La muart no je nuie. O soi dome passât di chê altre bande.
Al è come che o fos scuindût inte stanzie dongje.
Jo o soi simpri jo, tu tu sês simpri tu.
Chel che o jerin prime l'un par chel altri lu sin ancjemò.
Clamimi cul non che tu mi âs dât simpri, che ti è familiâr.
Fevelimi inte stesse maniere afetuose che tu âs doprât
simpri.
No stâ a cambiâ tono di vôs, no stâ a assumi une ande maestose o avilide.
Continue a ridi di chel che nus faseve ridi, di chês piçulis robis che tant nus plasevin cuant che o jerin insiemi.
Pree, fâs bocje di ridi, pensimi…
Il gno non che al sedi simpri la peraule familiâr di prime.
Pronunziilu cence il minim segn di ombre o di aviliment.
La nestre vite e conserve dut il significât che e à vût
simpri.
E je la stesse di prime, e je une continuitât che no si creve.
Parcè varessio di jessi fûr dai tiei pinsîrs e de tô ment dome parcè che o soi fûr de tô viste?
No soi lontan, o soi di chê altre bende, propit daûr dal
cjanton.
Confuartiti, al va dut ben.
Tu cjatarâs il gno cûr, tu cjatarâs la tenarece mondade…
Suie lis tôs lagrimis e no stâ a vaî, se tu mi amis.
La tô bocje di ridi e je la mê pâs.
(note: Par agnorums atribuide a Sant Agostin, cheste biele
preiere e je stade invezit scrite di un religjôs inglês, Henry Scott Holland, teolic
e cjaluni de catedrâl di Saint Paul, tai prins dal Nûfcent).
