25 dicembre 2009

Bon Nadâl e che Diu us dei dal ben, par chest an e par chel cu ven

Preiere di Nadâl
Ven jù Signôr
dal to cîl di glorie,
ven a comedâ la nestre storie.

Ven jù Signôr
in cheste puare tiere,
là che a regnin
svindic, fam e vuere.

Ven jù Signôr
a sfantâ la pôre e il scûr,
a morestâ e a sclipî il nestri cûr.

Ven jù ancje vuê
come chê dì a Betlem,
ven a viodi dal puar
e di chel che al zem.

Ven jù in chest mont
simpri plui forest:
dome cu la tô gracie
si podarà meti in sest.

Ven jù Signôr
dal to biel cîl stelât,
ven a viodi dal mont
che al è malât.

Ven jù Signôr
a fânus il grant regâl
dal perdon e de pâs
come tal prin Nadâl.

pre Antoni Beline

4 commenti:

Anonimo ha detto...

ogni ben a ti, Christian!

il crot ha detto...

Bon Nadâl ancje a ti

surisin Toni ha detto...

Buinis lis tôs sieltis. Grazie e tancj augurs ancje a ti.

Vuardianut ha detto...

buinis fiestis christian!