolor?



Di lor tu as vut un asesorat esterno, un asesorat, dos voltis un puest in consei, un puest in liste nonostant une defenestrazion, insome une base se tu varas gjambis e cjaf par parti, corint cun t'une fuarce che puarte vie un biel pocs di votos e ancje se no ti plas sintilu di cjadrees, se tu as cualchi ambizion pulitiche (E TU IN D'AS) no a di sedi un pont di arif ma no si po schifa le cjadree.



Mentri chi no son masse cjadrees, fadie dure, lote poc capide, in pocs a scombati te tormente, cun plui fede, cun plui convinzion ma cun mancul "sodisfazions materiai".



E soredut nie "ombrenis", nissune corint, nissun apogjo esterno di barbes e santui, nie atacs sul blog ai toi parceche tant tu as le schene cuvierte, e, distess, nie interogazions ae regjon par save se tu puedis falu. E alore ce fatu?



Vatu daur de fede e ti butitu te tormente o statu tal cjaldut che viodin plui indenant se alc si po gambia…?

Christian Romanini ha detto...

thermo
la analisi che tu fasis e je articolade come simpri ancje se cheste volte no ti mancjin i prejudizis.
O sai ben che la mê posizion no je condividude de plui part de dirigjence, ma o soi ancje convint che invezit a son lôr che no si rindin cont che la base, la int, no je cussì contrarie a lis mês posizions (e no stâ a tirâmi fûr il paragon de barzalete dal mat che al cjale fûr de filiade dal manicomi).
Dut câs, ancje su la cuestion dal 4 di Novembar o ai za dit cemût che al è stât il gno percors e no mi ripet: te vite tu fasis un percors e viôt che lis elezions ultimis lis ai frontadis come che tu sâs, presentantmi come che tu âs viodût e alc o ai puartât a cjase, ancje se al cualchidun no i è interessât. Sigûr o ai vût tantis pussibilitâts di bande dal partît, ma no mi sint par nuie in debit parcè che a 'nd ai passadis avonde e no ai fat dispiets. Forsit forsit o ai fat propit cheste capele: se o fasevi dispiets magari mi candidavin in cualchi coleç blindât intun comun in Ligurie e a cheste ore, magari no jeri senatôr, ma forsit assessôr o sindic di Gjenue...

Christian Romanini ha detto...

sul discors de ambizion: se no vevi ambizion no mi metevi in zûc, ma ta chescj agns o ai ancje imparât a dâ il just pês a lis robis, cence mitizâ. O ai cirût di dâ un gno contribût pal gno paîs, ma e je lade come che e je lade... o tornasès a fâ simpri compagn. Il gno lavôr nol interesse? Alore o cîr di fâ dal ben a la comunitât in altris manieris dedicantmi a ce che o soi daûr a fâ di cualchi an. Je met dute e o speri che al zovi. E dal tricolôr o fâs vulintîr di mancul se mi parin vie: prin di dut o soi e o resti furlan, come che lu jeri prin di deventâ om di partît. No spudi tal plat li che o mangji, ma ti ripet che no mi sint par nuie in debit.

Christian Romanini ha detto...

E cun cheste mi soi zuiât la candidature a lis provinciâl che cualchidun al veve pronosticât :-P

thermonuke ha detto...

....no si rindin cont che la base.... sigur?

Camber, Ciani, Menia, no si rindin cont ?!?
o semplicementri le linie e je bati una altri tambur?

(se ur torne cont, viodarin, tra cuatri mes, i muarts si contin ale fin de batae)




o stevi pensant, però, forsit, o ai cjacarat masse adore...

...tal me rezonament sule candidature di Tondo o ai dit che il partit storic furlanist stranamentri al tas, che forsit al spiete che di ca o di la cualchidun al ledi a tucai te puarte.

Se tu fossis tu el ambassiador?

Atu ambizion di fa el gran cjessidor come Saro?

Tu tachis a fami pore...




PS cun cheste pero tu ti zuis ancje el salt de cuaie... :-P

Christian Romanini ha detto...

Se o vevi chê di fâ il salt de cuaie, lu varès fat dopo mai, invezit cjale tu cualchi mês indaûr al jere cualchidun altri che al butave il voli di chê altre bande...
su discors dal tiessidôr... no sai se cjapâlu come un compliment... ancje se mi à fat fâ une ridade.
O scuen dâti at: come che o feveli vulintîr di politiche cun te, lû fâs dome cun altris pôcs.

thermonuke ha detto...

Si bon pero invide ancje cualchidun altri a di alc che semein doi fenoglas!!

Christian Romanini ha detto...

ahahahahah
sta trancuil: no tu sês il gno tipo e considerât il periodi dongje Carnavâl, mi ven di dîti che dut câs mi plâs la fritule :-P

Christian Romanini ha detto...

dut câs thermo... jo te buti li: o scomet che se tu i scrivi une mail a De Agostini ti da une biele rispueste su lis motivazions dal nestri incuintri. ce dîstu?

ps: la mail tu le cjatis sul sît di Mf: frache achì

thermonuke ha detto...
Questo commento è stato eliminato dall'autore.
Christian Romanini ha detto...

Ce che tu i domandarâs no sai, dal sigûr a mi ce che tu âs segnalât no mi plâs.

thermonuke ha detto...

Difat, o ai gjavat el post.

(al veve un link, a un blog, che al publiche un video di un ciert Mosconi che al porcone a manete)

O volevi di dome che se par comunicâ al covente doprâ (ben) i imprescj di vuê. Al à preseade cheste critiche, almancul mi semee alore al prossim incuintri visilu che post simii, t'un blog che si declare puartevos, al e une falade no dome di bon gust.







p.s.
Ce bon c'o soj, se par une frice ti a scrit l'avocat, culis blestemis ti rivave el anatema papal ;-P