16 aprile 2009

Lade strucje

Usgnot o jerin in tancj: il Friuli al jere plen. E in tancj, a la fin dal prin timp, o crodevin che si varès podût puartâle a cjase: 3 a 1 tai prins 45 minûts e l'Udin al veve za paregjât il risultât de partide a Breme.
Magari cussì no, tal secont timp o sin... lâts in vacje e ancje une buine dose di sfighe (un pâl, rimpai che no jerin mai a favôr, diretôr di gare avonde discutibil...) no nus à judâts.
Po ben, amen, nol jere destin ancje se une ocasion cussì, forsit, si podeve sfrutâle in maniere difarente, magari cence cjapâ 6 gôi in 2 partidis (che al vedi vude reson il Dree?).
Dut câs al è di dî GRAZIE a cheste scuadre che nus à regalât bielis emozions in Cope.

5 commenti:

ninine ha detto...

I pâi a jerin doi, cence contâ ancje i tîrs a fîl di puarte...
Cmq o soi fiere di dôs robis: de mê scuadre, che e à dât dut, e nuie si pò rimproveraie (se o sint cualchidun...) e de mê tifoserie, che e à aplaudît fint tal ultim e che aes 5 dopomisdì e jere za fûr dal stadio cui banchets, pan, salam e tante voie di fâ fieste!
Dai, nol impuarte, parcè che "la gente come noi non molla mai!" =D

Christian Romanini ha detto...

Eh sì: ancje a mi mi à plasût la tifoserie che a la fin de partide e à batût a fuart lis mans ancje se o sin lâts fûr.
Grazie Udin!

ninine ha detto...

Apene sintude une interviste a Quagliarella: al à dite che il displasê plui grant al è stât chel di no vê podût contentâ cheste biele tifoserie di usgnot, e che al è lât fûr dal cjamp di balon cu lis lagrimis! Benedet!

ninine ha detto...

Ah, comunque...par me la poesie par furlan al pô dile distess, par danus almancul il premi di consolazion! =D

Christian Romanini ha detto...

Juste! =D