Intun filmât fat de Universitât di Udin e che si pues viodi in internet, al è stât riprodusût ce che al è sucedût al Domo di Vençon in chê sere dai 6 di Mai dal 1976 aes 21.06: 50 e rots seconts che no finivin mai: discjame il video. Us consei di scoltâ l'audio cuntun pâr di auricolârs.Inmò grazie a dute la int di cûr che e à regalât ae mê gjenerazion un Friûl che al è nomenât par dut il mont come un model e mi fâs sintî braurôs di jessi furlan. Un pinsîr lu dedichi par ducj i Sindics di chê ricostruzion che e àn dimostrât che cu la volontât si rive a fâ dut: ancje a fâ tornâ a nassi une Regjon.
Un "Mandi" ancje ae siore Luciana Bonatti Mora, che in chês gnots e à lavorât cence polse intun dai plui dificii compits: vê cure par ducj i 131 muarts di Maian e ricognossiju par podê informâ lis fameis che a vevin pierdût i lôr parincj.
Post
6 commenti:
mandi fantàt, jo che j vevi 11 ains che volte da l'Orcolàt ancjemò se i pensi al Friul di prime non rivi a restà vive. se cun la modernitat mi àn puartat vie il pòlvar dai ains e dai secuj, ce mi covential di plui? la vecje Glemone e la sente di Bertrand a sòn tal ricuart
Vuê o ai sintût a fevelâ int che e à vivût chei agns de ricostruzion. Tai discors di Adriano Piuzzi e Roberto Dominici si à sintût la fuarce di une gjenerazion di politichis che e à segnât la storie de Ricostruzion e dal gnûf Friûl. No sai se la classe dirigjente di vuê e rivarès a fâ ce che e àn fat in chê volte. Jo o sarès spaventât.
O aprofiti par ringraziâ dute la int che si è dade di fâ in chescj doi dîs achì par ospitâ cun grande dignitât lis tantis personis vignudis a Maian. Cence lis associazions e i volontaris (no fâs nissun non par no dismenteâ nissun) che a àn fat PLUI DAL DOVÛT, chest fin setemane nol sarès stât pussibil. Grazie e compliments
Mandi Christian
Ce che tu disis Tu, che une volte le gjarnassie sorestante e veve un' atre fuarce secont me e po sei combiade cun:
Le gijarnassie sorestante e ha voluut e poduut ricjà e scometi su une popolassion che e ha subite rispuinduut apene che el destin le ha metude ale prove. No soi suguur che in dutes les atres bandes (de Italie) si podi fa ce che i nestris omps e an fat trente ains fa a chì di no. Mi paar che qualchi caas mi dei ancje reson. Iò i rispeti le to idee ma bisugne rindi cont ancje a chei che e han lavoraat no nome a chei che e an comandaat.
Mandi Christian, bon lavoor in consei.
E soi dacordo pui cun christian che cun d.d.ols.
Se le ricostrusion è ha vut el "suces" che ducj e cognosin al è siguramentri merit di chei che testardamentri e an lavorât par tornà a fasù.
Ma al è pui vêr che i nestri politics (mi son plasus i discors sia di PIUZZI che DOMINICI)e an tirat fû i "c....." par cjatà el just rapuart fra les esigenses de popolasion e le clase politiche (in particolâr che di ROME).
I pôs cas cusì grâfs in Italie no eri cert di usà a esempli (vedi Belice)e no ierin cer le strutures di vuè (Protezione Civile)a da une man o un consei
Disìn che achì di nô e je stade une misture che e à cjapât dentri une classe dirigjente-politiche (il stât, la regjon, i sindics: no stin a dismenteâ ancje lis peraulis di Sandri Schiratti!) che e jere pardabon fuarte e e saveve ce fâ; la int che no à molât e, invezit che cjapâ sù la valîs, si è tirade sù lis maniis e e à decidût di restâ; il volontariât che nus à fat cognossi trope brave int e je ator pe Italie e pal Mont. Ma cence i politics e la credibilitât de nestre int, salacor, no sai se si varessin vûts i stes risultâts. La mê riflession no meteve in dubi ni il lavôr de int, ni dai volontaris: mi pâr però di viodi une diference tra la classe politiche di îr e di vuê.
Posta un commento