23 ottobre 2007

O volarès, ma no pues...

Mi sarès plasût di visâus par timp che a Maian si varès fat une buinore dedicade ai zovins cuntun concors par chei che a piturin cu lis bomboletis spray...
Mi sarès plasût di visâus par timp che a Maian e tacave une minirassegne cinematografiche sul cine e il viaç... che lis proiezions a son li dal Informezovins...
Ma no ai podût parcè che lu ai savût tart, stant che o ai cjatât i volantins te ostarie dome dopo che la zornade e jere stade fate e il prin cine al jere za stât proietât...
Lis iniziativis a son inmaneadis dal Informezovins di Maian. A chest pont lis robis a son dôs: o l'Informezovins nol informe avonde o jo no soi plui zovin (che forsit e je vere...) e alore no mi à informât me ;-)

Dut câs la rassegne di cine e va indevant li dal Munnicipi ogni vinars di sere. I titui ju podês cjatâ mandant une mail al Informezovins. Cumò o scrîf ancje jo e se mi rispuindin, o met il calendari sul blog.
Mail: informajano@gmail.com

Domandant scuse ae Valentina, o publichi il link al program che o ai cjatât te sezion events (grazie a Volta la carta)... lu ai dit jo che no soi plui zovin: o soi daûr a rimbambîmi ;-), stant che lu cirivi te sezion Informezovins: ve ca il program dai cines

7 commenti:

Christian Romanini ha detto...

Cheste e je la mail che o ai a pene scrit a informajano@gmail.com:

Mandi Valentina
o soi Christian Romanini.
mi plasarès ricevi par timp lis informazions des ativitâts inmaneadis dal Informezovins.
O ai savût in ritart de rassegne di cine: puedie mandâmi par email il calendari complet des seradis?
Pal avignî, se mi mande lis informazion par timp o podarès ancje publicalis sul gno blog: www.christianromanini.it

Mandi, grazie e bon lavôr
christian

Christian Romanini ha detto...

Pe cronache, il prin cine al è stât I diari della motocicletta, film ispirât al libri di Ernesto Guevara de la Serna, cuant che di zovin, prin di deventâ il "Che", al veve fat un viaç cu la Poderosa ator pe Americhe dal Sud: il film si ispire al libri Latinoamericana

volta la carta ha detto...

Non mi dire che un amministratore comunale tanto attento alle vicende del nostro paese non è a conoscenza del fatto che il comune possiede un sito internet? eppure tra i link da te segnalati c'è anche lo sportel friulano di Majano...
Se accedi al sito tra gli eventi e manifestazioni troverai anche il calendario completo dei film della rassegna...

Quanto alla pubblicità della stessa credo che anche a Farla siano arrivate le cartoline della Comunità Collinare, no? Ebbene tra gli eventi che si svolgeranno da qui a gennaio a Majano è segnalata anche la rassegna cinematografica. E' vero, mancano i titoli dei film. Se però ti interessava tanto pubblicare la notizia per tempo, la mail a Valentina potevi inviarla quando è arrivata la cartolina...
Credo proprio che questo tuo post non sia altro che l'ennesimo pretesto per creare polemica con chi sta dimostrando di sapere fare molto meglio di te e, forse proprio per questo, non ti va proprio a genio...

ninine ha detto...

Volta la carta voltiti di une atre bande...

furio furia ha detto...

simpri a barufa, simpri a barufa...
La maggioranza insegna!

Christian Romanini ha detto...

Mandi Volta la carta
grazie pe segnalazion.
La tô osservazion e je legjitime, ma se o fos un che al cîr la polemiche, no varès retificât e no varès domandât scuse a Valentina.
Invezit chei che a comentin dome par rinfaçâ scrivint "Credo proprio che questo tuo post non sia altro che l'ennesimo pretesto per creare polemica con chi sta dimostrando di sapere fare molto meglio di te e, forse proprio per questo, non ti va proprio a genio... o dîs che forsit al sarès ben che si fasessin un tic di autocritiche prin di sentenziâ.
Dopo dut câs, la critiche e pues stâ e o soi content che i letôrs a intervegnin evidenziant lis mancjancis: al significhe che chest blog al rispuint ae prime funzion che o volevi che al ves cuant che lu ai viert, ven a stâi informâ di ce che al sucêt a Maian (e dulintor)... ancje in maniere interative. Si podessial fâ ancje cui gjornâi.
Grazie "Volta la carta" pal just contribût informatîf.
Grazie ae ninine pe difese di ufici.
Grazie a furio furia... no sai di ce, ma cussì... a prescindere (al diseve totò)

Christian Romanini ha detto...

E cheste e je la seconde mail che o ai mandât a Valentina:
Mandi Valentina
ti torni a scrivi par domandâti scuse: o ai cjatât il program sul sît, lu vevi cirût te pagjine dal sportel e no te pagjine events.
mandi e grazie
scusimi inmò
christian