14 gennaio 2009

Ostarie leterarie

Mi àn scrit i "ustîrs di Contecurte"... ve ca:

Un lûc virtuâl là che ducj a podin proponi e lei piçulis storiis in lenghe furlane. Cheste la idee dal blog «Contecurte», che o cjatais ae direzion http://contecurte.splinder.com
Nô lu definìn «une ostarie leterarie, li che si cjatisi par lei cualchi conte e fâle cognossi ai amîs». Une sorte di circul leterari di chei di une volte e di fat la grafiche e je ispirade a un imagjinari circul culturâl dal Votcent.
«Contecurte» e vûl jessi un lûc par ducj chei che àn voie di lei e scrivi par furlan, tignint di cont i timps curts dal web e il jessi pôc usâts a doprâ la marilenghe. Cun di fat, a vegnin ametudis dome contis curtis di al plui 2000 batudis.
La nestre iniziative e vûl jessi ancje un mût par preseâ e pandi une forme leterarie pôc considerade de editorie taliane come la conte, che invezit in altris paîs e je valutade come che e merte. Al sarès biel deventâ un pont di riferiment e une vetrine pai furlans che a àn tal cûr la leterature, cence confins di lenghe e… lungjece.
Vignît a cjatânus, autôrs e letôrs, su
http://contecurte.splinder.com

I ustîrs di Contecurte

5 commenti:

Janez Erat ha detto...

Biele iniziative!!!

Cui sono i ustîrs?
in ogni câs o cîr di scrivi alc..
mandi
Janez

ninine ha detto...

idee bielonone!!! =)
yupppiiiiiiiii!!!!

gelostellato ha detto...

si ma âstu viodût ce brute la seconde conte, chel cîl glaçât al devi jessi propit un cjastronat
:D :D :D :D

mandi!

ninine ha detto...

No jê vere! =P

ILfurlanist ha detto...

Cîl glaçât al mi fâs rivoc ancje a mi, sperìn che cul lâ indevant a selezionin miôr lis contis :-)