29 luglio 2008

Alc di lei, MajanoNuova

Come ogni inaugurazion, ancje il Festival 2008 al puarte la sô edizion di Majano Nuova (te foto la cuviertine), la storiche riviste anuâl che e fevele di diviers temis: di art, di leterature, di narative, di storie locâl, di personaçs dal paîs.
Dopo cualchi timp ancje jo o ai tornât a meti la mê firme su la riviste, che mi à viodût a scrivi lis primis pagjinis cuant che o vevi mancul cul di 20 agns, e di chest o ringrazii Alessia che mi à contatât: lu ai fat cun plasê.
Biele e di efiet la cuviertine dedicade a la Araucana, opare di Sebastian Matta che a Maian al à fat une mostre diviers agns indaûr e lis sôs oparis cumò a son esponudis te Pinacoteche (o sugjerìs ancje la costruzion di un sît Internet, par une visite virtuâl... se la idee no je stade za pensade).
Come simpri lis primis pagjinis si vierzin cui salûts, ma propit chi o ai cjatade une brute stonadure tes peraulis dal Sindic: mi à displasût di lei che in dut l'intervent no sedi une peraule di ringraziament par chei che dut l'an si fasin il cûl come verzis e invezit al à cjatât il timp par definî la associazion "inquieta". In dute sinceritât mi à someât propit fûr lûc. La associazion ProMajano jo le viôt come un patrimoni di dut il paîs e se ancje a puedin jessi moments di confront sui temis, no mi somee che tal salût introdutîf de MajanoNuova si ves di lâ a rimproverâ... no sai di ce.

Verba volant et scripta manent...

12 commenti:

unodeitanti ha detto...

Magari il Sindaco voleva far un complimento alla Pro Majano dicendo che è un’associazione “inquieta” nel senso che è attiva, che è riuscita a risanare debiti, a risollevare un festival che anni a dietro era in calo di consensi, a dare una svolta alle mostre mantenendo comunque in questi anni un patrimonio di cui adesso qualcuno si dà vanto.
Inoltre ha continuato ad investire anche su spettacoli gratuiti per la comunità cui il Festival Show, e negli anni addietro vari artisti popolari; partecipando e con successo anche a manifestazioni al di fuori del comune.

Vorrei poter vantarmi di avere un’amministrazione “inquieta”…

Kencj_buana_dobro ha detto...

appunto! magari!
invece, per tradizione consolidata, l'occasione del saluto viene colta per sassolini personali che confinano all'umiliazione del cortile l'aspirazione della Pro a dar visibilità a Majano ben oltre la dialettica quotidiana!

Christian Romanini ha detto...

unodeitanti
ancje se chest blog al è par furlan, mi somee di cognossi avonde ben ancje il talian... dut câs, par no vê dubis o soi lât a cjalâmi il vocabolari e mi somee che la definizion e sedi avonde clare.

Christian Romanini ha detto...

dut câs fevelant dai contignûts, mi soi let l'articul di Vincenzo Sinelli che al ricuarde Gjovanin, Gjildo e Claudio e mi à plasût.

thermonuke ha detto...

compra un scanerut no eh?
une foto cul gjornal in man?

forestpark ha detto...

Christian,

nol e' che tu podaressin meti "Majano nuova" online, cussi che ancje io e chei quatri di majan ator pal mont e rivaressin a leile? :)

Grassie

thermonuke ha detto...

Beh, tocje ameti che un "risorgimento" di une asociazion che tanç fin a pocs agns fa e viodevin, (no a tuart), in plene "decadence" e je dal sigur "inquietante" par un ent che nonostant al vedi proviodut adiriture l'asessorat ae vivariositat nol a otignut simii risultats. :-)

Scovacis ha detto...

Aromai dopo la brute facende dal calendari des "Furlane", mi sa che Chris i pense parsore dos voltis prime di meti su une scansion di un prodot editoriâl :-D

thermonuke ha detto...

Ihihih, Dree, al a cjapat tante di che pore di la a viodi el soreli a cuadrei che al a butat el scaner te ledre...;-O

Christian Romanini ha detto...

uff... ce pesants... nol bastave il thermo... cumò ancje il dree mi mene la viole... eheheh
dut câs lis fotos lis ai fatis parcè che mi someave plui dinamic fâlis cul gjornâl in man e no cul scanner...
dut câs no stait a lâ pes te ledre che o podaressis cjapâ un temul scanerizât... ehehe

Christian Romanini ha detto...

tornant a MajanoNuova, mi à plasût ancje il ricuart di Renato Mertens che al è stât scrit di Alessandro Venuti. In efiets mi pâr di strani no viodilu sentât in place ta chescj 15 dîs... mandi Renato e grazie a Alessandro par vêlu ricuardât.

Christian Romanini ha detto...

Ohu, ma nissun scrivial alc di coment su la riviste? Le leio dome jo?