Post
1 giorno fa
28 ottobre 2007
Domenie cun pre Toni Beline
Par furtune che al è Marino che sul so blog al continue a dâ vôs a pre Antoni Beline:
"La salût e je alc di plui dal jessi a puest cul colesterolo e cui trigliceridis. Ancje il purcit al sclope di salût.
Dongje des trasfusions dal sanc a coventin altris trasfusions.
Par esempli trasfusions di culture. Un popul che nol rive a meti, in tal cjaruç incolm di spese, ancje un libri o che nol à timp di cognossi, stimâ, tramandâ la sô culture, storie, lenghe, esperience, nol è san.
Un popul che nol dopre il so cjâf, al ven doprât!"
(pre Antoni Beline)
Iscriviti a:
Commenti sul post (Atom)
9 commenti:
O pensi che pre Toni nol fos un violent. Al jere un om bon, dolç, profont, cuntune preparazion culturâl fûr di misure, simpatic, svelt e inteligjent e come dutis lis personis plui inteligjentis de medie al veve il coragjo di dîti in muse lis robis. Cence pôre di cui che al veve di front, a cost di deventâ antipatic a chei che no ur pocave masse di sintîsi a dî lis robis scletis e netis. Al varà vût ancje i siei difiets, come ducj i oms, ma nol jere dal sigûr un violent. Simpri che no si vueli fâ passâ "il fevelâ sclet" tant che sinonim di violence.
La frase che tu as mitut ta chist post mi plas, sostituis "un popul" cun t'"un omp" e e devente universal.
No aj capit el sens ni mi a plasut, tant mancul mi a someat dolce:
"Si che duncje, si vierzin lis scuelis.
Coragjo, biâts gjenitôrs che o tradîs la vuestre canaie, biâts mestris che le ruvinais, e soredut biâts fruts che o jentrais contents e cence nissun scrupul là che us coparan!
Tant che un agnel in becjarie"
Thermo,
se tu leis il libri: "Une scuele pai furlans" forsit tu capissis il sens di chê frase. Vuelistu une copie?
No grasie, o ai poc timp di lei e une liste di atese vonde lungje.
Thermo. Une persone dolce e ancje spiritose nol è dit che no pues jessi serie, sobrie, intransigjent.
Il sens se no tu lu âs capît t'al spieghi subit: cu la scuele nome par talian a an copât une lenghe e cuindi un popul: cence dûl, cence un dubi, cuntune azion mirade.
Podopo pues stai che ti vadi ben o che chest al jentri te logjiche de creazion di une nazion che no esisteve. Ma la realtât e je cheste.
peraulis santis!
Al é forsit ancje plui facil di dî bielis peraulis parce ch'a si é daûr a predicjâ e ch'a si sà ce che la int a volarès ch'a si disi ma se nissun lu dîs al é ancjemó piês. Muàrt Toni Beline, al nus reste Toni Merlot e Toni Blear:-)
A mi ch'a mi plâs cirî sclopetins enfre le jarbe a tu puès dîmi ch'o fâs il mone ogni vôlte ch'o cîr di fâ une rime tant che il mone al ûl dî il Jaio al ûl dî ch'o fâs il Jaio...Peró, no sai, al mi plasarès di fâ ancje il Tony:-)
Jajo, e an reson i frances a di che il Belgjo al e plen di stupits, no savevi che an impuartassin ancje....
Jaio, se tu volevis fâ il simpatic... mi pâr che tu podevis sparagnâte...
Posta un commento