17 gennaio 2009

Tacâ l'an cuntune donazion

Bon dai, nol è propit il Prindalan, ma o sin inmò in Zenâr e duncje mi someave just che par tacâ chest 2009 par ben, mi mancjave alc.
E cussì vuê o soi tornât a donâ plasme tal ospedâl di Sant Denêl.
Lu consei a ducj e par vê plui informazions us segnali il sît de Associazion Furlane Donadôrs di Sanc: e je une buine pratiche che e fâs dal ben par cui che al à bisugne e ancje a cui che le fâs, stant che par jessi donadôrs al ven domandât dome di tignîsi in salût.
Un "mandi" di cûr al nestri President Renzo Peressoni che al è un vulcan di ideis e di entusiasim!

Ps. Un grazie ancje a la Friûlpoint e ai Fantats furlans, fornidôrs des maiutis di cheste campagne spontanie di publicitât a pro de Donazion dal Sanc.

4 commenti:

ninine ha detto...

Uffi, o soi in spiete dal coment di Thermo... =D

thermonuke ha detto...

Il color de muse al tabae bessol.

Dopo se o fas une batude mi dan dal insensibil ;-(

ninine ha detto...

dai thermo, no ste fâ l'ofindicul! cui ti daje dal insensibil? =)

Christian Romanini ha detto...

il colôr de muse ce aial? =P