E je tacade la discussion de gnove leç sul furlan.Jo vuê o cjapi il tren a Udin e o voi a Triest a manifestâ cul Comitât 482 fûr dal Consei Regjonâl par vê une leç di tutele plui fuarte di chê broade che a àn voie di dânus sot.
Ve chi il test dal comunicât dal Comitât 482.
Post
28 commenti:
Jo invecit doman o voi a vore!
mich auch!
Thermo, come che ti conseìn simpri ;-)
Vuê o ai stât a Ts e, stant che thermo al à fat une sotlineadure, a 'nt fâs une ancje jo: o ai cjapât feriis par lâ a Ts. O podevi cjapalis lâ a fâ una gjite, magari a Predappio... ma invezit o ai pensât di compagnâ une delegazion dal comitât 482 par no mancjâ a un apontament impuartant de legjislature che e rivuarde la tutele de lenghe furlane. Probabilmentri par plui di cualchidun chest al è un discors di "estremist", di "taliban", di "esagjerât"... ma o soi content e avilît di jessi lât: o soi content parcè che e jere la prime volte che o viodevi cemût che i conseîrs regjonâi, la plui alte istituzion chi in regjon, a lavorin. no vevi mai stât in consei regjonâi a viodi i lavôrs. E o soi avilît pal stes motîf: la plui part di chei che a son sentâts in consei su chest teme a dimostrin ignorance, arogance, impreparazion e inadeguatece a frontâ chescj argoments... mi displâs...
O sin tornâts cjase di Ts tor 9 e mieze di sere... no mi soi inmò ricjapât de incazadure, de avilizion, de cjapade di cussience che se ducj i argoments in regjon a son frontâts cu la stesse superficialitât e arogance... al è ce sgrisulâsi! No feveli di ducj, ma di buine part dai conseîrs regjonâi che o ai sintût vuê. E stant che o ai voie di jessi positîf o scuen fâ i compliments a:
VIOLINO
MENIS
MENOSSO
GUERRA
FRANZ
TRAVANUT
CARLONI
ZORZINI
FERONE
ancje Tonutti e Molinaro no mi àn displasût.
Malissim il grup di Forza Italia, An e ancje Salvador dal Udc no mi à plasût par nuie.
Chei altris intervents a son stâts dal dut inutii parcè che no si capive ce dal caz che a volevin dî.
O scuen fâ i compliments aes SIORIS CONSIERIS (a part la Battellino che e pues lâ a platâsi e che si vergogni): a àn dimostrât plui preparazion e competence di tancj "omenuts" (e no son chei di Massimo Garlatti Costa...)
ao dite che tu ses lat in marine?
e ce centrial predappio?
mah e dopi o soj jo che o provochi...
comunicazion di servizi el me pc-cillin mi segnale che tu as un spyware grant come une cjase che al mande a chest sit:
http://e2.extreme-dm.com/s11.g?login=romanini&jv=y&j=y&srw=1024&srb=32&l
tu devis velu cjapat a triest :-)
e cumo maxpola mi ridara daur une setemane.....:-)
O sin al atac informatic par distudâ un blog par/pal furlan :-)
Thermo, code di paie?
No soi un che al provoche: spieghimi parcè che îr di sere tu âs tant tignût a informânus che vuê tu levis a vore... lavoristu dome une zornade par an? no pensi... alore cui isal il provocatôr?
Dut câs, Maxpola, se tu sês... bat un colp e judimi a capî ce dal diaul che al è tal gno blog (a part il fat che jo no ai vude nissune segnalazion, se no di bande di thermonuke, che o ringrazii: pardabon)
no, no!
O lavori alc di plui...
ma no voi simpri in gjite a predappio...
Dentri di Forza Italia cun Camber, Asquini, Valenti e Pedicini che a àn çavariât e Gottardo che al à fat un apel a cirî un acuardi su la cuestion teritoriâl, o scuen fâ une precisazion sul conseîr Massimo Blasoni che al à dit: "Qui la questione è chiedersi se vogliamo o no tutelare il Friulano. Io credo di sì e credo che una legge in questo senso non sia soltanto necessaria ma diventi un dovere. Questa è una legge doverosa."
Purtrop Blasoni al è une vôs isolade su cheste cuestion. Mi soi permetût plui voltis di sugjerî cualchi passaç, ma considerant la clime che si respirave îr, nol à di jessi facil lavorâ cun dut il grup consiliâr cuintri... No ai voie di justificâ nissun ni di rufianâmi nissun, ma e jere un precisazion che o volevi fâ par coretece di informazion e viers l'UNIC conseîr regjonâl di Forza Italia che al à dimostrât interès sul argoment. Chei altris... diu nus vuardi...
E Tondo che al jere vignût ju in gjite cun chei di Resie, pal furlan lu veso viodût? ;-)
No, ma par dî la veretât jo no lu vevi nancje visât.
I ieri a Rome !
E comunque prime da aprovaziona definitive da lez i varai muut di di la mee..... Par intant i us diis dome chi non condiviit la posizion di cui cal riten che cheste a sedi une robonone storiche.... cusi come chi pensi, e i ai vuut muut di dilu ancje a Christian, che las posizions estremes a riscjin di slontanaa da cuestion une parte di int moderade che in tun dibatit ecesivamenti ideologizaat a si slontanaran dal problema!Faa su chest tema une lez di fin legislature a l'è di par se un sbaglio parceche a puarte a ciri il consens dai diviers grops di interes (legitims) cence porta a une riflesion serene.
Cusì, oviamente, pal sloven...... ma tant'è.... i stin corint dauur al enesim spot eletoral di Illy!
Renzo, sul fat che lis leçs impuartantis no si àn di fâ ae fin de legjilature o soi dacuardi cun te. E propit pal fat che tu lu disis ancje tu, tu confermis che cheste e je une leç impuartante.
Mi à un pêl stufât la solite critiche "posizions masse ideologjichis": masse ce? cun chê int che o vin in consei regjonâl no ai mai rivât a fevelâ, no parcè che o soi estremist, ma parcè che no à mai vude voie di confrontâsi sul argoment. L'unic che al à viert la puarte al è stât Blasoni, ma chei altris nancje mi àn rispuindût. E chest nol significhe rapresentâ il teritori, al significhe vê un ategjament arogant e vonde.
Renzo, sul fat che Illy al sedi svelt e al sepi sfrutâ lis ocasions, no si discut: al è un che al sa gjestî lis cuestions. Ma al è ancje di dî che "chest" cendridrete in consei regjonâl nol varès mai fat une leç su lis minorancis linguistichis. E di chest mi displâs, parcè che la int di centridrete no le pense come i conseîrs di AN e no le pense come Asquini e i Camber che si sentin a plaçâl Oberdan.
Il rest a son dutis cjacaris di plui: cuant che o ai cirût il dialic cul grup consiliâr di Forza Italia, i prins a evitâ il dialic a son stâts chei che a varessin di fâ lis leçs... e po al ven fûr tai incuintris che la "culture" e je une robe che la çampe e à monopolizât e si lamentisi... su chest argoment, il centridrete vu¡e in consei regjonâl no si è impegnât plui di tant, anzit par nuie a ecezion de Lega Nord, di Roberto Molinaro dal Udc e di Massimo Blasoni di Forza Italia.
E su la cuestion de moderatece, o pensi di jessi avonde moderât. no soi un che al fâs casin dibant. Ma su chest argoment, stant che o ai la fortune di cognossilu un tic ancje come tecnic, al semee che se un al precise cualchi pont al è un taliban, un estremist.
Al è come se un rasonîr che al tache a fevelâ di belançs e conts al fos clamât "estremist" dome parcè che al fevele in maniere aprofondide de cuestion. Invezit ta chel câs si dîs che al è un professionist che al fevele cun cognizion di cause.
La veretât e je che la cuestion linguistiche no pues jessi frontade di int che e dîs "O feveli furlan, o soi furlan, e alore o pues permentimi di dî dut ce che mi passe pal cjâf". La politiche linguistiche e je une robe che no si improvise. E invezit îr o ai sintude tante improvisazion. E se o pues ametile intune ostarie o cui amîs, intun consei regjonâl o pretint che la int che si sente alì e vedi almancul la umiltât e la buine volontât di documentâsi: un Roberto Asquini che al dîs "Una lingua orale non può essere scritta, come si fa?" al significhe che nol cognòs nancje l'ABC de cuestion. Dutis lis lenghis a nassin dome orâls! (zio vescul! isal tant dificil?) Cualchidune dopo, e ven cul timp ancje scrite, ma dutis lis lenghis scritis a son artificiâls! Porche miserie! Isal tanti dificil di capîlu?
Si fevele tant di no obligâ nuie, di no imponi nuie: ma alore parcè nissun disial nuie a proposit dal fat che in Italie al è deventât obligatori e al è stât imponût il toscan che si fevelave dome dongje Florence?
Jo no le ai cul talian, le ai cu la ignorance che e monte in scagn e e pretint di savê dut e invezit di chestis robis no sa un caz e no à nancje la umiltât e la inteligjence di domandâ.
A jessi bogns al è di sperâ che e sedi dome ignorance, parcè che se no al sarès pardabon di suspietâ che cui che al fevele cussì al è propit cuintri de lenghe furlane. Altri che "Siamo Friulani e Amiamo il Friulano" (scrit par talian).
Cumò no soi stât moderât, mi soi scjaldât. O domandi scuse, ma dopo ce che o ai sintût îr o ai pierdude la pazience.
Cualchidun (Maran dai Ds, Lenarduzzi Radicali) criticant la tutele de lenghe furlan a àn dit "Facciamo un referendum, perchè la gente pensa ad altro". Se ducj chei politicants che a son cuintri de tutele linguistiche a son cussì sigûrs che la int no sint chest argoment, parcè no lu vino inmò fat chest referendum? Duncje il probleme di cheste cuestion no je il fat che jo o soi estremist o che o propon cuestions masse ideologjizadis. Il probleme che ta chei mês achì, chei a vevin la responsabilitât di aprofondî la cuestion, cirint di fâ clarece a la int, a àn invezit dome pensât a alçâ polvaron disinformant. E chest nol significhe fâ politiche, ma fâ gjalinâr! E di cheste colpe, tante responsabilitât e je di cualchi politic, cu la complicitât di cualchi cuotidian locâl.
Onorevul, lis posizions "estremis" lis viôt nome chei che i interesse dî cussì: mai une e je vignude di bande dai furlaniscj. Bè, almancul che no si consideri "estrem" rispietâ lis leçs talianis e europeanis, ma in Italie e puès stai ancje chest, che un che al rispiete la leç e sedi considerât stramb o estremist...
Al contrari o ai let un grum di declarazions estremis di cheatre bande, ao fi fâ cualchi esempli?
O ai chi un biel «bestiari» in pdf...
ma alore parcè nissun disial nuie a proposit dal fat che in Italie al è deventât obligatori e al è stât imponût il toscan che si fevelave dome dongje Florence?
se no je ideologje cheste...
thermo,
mi fâs plasê che propit tu tu mi fevelis di ideologjiis...
Boh..... io i continui a no capii... sarà chi sei tart di comprendoni.....
Pa me il problema personaal a l'è che no rivi a cjata un equilibri su cui insedaa une proposte pulitiche vere...... insome no sei disponibil a ameti che tra "facciamo studiare ai nostri figli l'inglese e internet" e las pusizions veustes a non podi iesi percorude une alternative.
E seconti me il sbaglio di font a l'è propit chest.... non dasi da fa par ceri une vie che io, forsi sbagliant, i clami moderade.
Se la strade a iè che di Toni Beline, che pur i ai cognosuut e stimaat, e da so violence verbaal e ideologiche , beh.... io mi clami fuur subit!
Forsit no soi stât tant clâr, forsit o ai dificoltât a fâmi capî, ma la cuestion e je che la moderazion fint cumò le àn domandade chei che moderâts no soi mai stâts: pecjât che no tu vedis sintût la discussion dal consei regjonâl.
Dut câs Renzo, stant che mi riten no dal sigûr un estremist, mi plasarès che tu provassis a viodile cussì: prin di dut la politiche e à di dâ une vision a tiermin lunc e no imediade e afretade. Nissun domande dut e daurman: la realizazion di un intervent fuart e incisîf e à bisugne di timp, risporsis e fuarcis umanis. Ma se o tachìn la strade cul fren a man tirât... no si va di nissune bande e adiriture tu riscjis di fondi dut.
Fint cumò si à dât dai estremiscj a chei come me (?!) che a domandin dome la pussibilitât di no pierdi une robe fondamentâl come la nestre lenghe. No capìs ce che al è di mâl ta chest. E po cui mai aial dit che no puedin coesisti "inglês, computers e lenghe furlane"? Viodistu Renzo, i "no moderâts", come che tu nus clamis ancje tu, no àn mai fat une cuintriposizion tra lis materiis ma a àn simpri puartât indevant cun clarece le domandis par une tutele adeguade. Il fat che si sedi inmò achì a domandâ ce che nus spiete al significhe che la cuintripart o che e je sorde o che no à voie di scoltâ: in ogni câs e je un interlocutôr NO disponibil.
E mi displâs, ma tu no tu puedis tirâti fûr dal discors, parcè che tu âs sedi la inteligjence sedi lis capacitâts di capî cualis che a son lis responsabilitâts di cui che al è clamât dal popul a rispuindi aes esigjencis de int.
Lu sai benon ancje jo che la societât e je fate di plui areis di intervent e di plui problemis di risolvi, che a son prioritâts e necessitâts diviersis, ma propit par chest si varès di frontâ lis cuestions, e duncje ancje chê linguistiche, cence prejudizis e cun disponibilitât.
Il probleme al è che fint cumò di bande dal centridrete a son stâts avonde pôcs segnâi di disponibilitât a un dialic costrutîf (gjavade la Lega Nord, Blasoni e Strassoldo).
Renzo, fasiti tu promotôr di un incuintri come che tu âs fat cul grup dai roseans e prove a scoltâ ce che a son lis domandis dai furlaniscj cence jessi filtrât dai gjornâi o di notiziis di seconde man: tu ti sês spindût pe difese dal rosean che e je une varietât linguistiche slovene fevelade dome in Val di Resie (trops sono? il comun di Resie al risulte che al vedi 1200 abitants e no pensi che a fevelin ducj rosean): parcè no fâlu par une lenghe fevelade di passe 500.000 personis?
Pero no tu mi as rispuindut.
Jo no mi plati, o ai une ideologje e o pensi spes cun che.
Ma clarissimi el pont dal toscan volgar rindut obligatori come che tu lu as mitut ju, posto che tu ses moderat.
Magari dimi ancje che tu ses convint che qualchi post fascist al vedi jemplat el friul di casermis dal dopovuere fin ai agns novante dome par jemplales di militars terons che cule lor cjacarade e varessin sdrumat le furlanetat, e che le guere frede e jere dut une scuse.
O spieti.
Thermo, jo no soi un linguist, ma nol covente jessi professôrs par rindisi cont che il talian al è fi di chel volgâr toscan che al è stât slargjât in ducj i teritoris dal stivâl.
se no je stade une operazion artificiâl, spieghimi tu parcè che dopo de unitât di italie, la prime robe che a àn fat a sant pieri dal nadison, cun dutis lis necessitâts che e vevin lis vâls di là (al mancjave dut), spieghimi parcè che a àn fat une scuele magjistrâl par formâ mestris talians...
su la cuestion dal dopo vuere, la vuere frede no sarà stade une scuse, ma cemût mai chei che a vevin di fâ il militâr a vignivin mandâts lontans di cjase: i furlans ator pe italie e chei di chês altris regjons a vignivin mandâts achì? Il Friûl, voie o no, al è stât jemplât di casermis, e chest al è un dât di fat.
O rispuint al onorevul:
se lui nol viôt une propueste politiche pussibil pazienze, no lu judi jo: che al si rangji e se al riten che al continui cussì. Intant Strassolt in passât al è stât elet cul 60%. Magari la viodarà Blasoni, no mi impaci... Su l'alternativitât jenfri inglês e furlan nancje no rispuint.
Su la strade de violence verbâl e ideologjiche, come che o ai zà dit, prime bisugne dimostrâ che no le vin vude, e nô e i furlaniscj che si son batûts per une leç di sest NO LE AN VUDE. Il rest a son cjacaris.
Su pre Toni o cjapi at che Lui, onorevul, al si clame fûr rispiet a la sô "violence verbâl e ideologjiche" ma al si cjape vulintîr i compliments di Gambassini, personaç che LUI SI'(!!!) al à simpri vût peraulis violentis e volgârs tai confronts dai furlans.
E la profonditât culturâl des dôs personis e je semplicementri im-pa-ra-go-na-bil. Dutcâs, ognun che al bali cun so agne, magari cualchidun le à massetriestine
E dopo l'unitat d'italie e vevin di meti su scueles di muc segont te? O lassa le int che tiri su dome fasui par no pierdi les lidris?
Pal militar e je une inesatece numeriche, scuasit duç i furlans e an fat el militar achi, tes trupis alpinis, ma e jerin une zone si tant militarizzade che an coventave di fur; si dopo al e ancje cualchidun che al e lat fur regjon, ma pocs, le belance e pende e benon de bande de "importazion". Podopo e savin che "l'unità d'italia l'ha fatta il servizio militare" se chest ti displas pazienze.
Francamentri a mi, furlanist o no mi dares plui fastidi save che dal 2007 un ciert Giorgio Venier Romano al e stat nomenat vuardie dal pantheon....
Ma evidentementri no si cjatarin mai parceche jo o feveli cule ideologje basade sun t'une storie lete su libris scris di mistificators talians che segretamentri e tramavin par sdrumanus....
Ogni tant, lu ai za dit, certis conclusions mi somein ches dal mat che sul puarton dal manicomi, cjalant di fur al donade a chei che passi par strade "cemut staiso la dentri?". Dal so pont di viste le domande e a altri ce mani.
Auguri!
Io i lavori seconti las mees carateristiches e convinzions cu la sperance. Az di fede, ta vite, in dai già faz avonde.....
...oviamente i vulevi di " cu la sperance cal siervisi ad alc"... dato che io i viif perenemente tal dubi se ce chi faas al seti iust o non.... di cert non ai mai fate las mees sieltes dome par convenience.... baste pensaa a cuant che cuatri agns fa i ai molaat cence nisune tratative pal puest opur cuant che, pur cu l'ostilitaat da me int, mi sei schieraat pa l'unitaat dal Friul, cuintri la division da Provincie, nonostante che la magjioranze da Ciargne a la vules.
Onorevul, daspò la acuse di jessi estremist cumò mi bechi chê o soi un che al puarte indevant «az di fede» e cuindi o intuìs che Lui al mi acuse di jessi un utopist.
In politiche, chel che al puarte indevant a son i ideâi e lis ideis come che lui al sa ben. Segont me i furlaniscj cumò a an une cjame ideâl che no à nissun partît talian. Ma no vuei lâ indevant in chest discors teoric parcè che jo invesit o soi une persone concrete.
A proposit di inglês e furlan, par esempli. Di persone concrete i dîs che se un frut al pratiche dos lenghis al è plui facil par lui imparâ une tiarce, parcè che chest al è dimostrât. Nô in Friûl o vin la pussibilitât di praticâ concretamentri dos lenghis (e no è une fortune di pôc, a capîle che la si à) e cuindi imparâ ben la tierce, venastaj l'inglês. Plui facil parcè che a si san i problemas a passâ di une a cheatre e vie indevant.
Al è plui un at di fede pensâ che cumò ducj a si metin a imparâ e praticâ l'inglês cence cussience di ce che al vûl dî praticâ une atre lenghe.
Juste par fâ un esempli, pal rest o crôt concretamentri che promovi lenghe e braure furlane e puarti concrets vantaçs economics, ma no o vuei anoiâ un che segont me al à fat une atre sielte. Concrete ancje chê, ma viodìn se chest colp al è rivât il moment che o vincìn nô. In Scozie e je lade cussì daspò secui, viodarìn...
Simpri rispiet pal lavôr di ducj.
MESSAGGERO VENETO - DIBATTITO - MARTEDI' 30 OTTOBRE 2007
TITOLO: FRIULANO A SCUOLA, GRANDE CONFUSIONE PASSI INDIETRO RISPETTO ALLA LEGGE STATALE
di Fabiano Rosso
Prosegue un singolare balletto a proposito della legge regionale per la tutela della lingua friulana, in un quadro che, invece di schiarirsi, si fa sempre più confuso. Riguardo alla scuola in modo particolare: prima, friulano per tutti (come sarebbe logico); poi no, marcia indietro, solo per chi ne fa richiesta; poi ancora, per tutti, ma con riserva (a fasce territoriali). Insomma. il caos... Si passerebbe così dalla libera interpretazione della legge 482 che, a oggi, vanificandone i princìpi, l'ha resa inapplicata nei fatti, all'"ognuno faccia come crede"... per legge. Strana regola, questa, che lascia che ognuno si regoli secondo le sue convinzioni o secondo un discutibile calcolo di friulanofoni sul territorio e, soprattutto, un bel passo indietro rispetto a quanto previsto dalla legge dello Stato. Si parla poi di "autonomia scolastica", come se la scuola fosse una sorta di "no man's land" esentata dal rispetto delle leggi, zona franca in cui vi è la libertà di calpestare i diritti dei cittadini. Poco è valso il richiamo, fatto da alcuni, agli aspetti anticostituzionali presenti in diversi passi delle modifiche al disegno originale o l'osservazione che le norme di tutela di una legge regionale non possono essere meno favorevoli e meno tutelanti rispetto a quelle già previste dallo Stato. Ma c'è un'altra circostanza che i nostri, politici farebbero bene a ricordare. Nel 2005, una commissione del Consiglio d'Europa (composta da Lidija Basta-Fleiner, Vigen Kocharyan e Alain Chablais) aveva già avuto modo di constatare come, nella nostra regione, i livelli di applicazione della Convenzione quadro per la tutela delle minoranze linguistiche (e in particolare della lingua friulana) che lo Stato italiano aveva ratificato nel 1997 (convenzione che stabilisce i livelli minimi di tutela) fossero disattesi in almeno due settori fondamentali: il servizio pubblico radio-televisivo e, guarda caso, l'insegnamento scolastico. Dal 2005 a oggi nulla è cambiato. Non solo, ma se il buon giorno si vede dal mattino, e se quelle modifiche prenderanno corpo, la situazione sarà anche peggiore. Ma la prossima commissione del Consiglio d'Europa non avrà più motivo di prendersela con lo Stato italiano, dovrà farlo con la Regione Friuli Venezia Giulia, che ne ha le competenze in materia, e con i suoi responsabili. Possiamo immaginare con quali conseguenze: una figura barbina a livello internazionale! Come considerare, infatti, una Regione e la sua classe politica che non si preoccupano nemmeno di difendere il proprio patrimonio linguistico? E perché mai questa Regione dovrebbe avvalersi di uno statuto speciale? O di particolari attenzioni da parte dell'Unione europea? Cari politici, vedete un po' voi!
FABIANO ROSSO
Posta un commento