30 aprile 2009

Mi presenti, o soi Gioele

Mandi, mi presenti: o soi Gioele.
O soi rivât vuê matine prime des 7 a Sant Denêl: mê mari Sonia vuê e fâs 30 agns e alore o ai pensât di fâi un biel regâl di 3 kg e mieç!
Par dî la veretât, mi soi fat un tic spietâ, ma cuant che o soi rivât, invezit di cridâmi pal ritart, a son stâts ducj contents: gno papà Cris, i miei nonos (ancje se a vevin i voglons sglonfs...)!
Ce volêso fâ? Lis personis impuartantis si fasin spietâ... ;)
Mê mari mi à dit che o ai ancje un barbe e une agne, ma o no ju ai inmò viodûts parcè che a varessin di vignî sot sere: chel pandolon di gno barbe al à di lâ a vore... propit furlan! =)
Po ben, cumò lassaitmi fâ un pisul che o soi jevât a buinore vuê...

5 commenti:

ninine ha detto...

Benrivââââât!! =D
la gnagne!! hehehehee!
=)

Daniele1984 ha detto...

Felicitazion a la mame e il papà...il barbe avrà il compit di cressi un bijl nipot alla miore furlanitat. Benvegnut picjul!.

Daniele M.

Aldo Rossi ha detto...

Oila, congratulaziôns e benvigût.

Barbe, tire fûr il tacuîn :-)

Christian Romanini ha detto...

un grazie a ducj pes bielis peraulis!
=)
o soi propit content! =)
gno nevôt al è un spetacul!

la Morete ha detto...

Mi pâr che ti samee un tic!
Augurons!