A continuin lis lezionutis di furlan. Dopo de prime de setemane passade, ve chi un altri boconut di Grafie Uficiâl... a proposit: vêso discjamât il pdf dal librut dal Olf? NO?!! Alore ve lu achì di gnûf: fracait e lait a leilu ogni tant.Par lei la seconde lezionute, cjalait il prin coment...
Post
12 commenti:
3. Ûs di cj, e di gj
Il sun postpalatâl sort e sonôr, che nol esist par talian, si lu scrîf cui digrams «cj» e «gj»; il segn «cj» si lu conserve intîr ancje in fin di peraule (il sun postpalatâl sonôr nol esist in fin di peraule: par esempli: ducj, tancj, chescj...).
Postpalatâl sort:
1. cjan, cjoc, pacjuc, picje, cjiche, bocje, cjalçut, cjamp, cjatâ, moscje.
2. ducj, cuancj, tancj, chescj, triscj, grancj, tocj, parincj, vincj.
Postpalatâl sonôr:
3. gjat, gjonde, gjube, gjenar, filologjic, spongje, ingjustri, gjal, Gjigji.
il digram GJ invezit si cjate dome in cuarp di peraule e mai ae fin!
e cumò us domandi di scrivi 3 paraulis doprant il digram CJ e 3 peraulis cul digram GJ: nol vâl copiâ di chei altris...
us fâs notâ une robe: l'i lunc, ven a stai il "j" ta chest câs al è tacât al C o al G e insiemit al è come se a fossin une letare sole: digram al significhe propit chest, che a van doprât insiemit.
duncje dongje di CJ e GJ a covente simpri une vocâl se a son in cuarp di peraule:
cjicare (tazzina) e NO cjcare;
filologjiche e NO filologjche.
invezit il digram cj al puest stâ in fin di peraule e alore al pues stâ ancje cence vocâl: es, ducj
1 al e sonor
2 ale sort
3 sonor
cjale ce cjot che tu as fat!
stetu cjoc!
che il gjaul ti sbugjeli!
atu di coregj alc?
coregj o coregji
Gjigji ????
come gjigji proietti?
Thermo
Come Gjigji Proietti: esat.
pal verp "correggere", par furlan al è corezi (scrit cul "z" parcè che al al è un sun dolç come "gi" di "gita"... ma cheste e je une altre lezion.
controle sul vocabolari
ps: ce volevistu cul prin coment?
sort al è il CJ che al pues stâ sedi in cuarp di peraule (CJan), sedi ae fin (duCJ)
sonôr al è GJ che invezit si cjate dome in cuarp di peraule: (GJat), ma no esist nisssune peraule che e finìs cun -gj.
isal plui clâr?
tra cjan e gjat no sintivi difarence mestri o crodoevi che in peraule al fos sonor, in final sort (e dome pe cj visto che nisune peraule e finis cun gj)
cjan e gjat no son compagns: un al baule e chel altri al sgnaule...
a part monadis, la definizion e fevele clâr: ten presint la gramatiche
il probleme de definizion no je te posizion che il digram al à te peraule, ma inte maniere che si forme il sun, ven a stâi, se tu fasis câs cuant che tu pronuncis "ducj", "cjan", "cjaval"... il sun al è ben difarent di cuant che tu pronuncis "gjat" "gjugjule"...
us segnali une robe di lei e comentâ: FRACAIT ACHì
Posta un commento