12 gennaio 2008

Cors di lenghe furlane

Chest an o tignarai un cors pratic di lenghe furlane par imparâ a lei e a scrivi par furlan.
La Societât Filologjiche Furlane mi à domandât se o vevi plasê e mi à afidât il cors te sede di Udin, tal Palaç Mantica in vie Manin, 18.
Il cors al è gratis e al è di 24 oris in dut.
Lis 12 lezions a saran cun chest calendari, ogni Lunis des 17.00 aes 19.00:
Fevrâr 4, 11, 18, 25
Març: 3, 10, 17, 31
Avrîl: 7, 14, 21, 28

Par iscrivisi o podês clamâ Elena De Sanctis, Ufici formazion de Sff tel. 0432/501598 int. 3 che us disarà cemût fâ.
A la fin dal cors, chei che a varan frecuentât almancul il 70% des oris a ricevaran un atestât di frecuence.
Us spieti e visaitsi che i puescj a son limitâts (max. 20 iscrits).

8 commenti:

Venusia ha detto...

ISCRITE!! =)

fotorf ha detto...

e je dure a 5 di sere.....
no rivi, o continuarai a scrivi par Furlan stramp :-)

fotorf ha detto...

ma setu ancjemo su a Majan a fa provins pal cine ? O ai sintut che e giraran ancje a Farle in Glesie (un funeral) ce atu voe di fa tu ? el Predi o pasà cule borse a cjapà su monede ?
maman.....

Christian Romanini ha detto...

mandi ranieri,
dut just: ancje a farle.
Ma no soi lât inmò al casting. forsit joibe: mi plasarès.

Christian Romanini ha detto...

Mandi Ninine,
ben fate: si viodìn a lezion.
Ma mi racomandi: va a cjoli il necessari pal cors... cuader, lapis, grimalut e floc rose! :-)

thermonuke ha detto...

Viot che capello al a dite che al impare l'ingles t'un mes....

Vutu dimi che il furlan l'e tre voltis plui dificil?

Christian Romanini ha detto...

Capello al è un bulo: se si met al impare di corse.
Però cjalant un precedent, ancje Trapattoni al è un bulo, ma cul todesc mi pâr che al veve ce fâ...
dopo bisugne viodi ce che si intint par "Cumò o ai imparât a fevelâ une lenghe..." ;-)

Venusia ha detto...

Alore, cuader e penis on'dai, il grimal...mmmm...vadial ben chel di vore? Mi mancje dome il floc rose...