Come che al presente il blog dal Comitât482 e al fâs presint ancje Checo, l'assessôr Molinaro al à nominât i components de Agjenzie Regjonâl pe Lenghe furlane.Indicât ae presidence al è Lorenzo Zanon e components dal consei di aministrazion a son Paolo Paron, Simone Bressan, Fabiana Castellarin e Vittorio Zanon.
O ringrazii Lorenzo Fabbro, che al à vuidât la Arlef fint cumò: lis nominis tal Cda a àn ancje une component politiche, stant che e je la maiorance che e governe la Regjon a fâlis e duncje politichementri no ai problemis a dî che la sô provenience (za candidât dal Pd e Ds pal consei regjonâl e za sindic di çampe di Palaçûl) e varès vût di fâmi identificâ Lorenzo Fabbro tant che un aversari. Invezit tai mês che o ai vût maniere di cognossilu si à simpri compuartât cun me in maniere corete e cuntune grande sensibilitât e competence par chel che al rivuarde la politiche linguistiche.
In mert a lis nominis ultimis, o cognòs sedi Paolo Paron, sedi Simone Bressan plui di chei altris components e mi permet di dî che o soi propit content par lôr.
O disarai di plui... CONTENTON pe nomine dal gno amì Simone: ancje lui al ven di Forza Italia, al da une man te Redazion de Patrie e si è dimostrât une vore sensibil sul argoment di tutele e valorizazion de lenghe furlane ancje tal dibatiment interni dal nestri partît in ocasion de aprovazion de gnove leç di tutele. No je vere che dentri il Centridrete a son ducj cuintri de lenghe furlane (e no dome chê furlane), ancje se in tancj le àn atacade (viôt dut il dibatiment prime, di lunc e dopo de aprovazion de gnove leç di tutele).
Duncje, in spiete che si sieri la composizion di dut il Cda (a mancjin 3 in rapresentance des Provinciis di Gurize, Pordenon e Udin, 1 dal Anci regjonâl e 1 de Universitât dal Friûl) e al sedi fat il passaç des consegnis, o auguri un bon lavôr al gnûf President Lorenzo Zanon, a Simone e Paolo e ducj chei altris components fint cumò nominâts.
Post
5 commenti:
Augurons di tant bon e onest lavor a ducj i gnufs nomenats.
Si sa come che tu disis Christian che chistis nominis e son politichis, e al è normal che ancje tal ARLEF si spieledi le volontat popolar. O speri che il Bressan nol proponedi politichis lengjstichis masse merecanis/republicanis, o di bombarda Triest come citat teroristiche cuintri il furlan (le buti in ridi un poc, al iude a sta plui serens e al fas vivi mior).
Su cualchi nomenat o ài za scrit li dal to copari Dree.
Mandi Checo
Grazie Christian!
Credo anche io che bisognerebbe essere più sereni e,magari, provare a giudicare le persone sulla base di quello che sono e di quello che fanno.
Io, nel mio piccolo, cercherò di fare tutto il meglio che posso..senza bombardare Trieste ed altri stati-canaglia :-)
Mandi
Magari, se tu fasis in mut che di cumo indenant si eviti di bombardanus i cojons cun robis tipo friulanication, jo, come at di vuere mi contenti. ;-D
...eco si Bressan a Thermo fagj un bombardament di furlanfrico furlanalpins e furlanfrecistricolor, e ce chal reste dal bombardament al è il model just di furlan di coiona de di dopra de bande dai politics frurlans-triestinocentrics di chenti.
Par Christian: par plase satu se di cualchi bande cumò o plui indevant e son consultabii i curriculum dai gnufs ARLEFnomenats?
Par Bressan, o vuei jessi propositif: cuant ch'o ves cjapade le man tal gnuf ARLEF ce ditu di proponi di meti tal sit dal ARLEF i curriculum di ducj che ch'o ses stats nomenats? mi parares une buine propueste di trasparince e in stil anglosassone, si curriculum onescj, no mi contenti "...al è stat assessor di Cepletiscjs (cun dut il rispiet di Cepletiscjs)", al sares interessant ch'al fos di pode lei un curriculum detaliat, come se tu vessis di presentalu ae Danieli. Le nomine e je politiche ma i beçs e son i nestris! Cussì o pararessis plui brafs di Antonaz.
Mandi checo
Oh si, just save cui che saran i gnufs e cun cualis capacitats specifiches, cemut no.
O speri dome che chest al sedi par pore che e ripetin les vacjades dai vecjos?
No, parcheche se no non tu as di dami lezions di coreteçe.
Posta un commento