30 dicembre 2009

Il rispiet pe muart esistial inmò?

La dì di Nadâl al è muart Carlo Sgorlon. E îr al è stât il so funerâl.
Ce che mi avilìs al è chest tentatîf che plui di cualchidun al cîr di fâ par impiâ la polemiche su la pocje o tante partecipazion di int al so funerâl.
Jo no ai stât e dome vuê o scrîf di lui. No soi stât un so letôr ancje se nissun pues meti in discussion la sô opare che lu fâs un dai scritôrs talians plui innomenâts dal Nûfcent.
Si pues ancje no jessi dacuardi, e jo tra chescj, cu la sô concezion dal furlan (mi somee che, pûr scrivint tant dal Friûl, nol ves vude tante stime de lenghe furlane, che par tant timp al veve fadiât a considerâle "lenghe"... ancje se, leint i gjornâi di vuê, o ai cjatât une declarazion di Federico Rossi che al dîs che al ves gambiade idee... no sai ce pensâ, mi documentarai miôr).
Ma cumò nol è il moment des polemichis tra chei a pro e chei cuintri, des recriminazions, de conte di "cui che al jere e cui che nol jere": cuant che al mûr un om, al lasse simpri un vueit e se la sô e jere une "vôs de culture", il cidin che al lasse al pese.
E mi fâs tant mâl viodi che chest "vueit" al jemple simpri di plui une societât che no je buine di vê rispiet nancje denant de muart, e, invezit di stâ cidine almancul in cierts moments, e vuache dibant.

8 commenti:

ninine ha detto...

Ma fasin ben i nons!

Il tg3 regjonâl mi à dât il voltestomit, za no lu consideravi un tg prime, cu lis sôs careladis di cazadis triestinis ("interessant" il servizi di chê altre sere sui bars dal centri cul cafè a 0,60 centesims metût te prime part di gjornâl...) e cumò inmò mancul, dopo che intal servizi sul funerâl di Sgorlon a àn spesseât a dî che e mancjave la "intelighentia friulana", invezit di fevelâ de sô opare o di lassâ spazi a lis intervistis a inbt che lu veve cognossût!VERGOGNE!

Podio fâ un apel?!?!
Che Telefriuli o Free si sveiedin e che a fasedin un tg di cualitât inte stesse fasse orarie dal tg3!!!!

venir mario ha detto...

Iò no ai cognosut trop chest omp,o ai nome let qualchi robe sul giornal,ma ale stat el professor di me fi Gianni che a chei timps a lere un sever cultor de lenghe taliane.E daur ce che disin i giornai nacionai al ere un grant om di culture e osannat pal mont.Grant scrittor di libris,pensador,un poc misantropo in compless un om che a la dade nomee al friul,mandi

patrizia ha detto...

mi splas che l'autor dal blog
al scrivi che nol ul fa polemichs
e alore èarcè atu scrit
se no tu as nancje mai let un so libri?
no lu atu let parceche al ere un furlan che al scriveve soredut par talian?
jo lu ài letparceche al ere un autor cal mertave di jessi let
e parceche tai soi libris al cjacarave dal friul
e al à contribuit a fa cognossi il friul fur dal friul.

par chel cal riguarde telefriuli, lui al à fat le so part.
al à mandat in onde une interviste di doi ains ondaur, cuanche sgorlon al ere già malat
no sai se dopo andà fatis atris.
forsit le interviste no le ves bidude vuatris.

o ses giovins ma vecjos dentri
cul vuestri integralism furlan.

maman e bon an gnuf a ducj

Christian Romanini ha detto...

Mandi Patrizia

Tu mi domandis parcè che o ai scrit se no volevi fâ polemiche... isal un concet cussì lontan de tô maniere di viodi lis robis? tu scrivistu dome par fâ polemiche?
Se no tu âs capît, il contignût dal post nol jere une riflession su la opare leterarie di Sgorlon, ma sul fat che cualchidun nol piert ocasion par sbeleâ, atacâ, cirî di meti in brute lûs cui che nol è omologât a la culture dominante, come cui che al cîr di fâ alc a pro de lenghe e de identitât furlane. E la robe che mi à fat stomi al è stât propit chel di vêlu fat in ocasion de muart di un om di culture.
No ai let Sgorlon parcè che no ai mai vude la ocasion e parcè che o ai preferî cjatâ rispuestis in altris autôrs. Chest nol significhe svilî o mancjâ di rispiet al autôr. O varès mancjât di rispiet se o ves fevelât di lui e dai siei libris cence vêlu ni let ni cognossût.
Bon an ancje a ti cu la sperance che il 2010 ti puarti un tic mancul di velen.

patrizia ha detto...

mandi christian,
in tes tus peraulis e àn let polemiche ancje atris
o forsit e àn pensat di fa polemiche
(mi riferis al intervent de ninine
che e à spost il so interes sui tg regjonai).
a me no mi intaresse se tu eris o no tu eris al funeral
no eri nancje jo sal è oar chel.
no mi intaresse se erin i politics e cuai
dal rest no j intaressave nancje a sgorlon.
a sgorlon come a beline
i faseve plasè che e fos le int dal popul furlan
e che e ere.
i politichis che van ai funerai par onor di firme
e par fasi viod de int
no mertin al mio voto
e no mertavin nancje al voto d sgorlon e beline.

no sta ve pore christian
tal 2010 o sarai velenose come tai ains passas.

maman.

patrizia

Jaio Furlanâr ha detto...

E sa si contas une storie plui gaie ae Shakespeare?
Contimi une storie lancurôse o gaie ma miôr gaie. A nd'ere une vôlte un simiteri...

patrizia ha detto...

jaio
une storie di simiteri divertente e cjantade?
al ere un omp.....

http://www.youtube.com/watch?v=-LCm0_nQjH0&feature=related

e dopo no steit a dì co soi velenose :-)

buine gnot.

patrizia ha detto...

un atre di simiteris
prime di là a durmì:

http://www.youtube.com/watch?v=w2DWMrqmvt8&feature=related

bon, basrte