Mandi Feo di Bean

Vuê matine o ai savût che al è muart Feo di Bean, Alfeo Mizzau. Mi à displasût ancje se jo lu cognossevi dome di non e pe incarghe istituzionâl che al veve vût: al jere stât europarlamentâr (il prin furlan), assessôr e conseîr regjonâl, president de Societât Filologjiche Furlane. Di ce che o ai vût maniere di documentâmi, mi à plasût savê che al jere braurôs des sôs lidrîs furlanis, un sintiment che al veve manifestât ancje tal parlament european cuant che al jere intervignût pe prime volte fevelant par furlan. A jerin i agns 80.