Vuê matine o ai stât a la Bikerfest a Osôf. E jere la prime volte che o jentravi come "Motâr". Ve chi che o soi cul gno amì Moreno, l'organizadôr dal event. O ai stât a sintî une conference su la sigurece stradâl e i problemis che i motociscj a cjatin ator pes stradis e che a rapresentin un pericul pe nestre incolumitât.Par chest us segnali il sît di Dismo, e di Motociclisti incolumi, che a fevelin di chest argoment.
Un "Grazie di cûr" a Carla e a Moreno: o soi stât pardabon content e mi sintivi come un frut su lis gjostris!!!
Pal rest, us dîs dome: Ride Free!
Us met cualchi foto (fracait sul link):
Bikerfest 2008 - 00
Bikerfest 2008 - 01
Bikerfest 2008 - 02
Par chestis chi sot o ringrazii Ranieri che lu ai cjatât a la Bikerfest!
Christian Biker 01
Christian Biker 02
Christian Biker 03
Invezit achì un met la mê Bikergallery
Post
8 commenti:
Sul Messaggero Veneto
Martars, ai 03 di Jugn dal 2008
Pagjine 11 - MARILENGHE
A Osôf si impie la fieste dai motârs di dut il mont
«Cuant che o vin vude conferme che o tornavin a Osôf, o sin stâts contents, ma un pinsîr nus è lât a la Cjargne, che o ringraziìn pe biele ospitalitât che o vin vût ta chescj ultins agns». Cussì al comente Moreno Persello, diretôr de riviste Bikers Life e anime de Bikerfest, la fieste dai motârs.
L’apontament al è dai 5 ai 8 di Jugn pe edizion numar 22 dal plui grant event motoradunistic di Italie e tra i prins trê di dute Europe.Il teatri che al ospitarà la fieste al sarà il Parc dal Rivelin cu la sô aree di passe 240 mil metris cuadris li che tal 2000 si son regjistradis passe 30 mil presincis.
La Bikerfest e proietarà il Friûl tal centri dal mont dai motârs stant che l’aspiet principâl de fieste e je propit la internazionalitât cun ospits di dut il mont che a rivin dai continents plui lontans: si son consolidadis presincis ancje dai Stâts Unîts, dal Canadà e adiriture de Australie. Dongje des motos plui particolârs e lis bielis fantatis che a compagnin i motârs, si podaran ancje viodi spetacui di diviers gjenar. Di segnalâ a son i apontaments musicâi cun Sweet (Uk), Pat Savage (Can), The Hurricanes cun Franco Caforio (ex baterist dai Litfiba), Pino Scotto e altris 10 band.
Ma nol sarà dome divertiment. Tai ultins agns la organizazion de Bikerfest e à incressût il spazi par argoments che a son simpri stâts in prin plan: la sigurece stradâl e la atenzion pal sociâl. Di fat, si podarà frecuentâ cors di vuide sigure, ma soredut no si podarà mancjâ al apontament di sabide ai 8 di Jugn a 11 di buinore cuant, che la task force formade di Ami (Associazione motociclisti incolumi), Cm (Coordinamento motociclisti), Dismo (Dimensione sicurezza in moto – Disabili in moto) e Gwci (Gold wing club Italia) e clamarà adun par une cunvigne dedicade a la sigurece par strade e a la difese dai dirits dai motocicliscj.
Duncje une manifestazion fate pai apassionâts di motos che a àn voie di divertîsi, ma ancje par chei che a son atents ai aspiets dal sociâl. Cun di plui e sarà une ocasion pe promozion turistiche de nestre tiere stant che la associazion Terre di moto e à organizât une schirie di itineraris turistics par presentâ pal miôr il nestri teritori (www.terredimoto.it).
La sigurece dai partecipants e sarà garantide sedi dal coordenament de Protezion civîl e dai Cb Furlans, des fuarcis dal ordin, dal servizi di sigurece interni e di un servizi di ambulancis che a vigjilaran che ducj i ospits a podedin gjoldi te miôr maniere di cheste impuartante manifestazion che e da tante visibilitât al nestri Friûl.
Il calendari de Bikerfest si lu cjate su www.bikerfest.it.
Christian Romanini
Ancje jo o soi stade cheste sere pe prime volte...une figade!!!
Cuatri gotis di ploie no àn ruvinât la atmosfere di fieste, i rombos dai motôrs e un grun di motos bielissimis! Al jere di ce rifâsi i voi! O speri tant ae prossime edizion di rivâ a lâ cu la ME moto!! =)
grazie per le foto! che bello veder la bikerfest al parco del rivellino :)
Mandi Ninine, figo il minichopper! =)
Mandi Teo, figuriti: o soi content che lis fotos ti plasin. âstu ancje tu la moto?! Ma des tôs bandis... no ise Daytona? =) âstu alc?
e il timp?
:-D
Propite figo! Tu nus mancjs tant, par fortune che ogni tant o podin viodi lis tos fotos (es. donazioni di sangue/plasma, centauro ecc.)
Mandi
Mandi Seffe ancje tu e chei altris coleghis mi mancjais, ancje se li che o soi, o soi contenton. Salude la tô "compagne di banc" e tignêt di voli il blog :-)
Posta un commento