Lunis ai 31 di Lui aes 18.30 al sarà consei comunâl.Jo o ai presentât un ordin dal dì pe cuestion dai implants di telefonie. Us fâs lei il test che o ai mandât a ducj i components de comission teritori e ambient.
Indicazions gjenerâls pe redazion dal plan pai implants tecnologjics di telefonie mobil
In conseguence de riunion de comission teritori ambient dai 21 di Lui passât li che i comissaris a àn savût de realizazion in curt di un plan che al regolamentarà lis modalitâts che cun chês i gjestôrs de telefonie mobil a podaran instalâ ripetitôrs gnûfs sul teritori comunâl, daûr de Lr n. 28 dal 2004 “Dissipline in cont i infrastruturis pe telefonie mobil”;
considerât che chescj implants a mandin su la aree di riferiment ondis eletromagnetichis che la lôr incidence sul organisim uman e je di un continuo argoment di studi par verificânt i efiets sul stes;
ritignût che la salût dai citadins e à di jessi un ben prioritari di tutelâ parsore di ducj chei altris interès;
preocupâts par un pussibil proliferâ cence regulis dai implants di telecomunicazions;
I conseîrs comunâi a indichin ae Zonte comunâl e al Sindic di metisi in vore in dutis lis sedis e tes manieris proviodudis de leç par fâ che chest plan pal insediament dai implants tecnologjics di telefonie mobil al sedi il plui restritîf pussibil par podê limitâ ai gjestôrs di telefonie mobil la pussibilitât di instalâ implants che a podaressi nosi ae popolazion.
In particolâr a indichin che chescj implants no dome a varan di jessi metûts lontan di ponts sensibii tant che scuelis e centri pai anzians, ma che i stes a sedin tignûts fûr dai centris abitâts e su teren di proprietât publiche par tirâ a pro de comunitât i afits che a vignaran. I ripetitôrs a varan di jessi mascarâts di pueste par limitâ l’impat visîf.
Chestis indicazions a varan di jessi trasmitudis ae comission tecniche incjariade di pueste di preparâ il plan in argoment.
Post
19 commenti:
la propueste e je par furlan e par talian.
tal ordin dal dì a son ancje i ponts che a àn domandât chei altris.
l'ordin dal dì lu firme il sindic.
grassie di vermi sclarito. Comunque se te clicki, par vader la legje, te da el sito dela regjone, e sesione scaduta.
Ingiornalo.
Ciao
No e che me meto a promuover el triestin
A diference di chei che si jemplin dome la bocje, jo o ai plene fiducie sedi tes potenzialitâts dai zovins sedi te automoderazion dai partecipants al blog. Achì al reste dut e ducj a puedin lei e scrivi ce che a àn voie. Se dopo cualchidun nol rive a fâ di mancul di fâ viodi trop maleducât che al è, no son problemis nestris: si cualifiche di bessôl.
Achì la libertât e je plui che no di altris bandis e forsit par chel al dâ fastidi.
Su la assemblee, cence jentrâ tal merit, o soi convint che e je une robe juste: fevelâ cu la int che ti à elet al è sacrosant intune democrazie. Si varès vût di fâle prime ancje noaltris
O vevi promitut di no rispuindi plui a mariute parceche mi e someat ceh no vedi vut masse ce insegna come educazion fin cumo..
Al e un poc che noj dan cuarde e cumo e viest chist fals vistit di buine maestre che si rabie pal ben di chei che van parsore lis ries. Pero ti sugjeris la censure!
No le conte juste.........
Cuisa la che e je stade dute le setemane....
Pal link al sit dal cumun però o soj ancje jo contrari, chist al e un puest to. Parce el cumun varessial di dati el link.
E son tancj altris a majan che e an un sit, donatella, maxpola tan par fa dome doi nons di cui c'al scrif achi. Alore linkino ducj.
O isal parceche tu ses conseir?
Se dal to punto di oservazion privilegjat tu poartis achi gnovis su ce ch'al sucet a majan e su ce che tu tu intindis o tu cortdis just fa par majan tal to ruolo bon pro. Ma che chest al scugni linkasi cul sit da cumun mi par propite di no.
Magari daisi da fa par inrichilu un poc el sit dal cumun ma:
Renso Taront al a un blog come el to, isal el link tal sit dal parlament?
Strassoldo al un sit? Linkat cule provincje?
Pius? Linkat?
Illy? Linkat?
e alore?
E poi tu viodis che lancja argomens "lizers" no covente a nuje, va viot cros che ti an scrit tal libri dal asilo!
Croz tai pai dal telefono cun argoment a part Jo Tuti e un altri par?
Ta chel dal Tocai, dome jo e te!
Ta chel de rai Jo e te!
Ta chei dai mondiai conche tui davis spazio aj anonimos al e stat scrit di dut e il contrari.
Te sagre di s.pieri toneladis di mierde pe pro Majano.
E alore, varessi le zonte di fa un link a un blog che al conten critichis a manete. Mi pararess un tic autolesionist no?
E le oposizion parce no fasie un cuintri sito. Forsite come c'al e stat dite e a pore di dati el onor di ve dat el via al guic ma forsite si creares une spiral di sputanamens e di critichis fin a se stessis che no si sa a cui che coventin.
Ale fin chei che an vint e an di governa (ben pero!!!) chei che e an perdut e an di fa le doverose oposizion.
Le int se ul e a tancj spazis par critica o par fasi sinti, un al e ancje chest che jo in t'un cert sens o apprezzi ma lungi dal pensa di dai valor istituzional.
E o ai dite fasi sinti, no fasi vale, che al e un tic plui dificil (e no steit a tirimi fur lujanis cone i comitaz di quartir che e vin viodut lis ultimis elezions).
Se dopo qualchidun des istituzions al passe achi, prin citandi, gjunte, majorance e minorance al passe achi e al cjape su qualchi pare tu as gia ragjunt el to scopo.
Se invezite al lei, forsit ancje al vores scrivi ma soredut si incazze parceche al e ogjet di critiche forsite al a di ripassa les regules dal gjuc.
Si tu mi disaras che tu no tu lu as mai pratidnut....
A proposit tu atu metut el ink al comun di majan? o domandi e parceche no aj controlat?
Cun afiet.
Scuse un lu ai eliminat par sbaghlio lu vevi metut dopli.
Comunque o continui:
tropis rispuestis al messal par furlan? cros inges mancul di doi mes fa prin dal cue dal fum?
Jo o crot che tu vedis di continua cun chest giuc, gjava i spazis aj anonimos robe juste, censura no, limità i potes s'al foss un filtro anti-pote e vivaressin in t'un mont mior.
Cumo o fas incazza qualchidun....
:
i doj faros blancs sul ingres de place e fasin somea lis dos colonnis la puarte de astronav di star trek
(se fos une lus un tic pui cjalde e un tic macut fuarte pero el risutat al sares biel)
Mandi thermo,
intant grazie pai tancj consei e contribûts di riflession. su tantis robis o soi dacuardi, su tantis mancul, ma il principi al è chel di confrontâsi (no lâ dacuardi par fuarce, ma confrontâsi sì). e cheste e je za une grande biele robe.
dopo le lustrade, o fâs cualchi cuintri riflession: sì jo lu ai domandât il link parcè che o soi conseîr. no, no lu ai fat par istituzionalizât chest spazi, ma dome par rindi plui fuart il rapuart tra eletorât e elet. dut achì. cence pretesis. se tu vâs a viodi il sît di Cjamare e ancje dal Consei Regjonâl e tu ciris li che a son i nons tu cjatis che chei che a àn un sît (e a àn fate domande) a àn il link al sît personâl. E o pensi che nol sedi un delit. Ma se mi disin di no, amen, ma a passin de bande dal tuart parcè che a meti un limit ae libertât di espression. Dut câs no fasarai un dram, ma mi displasarès che mi fos fat ce che o riten un tuart. Pai argoments, si sa che al è tant plui divertent tirâ paladis di m.... soredut cuant che tu puedis fâlu cence fâ savê cui che tu sês. e di cualchi bande la tentazion e je une vore fuarte, ma secont me tu âs reson cuant che tu disis che lis critichis a àn di jessi cjapadis cence rabiâsi: ciert, ancje a mi mi à dât fastidi cuant che mi volevin mandâ la procure de republiche o cuant che mi àn dit che cui bêçs dal gno stipendi si pues salvâ la fam tal mont. Ciert, e je vere che si pues fâ, ma mi pâr che chesti considerazions si son cualificadis bessolis. Jo o speri che ancje chest imprest al puedi zovâ a fâ cressi un pocje di int, parcè ce che secont me al mancje in zornade di vuê al è propit chel di jessi usât al confront e ae dialetiche: la int no si cjate plui a discori, a resonâ, a fâ progjets su la comunitât. O salacor, lu fâs di mancul. Al covente tornâ a cjatâ la voie di resonâ insiemit pe comunitât. Se no nol covente nancje lamentâsi e frignâsi intor se lis robis no van. E il fat che a sedin tancj a passâ par chi al significhe che e je cheste dibisugne e che l'imprest al è facil di doprâ plui che no altris formis che dal sigûr a son ma no rindin forsit come cheste. Ancje parcè che chei che a scrivin achì a san benon che il messaç al ven let dai destinataris. Pe cuestion di miorâ il sît dal comun, o ai za mandât uns cualchi consei e indicazion par rindilu plui biel e complet: tra chescj il fat che ta chel di cumò no je la version par furlan e lis notiziis no son masse inzornadis. Se tu cjalis e je la notizie pal risarciment dai dams pal aiaron: e je stade metude dopo 4 zornadis che o vevi mandade une mail cul consei di metile in homepage. Ise une coicidence? No sai ma intant mi plâs pensâ che al vedi zovât alc.
su la cuestion anti-pote: e sarès pardabon une biele invezion. ma come che e recite une vecje detule: la mame dai .... e je simpri plene
dos domandis:
cui voleve mandati le procure de republiche?
ce riunion publiche fasie la cjampe, c'o ai let achi, che no ai vedut ni avis ni manifesç ni el mesagjero che el di di marcjat al spariss simpri(almancut tal bar c'o' frequenti jo)?
o disevi tu atu metut sul to blog el link al cumun di majan?
Pal to stipendi, tu lavoris pur te legalitàt? E je pur une leç che ti legjitime?
(o volevi di ancje un concors, e mi soi impensat di Ingresso, che al voleve metit sot indagjne, quindi pe procure mi riten già rispuindut).
Cert no si vif di dome pan ma come che o disevi, secont me fa cartei in furlan, sportei par furlan, cunvignes pal furlan, qualchi volte si va oltre le tutele de culture e un pocs di bez e podaressin sedi spindus mior.
Tante int e mur di fan e second me puesç come il to e fasin aiar, furlan ma simpri ajar.
Chest nol ul di che no tu ti vuadagnis onestamentri el pagnut!
dimi piutost de riunion publiche de cjampe....
Pai link o ai verificat:
PARLAMENT - si al e il link a sits personai (mi somee logjc) ma no a blogs, Renso Taront dut cas no lu a.
REGJON - nuje
PROVINCIE - nuje
per thermo:
il link al è ancje in regjon: cjale ben che tu cjatis.
Pe riunion di usgnot:
a presentaran une cuintri-perizie di variante. No jentri tal mert des sieltis. O fâs dome un pâr di considerazions.
La sielte di fâ une riunion publiche e je juste e secont me ancje noaltris o varessìn vût di fant une, ma cussì nol è stât fat.
Però se la çampe le fâs cumò, come minim mi ven di domandâmi: ma no ise un tic in ritart. Ancje lis cuintri propostis: e je une robe biele che si colabori cun plui ideis, ma no stin a dismenteâsi che aromai la Zonte e à za dât l'ok par tornâ a lavorâ dopo de sospension, e à aprovât la perizie di variante e prin di setembar il cantîr al verès di jessi finît. Fin cumò dulà sono stâts ducj? E che no vegnin a contâme che cu lis elezions di mieç la robe e je passade in secont plan: a àn pûr cjatât il timp di contindi pal cjamput di basket (e mi semee che di chest ancje cualchidun altri su chest blog si è visât...). Duncje o torni a scrivi che cheste cuestion dal cuel e pues plasê o no plasê, ma fant une strumentalizazion cirint di cavalcâ la onde emotive che e provoche la tematiche ambientâl e il fat che dome cumò si tiri fûr dutis chestis storiis mi semee come minin fûr timp massim. E par sierâ o rispuint a chel che al pense che mi divertisi a scrivi cun altris nons: no ai bisugne di chestis fufignis, se o ai di scrivi alc lu fâs simpri e dome cul gno non. Come che a disevin i vecjos: cui che al à il suspiet, al à ancje il difiet...
Un bertoldo-SAGJO al varès di analizâ ben lis considerazions e no fâ acusis cussì plaçarulis: mi somein chei comizis li che si spare "a zero"... Jo o ai dit che la sielte di fâ une assemblee publiche e je une robe juste: o ai fate une considerazion sul metodi, sul fat di fâ simpri riferiment ae int par cjapâ decisions. Jo o soi convint che cheste e je une strade juste: le ai domandade, ma nol è stât cjapât chest consei. Però mi semee che cheste azion de çampe e rive un tic in ritart. CERCHIOBOTTISTA no mi riten, ma in politiche intundude come azion di decidi lis soluzions al sedi fondamentâl vê simpri une posizion critiche (tal sens di analizâ ben il contignût des decisions) di ce che si fâs. Cuant che invezit si è masse convints di jessi simpri tal just, e je la volte che si fasin lis capelis. Duncje prime di sparâ sentencis, cjale la situazion tal complès e no sta viodi dome che che ti comude. Ma cheste e je dome une opinion e un consei, che nol è dit che al sedi la maniere juste di viodi lis robis. Disìn cussì: jo o pensi che tu vedis dite une monade, ma e je dome une opinion mê, cence tristerie. E une ultime considerazion: il pentapartito al à caraterizât un moment storic de politiche taliane li che a son stadis fatis tantis porcariis che al jere just condanâ, ma almancul in chê volte a jerin riferiments politics e strategjis costruidis intes sezions, cuntune regjie gjenerâl: e jere partecipazion, confront ancje fuart, ma dal sigûr un al veve la pussibilitât di cressi. Cumò, tantis voltis mi semee che il sisteme al funzioni daûr de regule "ognun al bale cun sô agne".
E stant che ancje cualchidun altri mi à fat presint che jo o varès dite che no mi plâs, o ribadìs che jo o ai dit simpri che par viodi il risultât si à di spietâ la fin dai lavôrs e che il cantîr viert al podeve preocupâ par come che si presentave. Duncje no mi semee il câs di meti in bocje di altris peralis mai ditis. Se si à voie di fâ une discussion obietive. Se invezit si à voie di continuâ a tirâ claps, alore dut al è lecit, ma cussì nol è zuiâ coret. Ancje parcè che tu riscjis di fâ brute figure, parcè che la int che e lei lis acusis che tu mi fasis e à il vantaç di podê la a viodi dut ce che al è scrit e judicâ se jo o soi un cerchiobottista tu tu âs dit un sac di monadis... Prove pense, stant che tu ti clamis sagjo, tu âs un non che al implice une cierte responsabilitât: no tu puedis di sflocjis, se no ti cole ancje la credibilitât dal non. Ocjo!
Posta un commento