13 giugno 2010

La Cjacarade di Valcic sul Gazzettino di vuê

Dree Valcic (te foto) al dediche vuê la sô rubriche "La Cjacarade" a la azion (o miôr: la no-azion) dal Arcivescul Mazzocato su la cuistion furlane. Il titul mi somee che al dîs za tant...

Chel «mandi» che l'arcivescul nol rinove
di Dree Valcic
Di cuant che al è rivât a Udin, bonsignôr Andrea Bruno Mazzocato, arcivescul, come segnâl di comprension pe gnove realtât che al cjapave la vuide spirtuâl, si è limitât fint cumò a un debil e cuasi obleât “mandi” al la fin dal so discors di investidure. Di chê dì, ai 18 di Otubar dal 2009, al è passât avonde timp par capî lis dinamichis di chel Friûl «che no cognòs» come che al veve dit ta chê volte.
Par tacâ chel percors al à sielt lis sedis dal disasi e de soference: la preson e il Piccolo Cottolengo, che a mostravin lis carateristichis che al intindeve dâ al so mandât. Pocje politiche, plui magjisteri. La incarghe dade a Genero in sostituzion di Gherbezza tal puest di vicjari gjenerâl, mi somee che e confermi la sensazion.
No che chest ca al fos un politic di nature, ma al è stât lui il cleric che al à partecipât a ogni iniziative, cunvigne, assemblee che e domandàs la presince de Glesie dal Friûl dongje dai problemis leâts al disvilup di cheste tiere. Comprindûts chei de autonomie. Un argoment che Mazzocatp al evite pulît, come che no si è mai venturât sui ritarts romans pe aprovazion dal “Messâl par furlan”. Forsit al à decidût che un “mandi” al baste e al vanze.

3 commenti:

mario venir ha detto...

io o soi leghist e mi ricognos nome tes mes opinions ,a le el me credo e dal batecul di vescul di Udin ce cal parabule no mi dis nie ,se a le vignut in friul e no sintisi furlan al po tornà tal so pais mandi e amis pui di prime un salut ai leghisch dal friul

michi ha detto...

E la Leghe Nord che a met il Friûl dentri la Padanie?

michi ha detto...

E la Leghe Nord che a met il Friûl dentri la Padanie?